கேள்வி - ஒரு பக்க கதை

by **ayyasamy ram** Mon Feb 02, 2015 2:51 pm

-
ஏங்க! காலம் எவ்வளவோ மாறிப்போச்சு...
இந்த நவீன யுகத்திலும் உங்க அம்மா மட்டும்
கற்காலமாவே இருக்காங்க... என்றாள் கவிதா.
-
அப்படின்னா எங்க அம்மாவை காட்டுமிராண்டின்னு
சொல்றியா? கோபப்பட்டான் ஆனந்த்.
-
அப்படிச் சொல்லலை. அவங்க அந்த காலத்து
மனுஷிதான், இருந்தாலும்...
-
கவிதா! அவங்க நம்மை மாதிரி காலேஜுக்கு போய்
கம்ப்யூட்டர் சயின்ஸ் எல்லாம் படிக்கலை.
-
ஒத்துக்கிறேன். அவங்க பேஸ்புக், ட்விட்டார், வாட்ஸ்அப்,
இதெல்லாம் தெரியலன்னா தப்பில்லை...
-
வேறென்ன தெரியணும்கிற?
-
ஆடு, மாடு மேய்க்கிறவங்ககூட செல்போன்ல செல்ஃபி
எடுத்துக்கிறாங்க... ஆனா நீங்க ஆபீஸ்ல இருந்து போன்
பண்ணா, இவங்களுக்கு அதை எடுத்துப் பேசத் தெரியல!
ரிமோட் எடுத்து டி.வி.யில சேனல் மாத்தத் தெரியல..
அப்பப்ப என்னை வந்து டிஸ்டர்ப் பண்றாங்க.
-
விடு கவிதா! அவங்க கிராமத்துல வாழ்ந்தவங்க..
அப்படித்தான் இருப்பாங்க என்றான் ஆனந்த்.
-
ஏங்க! அறிவியல் வளர்ந்துகிட்டே இருக்கு.. நாமும்
அதுக்கேத்த மாதிர மாற வேண்டாம்? என்றாள் கவிதா.
-
எல்லாம் சரிதான்டா! என் மனசு நோகுமேன்னுகூட
நினைக்காம, நான் பார்த்துடக்கூடாதுன்னு குழந்தைக்கு
மறைச்சி, மறைச்சி சோறு ஊட்டறதும், தவறி பார்த்துட்டா,
குழந்தைக்கு திருஷ்டி சுத்திப் போடறதும் எந்த
விஞ்ஞானத்துல வருதுன்னு கேளு..
-
- மாமியாரின் எதிர்பாராத கேள்வியால் வாயடைத்து
நின்றாள், கவிதா.
-
---------------------------------------

- எஸ். குமாரகிருஷ்ணன் - குமுதம்