குமரி அனந்தன் நாளை உண்ணாவிரதம்

**ayyasamy ram** · **ayyasamy ram** Thu Jan 29, 2015 4:21 am

மதுவை ஒழிக்கத் தீர்மானம் நிறைவேற்ற
வலியுறுத்தி, மகாத்மா காந்தி நினைவு நாளான
வெள்ளிக்கிழமை (ஜன. 30) சென்னை மாநாகராட்சி
தலைமை அலுவலகமான ரிப்பன் மாளிகை
வளாகத்தில் உண்ணாவிரதம் இருக்கப் போவதாக
தமிழ்நாடு காங்கிரஸ் கமிட்டி முன்னாள் தலைவர்
குமரிஅனந்தன் தெரிவித்துள்ளார்.
-
இதுதொடர்பாக புதன்கிழமை அவர் வெளியிட்ட
அறிக்கை:

மதுவால் குடும்பங்கள் சீரழிகின்றன. படிப்பவர்கள் பலர்
குடிப்பவர்களாகி விட்டனர். கொலை, கொள்ளை,
பாலியல் பலாத்காரம், இளம் வயதில் மரணம், சாலை
விபத்துகளில் மரணம் என கொடுமைகள் நடக்கின்றன.

விடுதலைப் போராட்ட காலத்தில் கள்ளுக்கடை மறியல்
என்பது முக்கியான போராட்டமாக இருந்தது. 1917-இல்
ராஜாஜி சேலம் நகராட்சித் தலைவராக இருந்தபோது,
சேலம் நகரத்தில் மது விற்கக் கூடாது என தீர்மானம்
நிறைவேற்றினார். அவர் காலத்தைவிட இப்போது
குடியால் விளையும் தீமைகள் பன்மடங்கு அதிகமாகி
விட்டன.

1917-இல் ராஜாஜி செய்ததுபோல சென்னை
மாநகராட்சியும் தன் எல்லைக்குள் மது விற்கக் கூடாது
என தீர்மானம் நிறைவேற்ற வேண்டும் என பலமுறை
மனு கொடுத்தும் பலனில்லை.

எனவே, இதனை வலியுறுத்தி காங்கிரஸ் கட்சி,
காந்தி பேரவை, விடுதலைப் போராட்ட தியாகிகள்
வாரிசு சங்கம் ஆகியவை சார்பில் சென்னை மாநகராட்சி
வளாகத்தில் மகாத்மா காந்தியின் நினைவு நாளான
வெள்ளிக்கிழமை (ஜன. 30) காலை 9 முதல் மாலை 6 மணி
வரை உண்ணாவிரதம் இருக்க முடிவு செய்துள்ளதாக
குமரிஅனந்தன் தெரிவித்துள்ளார்.
-
-------------------------------------------------------
-தினமணி

**M.Saranya** · **M.Saranya** Fri Jan 30, 2015 3:18 pm

தகவலுக்கு நன்றி..

போராட்டத்திற்கு பலன் கிடைத்தால் நல்லது ....தமிழ் மக்களுக்கு...

குமரி அனந்தன் நாளை உண்ணாவிரதம்

குமரி அனந்தன் நாளை உண்ணாவிரதம்

Re: குமரி அனந்தன் நாளை உண்ணாவிரதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக