அதென்ன மூணே மூணு வார்த்தை...?- திரைப்படம்

-

திரைப்பட இயக்குநர் மதுமிதா பேட்டியிலிருந்து...
-

அதென்ன மூணே மூணு வார்த்தை...?

மூன்று வார்த்தை என்றால் உங்கள் நினைவுக்கு
வருவது எது என்று இளைஞர்களிடம் கேட்டிருந்தோம்.
வந்த பதில்களில் 90% பேர் "ஐ லவ் யூ' என்றே
குறிப்பிட்டிருந்தார். நாட்டில் காதலைத் தாண்டி யோசிக்க
நிறைய விஷயங்கள் இருக்கிறது. வேலை தேடும் இரண்டு
இளைஞர்களின் கதை இது. அவர்கள் எப்படி பெரிய
தொழிலதிபர்களானார்கள் என்பதே முக்கிய திருப்பம்.
இயக்குநர் பாக்யராஜ், எஸ்.பி.பி. சரண் கதையின்
திருப்பமான காட்சிகளில் வருகிறார்கள்.
-
எஸ்.பி.பி., லட்சுமி இருவரையும் தாத்தா, பாட்டி
ஆக்கியதன் பின்னணி?
-
முதலில் அவர்களுக்கு அம்மா, அப்பா கேரக்டரில்தான்
யோசித்திருந்தேன். மிதுனம் தெலுங்கு படம் பார்த்தபோது
அதில் அவர்கள் இருவரும் வயதான தம்பதிகளாய் வாழ்ந்து
காட்டியிருந்தார்கள். ஆந்திராவில் அவர்கள் வேடம் திரும்பிய
பக்கமெல்லாம் பேசப்பட்டு வருகிறது.

எனவே அப்பா, அம்மா கேரக்டரை தாத்தா, பாட்டியாக
மாற்றினேன். தமிழில் முதல்முறையாக எஸ்.பி.பி., லட்சுமி
மேடம் தாத்தா, பாட்டியாக நடிப்பது பெரிய அளவில்
வரவேற்புப் பெறும் என்பதாலே அப்படி அமைத்தேன்.
-
இருவரும் சீனியர் ஆக்டர்கள் என்பதால் அவர்களை
நெருங்கி வேலை வாங்க சற்று பயம். மற்றபடி நான்
சொன்னதை கேட்டு இருவரும் போட்டி போட்டு
நடிக்கிறார்கள். ஒருவரை ஒருவர் முந்த வேண்டும்
என்கிற ஆரோக்யமான நடிப்புப் போட்டியை
அவர்களிடம் பார்த்து பிரமித்தேன். என் தாத்தா,
பாட்டியே நினைவுக்கு வந்து விட்டார்கள்.
-
இந்தப் படம் வந்த பிறகு இப்படி ஒரு தாத்தா, பாட்டி
நமக்கு இல்லையே என்கிற ஏக்கம் இளைஞர்களிடம்
வரும். "மாலினி-கிருஷ்ணன்' என்று
கதாபாத்திரங்களில் லட்சுமியும், எஸ்.பி.பி.யும்
வாழ்ந்திருக்கிறார்கள்.

தமிழ், தெலுங்கு இயக்கியாச்சு அடுத்தது?

பாலிவுட், போகிறேன். இந்திப் பட இயக்குநர்
ரமேஷ் சிப்பி படத்திற்கு என் கணவர்தான் எடிட்டிங்.
மும்பையில்தான் கணவர் இருக்கிறார். எனவே
பாலிவுட் பிரவேசம் தொடங்கி விட்டது.

ஸ்ரீதேவியுடன் ஒரு இந்திப் படம் பண்ணுவது குறித்து
டிஸ்கஷன் நடக்கிறது. அந்த நல்ல செய்தியை
விரைவில் சொல்வேன்.
-
---------------------------------------------

- சபீதா ஜோசப் - குமுதம்