வில்லுப்பாட்டு மூலம் திருக்குறள் போதித்து டில்லியை கலக்கிய தமிழக கலைஞர்கள்

**ayyasamy ram** · **ayyasamy ram** Mon Feb 02, 2015 7:12 am

-
புதுடில்லி:
டில்லியில் நடைபெறும், 'சர்வதேச கதை சொல்லும்
கலைஞர்கள் திருவிழா'வில், தமிழகத்தைச் சேர்ந்த
வில்லுப்பாட்டு கலைஞர் வேட்டராயன் குழுவினர்,
திருவள்ளுவர், மகாத்மா காந்தியின் கருத்துக்களை
மையப்படுத்தி வில்லுப்பாட்டு நிகழ்ச்சி நடத்தியது,
அனைவரையும் வெகுவாக கவர்ந்தது.
-
அரிச்சந்திரன் கதை:
-
'இன்டர்நேஷனல் ஸ்டோரி டெல்லர்ஸ் பெஸ்டிவல்'
எனப்படும் சர்வதேச கதை சொல்லும் கலைஞர்கள்
திருவிழா, டில்லியில் நடந்து வருகிறது.
தமிழகத்தின் திண்டிவனத்தைச் சேர்ந்த, வேட்டராயனின்
வில்லுப்பாட்டு குழுவினரும் இந்த நிகழ்ச்சியில்
பங்கேற்றனர். துாய்மையான இந்தியாவை உருவாக்க,
காந்தியின் போதனைகளை வில்லுப்பாட்டு மூலம்
விளக்கிய இந்த குழுவினர், கடைசி வரை சத்திய
வழியில் நடந்த புராண கதாபாத்திரமான அரிச்சந்திரன்
கதையையும் மக்களுக்கு எடுத்துரைத்தனர்.
-
இதுதவிர, திருக்குறளில் கூறப்பட்டுள்ள பல்வேறு
நல்ல கருத்துக்களும், இவர்களின் வில்லுப்பாட்டில்
இடம்பெற்றன.
-
தமிழகம் மற்றும் கேரளாவின் தொன்மையான
கலைகளுள் ஒன்றான வில்லுப்பாட்டு கலை மூலம்
மக்கள் மத்தியில் நல்ல கருத்துக்களை கொண்டு
சேர்க்கும் முயற்சியில், வேட்டராயன் குழுவினர்
ஈடுபட்டுள்ளனர்.
-
கடவுள் ஒருவரே:
-
திருக்குறள் குறித்து இவர்கள் கூறும் போது,
'வள்ளுவர் எழுதிய எந்த குறளிலும், தமிழ் என்ற
வார்த்தை இடம் பெறவில்லை; எந்தக் கடவுளையும்
குறிப்பிட்டு சொல்லவும் இல்லை.
கடவுள் ஒருவரே என்ற கோட்பாட்டில், வள்ளுவருக்கு
மிகுந்த நம்பிக்கை இருந்ததை அவரின் குறள்கள்
வெளிப்படுத்துகின்றன' என்றனர்.
-
--------------------------------------------
--தினமலர்

வில்லுப்பாட்டு மூலம் திருக்குறள் போதித்து டில்லியை கலக்கிய தமிழக கலைஞர்கள்

வில்லுப்பாட்டு மூலம் திருக்குறள் போதித்து டில்லியை கலக்கிய தமிழக கலைஞர்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக