இந்தியா புறப்பட்டார் ஒபாமா !

by **krishnaamma** Sat 24 Jan 2015 - 21:44

புதுடில்லி: வரும் 26ம் தேதி நடக்கவிருக்கும் இந்திய குடியரசு தின விழாவில் பங்கேற்க சிறப்பு விருந்தினராக அமெரிக்க அதிபர் ஒபாமா இன்று மாலை 5. 20 க்கு மேரிலேண்ட் அமெரிக்க ஆண்ட்ரூஸ் விமானபடை தளத்தில் இருந்து விமானத்தில் ஏறி புறப்பட்டார். இவருடன் மனைவி மிக்செல் மற்றும் செயலர்கள், அதிகாரிகள் என பலரும் வருகின்றனர். நாளை ( ஞாயிற்றுக்கிழமை ) காலை 10 மணிக்கு டில்லி வந்து சேருவார் என எதிர்பார்க்கப்படுகிறது. ஒபாமாவுக்கு டில்லி விமான நிலையத்தில் சிறப்பான வரவேற்பு அளிக்கப்படுகிறது. ஒபாமா வருகை முன்னிட்டு டில்லி முழுவதும் முழு அலர்ட்டில் வைக்கப்பட்டுள்ளது.

மகள்கள் யாரும் வரவில்லை ; ஒபாமாவுடன் மனைவி மிக்செல் ஒபாமா, அமெரிக்க சிறுபான்மை தலைவரும், பிரதிநிதியுமான நான்சி பெலோசி, செனட்டர் மார்க் வார்னர், அமெரிக்க பிரதிநிதிகள் ஜோ. கிரௌலி, ஆமிபெரா, அமெரிக்க வர்த்தக அமைச்சர் பென்னி பிரிட்ஷ்கர், அமெரிக்க தேசிய பாதுகாப்பு செயலர் சுசான் ரைஸ், வர்த்தக பிரதிநிதி மைக்கேல் போர்மேன், ஒபாமாவுக்கான கவுன்சிலர் ஜான் போடேஸ்ட்டா, மற்றும் வர்த்தக பிரதிதிகள் , உயர் அதிகாரிகள் வந்துள்ளனர். மகள்கள் யாரும் வரவில்லை.

தினமலர்