கேப்டன் திவ்யா அஜித்குமார் தலைமையில் அணிவகுத்துச் சென்ற முப்படையினர்

**ayyasamy ram** · **ayyasamy ram** Tue Jan 27, 2015 5:54 am

-

கேப்டன் திவ்யா அஜித்குமார் தலைமையில் அணிவகுத்துச் சென்ற முப்படையினர் 6LQnzfb0Ty2aVuFdbZSv+26deldiv

-
தில்லியில் நடைபெற்ற குடியரசு தின அணிவகுப்பில் பங்கேற்ற அனைத்து பெண் அதிகாரிகள் குழுவை வழி நடத்திச் செல்லும் இந்திய ராணுவத்தின் வான் பிரிவு கேப்டன் திவ்யா அஜித் குமார்.

தில்லியில் திங்கள்கிழமை கொண்டாடப்பட்ட நாட்டின் 66-ஆவது குடியரசு தின அணிவகுப்பை, சென்னையைச் சேர்ந்த ராணுவ கேப்டன் திவ்யா

அஜித்குமார் (25) வழிநடத்திச் சென்றது தமிழகத்துக்குப் பெருமை சேர்க்கும் வகையில் இருந்தது.

குடியரசு தின அணிவகுப்பில் இந்த ஆண்டு முதல் முறையாக பெண்களுக்கு முன்னுரிமை கொடுக்கும் வகையில் பல்வேறு நடவடிக்கைகளை பாதுகாப்புத் துறை மேற்கொண்டிருந்தது. இதையடுத்து ராணுவம், விமானப் படை, கடற்படை ஆகிய முப்படைகளில் பணியாற்றும் பெண்களின் வீரத்தை பறைசாற்றும் வகையில் தில்லி ராஜபாதையில் திங்கள்கிழமை நடைபெற்ற குடியரசு தின அணிவகுப்பில் முப்படைகளின் பெண்கள் பிரிவின் அணிவகுப்பு நடைபெற்றது.

இந்த அணிவகுப்பில், முப்படைகளைச் சேர்ந்த 154 பெண் அதிகாரிகள் கொண்ட பிரிவை, சென்னையைச் சேர்ந்த ராணுவ கேப்டன் திவ்யா அஜித்குமார் தலைமையேற்று வழிநடத்தினார். இதுகுறித்து கேப்டன் திவ்யா செய்தியாளர்களிடம் கூறியதாவது:

"முப்படைகளின் அணிவகுப்புக்கு தலைமையேற்பது வாழ்நாளில் ஒருமுறை மட்டுமே கிடைக்கக்கூடிய வாய்ப்பு. இதை பெருமையாக கருதுகிறேன். சிறு வயதில், ஐ.ஏ.எஸ்.

ஆக வேண்டும் என்பதே என் லட்சியமாக இருந்தது. ஆனால், நான் என்சிசியில் பயிற்சி எடுத்தபோது ராணுவத்தில் சேர வேண்டிய உத்வேகம் எனக்குள் எழுந்தது. தற்போது ராணுவத்தில் பெண்களின் பங்களிப்பும், எண்ணிக்கையும் அதிகரித்து வருவது எனது நம்பிக்கையை மேலும் அதிகரித்துள்ளது' என்றார்.

திவ்யா தனது பள்ளிப் படிப்பை சென்னை "குட் ஷெப்பர்ட்' பள்ளியிலும், கல்லூரிப் படிப்பை ஸ்டெல்லா மேரீஸ் கல்லூரியிலும் முடித்தார். பரத நாட்டிய கலையிலும் கூடைப்பந்து, வட்டு எறிதல் போன்ற விளையாட்டுகளிலும் திறன் படைத்தவர்.

சென்னை ராணுவ அலுவலர் பயிற்சி மையத்தில் (ஓடிஏ) 2010-இல் பயிற்சியை நிறைவு செய்த திவ்யா, சிறந்த முறையில் பயிற்சி முடித்தவராக அப்போது தேர்வு செய்யப்பட்டார். முன்னதாக, 2008-இல் நடந்த குடியரசு தின அணிவகுப்பின்போது சிறந்த என்சிசி வீராங்கணையாகவும் திவ்யா தேர்ந்தெடுக்கப்பட்டார் என்பது குறிப்பிடத்தக்கது. திவ்யாவின் தந்தை அஜித்குமாரும் ராணுவ அதிகாரியாகப் பணியாற்றியவர்.

இந்திய முப்படைகளில் குறுகிய கால சேவையில் சேரும் பெண்களை அவர்கள் விருப்பத்தின்பேரில் நிரந்தர கால பணியில் (பெர்மனென்ட் கமிஷன்) சேர்க்க 2009-ஆம் ஆண்டில் மத்திய அரசு முடிவு செய்தது. இதன்படி 2011-ஆம் ஆண்டு நிலவரப்படி, ராணுவத்தில் 1,055 பெண்களும், கடற்படையில் 288 பெண்களும், விமானப்படையில் 936 பெண்களும் பணியாற்றி வருகின்றனர்.

ஆனால், ராணுவ மருத்துவ பணிகளில் 1927-ஆம் ஆண்டு முதல் செவிலியர்களாகவும், 1943-ஆம் ஆண்டு முதல் மருத்துவ அதிகாரிகளாகவும் பெண்கள் பணியமர்த்தப்பட்டு வருவது குறிப்பிடத்தக்கது. இதுபோல் விமானப்படையில் 1,350 பேரும், ராணுவத்தில் 1,300 பேரும், கடற்படையில் 350 பேரும் மருத்துவப் பணிப் பிரிவுகளில் பணியாற்றி வருகின்றனர்.
-
-தினமணி

**ராஜா** · **ராஜா** Tue Jan 27, 2015 10:48 am

கேப்டன் திவ்யா அஜித்குமார் தலைமையில் அணிவகுத்துச் சென்ற முப்படையினர் 3838410834

கேப்டன் திவ்யா அஜித்குமார் தலைமையில் அணிவகுத்துச் சென்ற முப்படையினர் 103459460

வாழ்த்துகள் சகோதரி ,

பாலாஜி · பாலாஜி Tue Jan 27, 2015 11:25 am

வாழ்த்துகள் கேப்டன் திவ்யாஅஜித்குமார் மகிழ்ச்சி

**T.N.Balasubramanian** · **T.N.Balasubramanian** Tue Jan 27, 2015 4:40 pm

நாட்டிற்கும்
மாநிலத்திற்கும்
பெருமை சேர்த்துள்ள
திவ்யா அஜீத்குமாருக்கு

ரமணியன்

mbalasaravanan · mbalasaravanan Tue Jan 27, 2015 4:55 pm

அவர்களின் வெற்றிக்கு பின் ஒரு ஆண் இருக்கிறார் மறக்க வேண்டாம்

**T.N.Balasubramanian** · **T.N.Balasubramanian** Tue Jan 27, 2015 5:06 pm

mbalasaravanan wrote:அவர்களின் வெற்றிக்கு பின் ஒரு ஆண் இருக்கிறார் மறக்க வேண்டாம்

மேற்கோள் செய்த பதிவு: 1117421

அப்பிடியா ? பெண்கள்தான் அணி வகுத்துவருகிரார்கள் !! ஆண் யாரும் இல்லையே !

(இப்பிடியே பெருமைபட்டுக் கொண்டு இருங்கள் .ஆண்களை வீழ்த்திவிட்டு பெண்கள் முன்னுக்கு வந்து கொண்டு இருக்கிறார்கள் . கேஜ்ரிவாலை தோற்கடித்துவிட்டு கிரண்பேடி வரப்போறாங்க . அப்போதான் நீங்க சொன்னது கரெக்டாக இருக்கும் )
ரமணியன்