அரசு வழக்குரைஞர்களுக்கு சட்டம் தெரிந்திருக்க வேண்டும்: அரசியல் தலைவர்களை அல்ல! உயர் நீதிமன்றம்

**ayyasamy ram** · **ayyasamy ram** Sat Jan 24, 2015 8:18 am

அரசு வழக்குரைஞர்கள் சட்டம் தெரிந்தவர்களாக இருக்க வேண்டுமே தவிர, அரசியல் தலைவர்களைத் தெரிந்தவர்களாக இருக்கக் கூடாது என சென்னை உயர் நீதிமன்றம் தெரிவித்தது.

திருச்சி மாவட்ட முதன்மை அமர்வு நீதிமன்றத்தில் நடைபெற்று வரும் ஒரு குற்ற வழக்கை, புதுக்கோட்டை மாவட்ட நீதிமன்றத்துக்கு மாற்றக் கோரி எம்.பிரகாஷ் என்பவர் சென்னை உயர் நீதிமன்ற மதுரை கிளையில் மனு தாக்கல் செய்தார். இந்த மனுவில், திருச்சி மாவட்ட நீதிமன்றத்தில் உள்ள அரசு தரப்பு வழக்குரைஞர் ஆளும் கட்சிக்கு ஆதரவாகச் செயல்படுவதாக மனுவில் குற்றம் சாட்டப்பட்டிருந்தது. இந்த மனு மீதான விசாரணை நீதிபதி என்.கிருபாகரன் முன்பு நடந்தது. விசாரணைக்குப் பிறகு நீதிபதி சென்னையில் பிறப்பித்த உத்தரவு:

திருச்சி மாவட்ட முதன்மை அமர்வு நீதிமன்றத்திலிருந்து, புதுக்கோட்டை மாவட்ட முதன்மை அமர்வு நீதிமன்றத்துக்கு மாற்றக் கோரிய வழக்கை சம்பந்தப்பட்ட அமர்வு நீதிமன்றம் ஜூன் 30-ஆம் தேதிக்குள் முடித்து வைக்க வேண்டும் என்ற உத்தரவுடன் இந்த மனு தள்ளுபடி செய்யப்படுகிறது. அதே சமயம், அரசு வழக்குரைஞர்கள் மாநிலத்துக்காகவும், மக்களின் நலனை கருத்தில் கொண்டும் மட்டுமே வழக்குகளை நடத்த வேண்டும். இதை விடுத்து, ஆளும் கட்சியினருக்காக வழக்கில் செயல்படக் கூடாது.

ஆளும் கட்சியைச் சேர்ந்தவர்கள்தான் அரசு வழக்குரைஞராக நியமனம் செய்யப்படுகிறார்கள் என்பது எழுதப்படாத சட்டமாக உள்ளது. அரசு தலைமை வழக்குரைஞர்களும் இது போன்றுதான் நியமனம் செய்யப்படுகின்றனர்.

திறமை, அனுபவத்தின் அடிப்படையில் அரசு வழக்குரைஞர்களை நியமனம் செய்யாமல், கட்சி உறுப்பினர் அட்டை வைத்திருப்பவர்களும், கட்சிக்காக ஆர்ப்பாட்டங்கள், போராட்டங்களில் ஈடுபடுவர்கள் மட்டும்தான் அரசு வழக்குரைஞர் பதவிக்கு முன்னிலைப்படுத்தப்படுகின்றனர். இதனால், குற்ற வழக்குகளில் தண்டனை பெறுவோரின் எண்ணிக்கை குறைந்து வருகிறது. கட்சியில் எம்.பி., சட்டமன்ற உறுப்பினர் போன்ற பதவிகளை வழங்க முடியாதவர்களுக்கு, இது போன்று அரசு வழக்குரைஞர் பதவியை அரசியல் கட்சிகள் வழங்குகின்றன. முழு நேர அரசியல்வாதிகள் கூட, பல மாவட்ட நீதிமன்றங்களில் அரசு வழக்குரைஞராக நியமிக்கப்படுகின்றனர். மேலும், அரசு வழக்குரைஞர் பதவி என்பது அரசியல் பதவி அல்ல. இது சட்டத்தை நிர்வகிக்கக் கூடிய பொறுப்புள்ள பதவி. தகுதி, திறமை, ஒருமைப்பாடு உள்ளவர்களை மட்டுமே இந்தப் பதவியில் நியமனம் செய்ய வேண்டும்.

எனவே, வழக்குரைஞர்கள் சட்டம் தெரிந்தவர்களாக இருக்க வேண்டுமே தவிர, அரசியல் தலைவர்களைத் தெரிந்தவர்களாக இருக்கக் கூடாது என தனது உத்தரவில் தெரிவித்தார்.
==========
--தினமணி

**M.M.SENTHIL** · **M.M.SENTHIL** Sat Jan 24, 2015 3:29 pm

நல்லத்தான் சொல்லி இருக்காரு, இத நம்ம ஆளும் கட்சியும், மத்த கட்சிகளும் கேட்கணுமே.

கோ. செந்தில்குமார் · 03/04/2014

நீதித்துறையில் முக்கிய பொறுப்பு வகிப்பவர்கள் பலருக்கு சட்டமே தெரியாது என்பது உங்களுக்கும் தெரியுமே அய்யா...! அதுக்கும் சேர்த்து ஒரு உத்தரவை போட்டா நல்லா இருக்குமே...!! உங்களுக்கு புண்ணியமா போகும் அய்யா...!!!

murugesan · murugesan Sun Jan 25, 2015 12:37 pm

ஆளும் கட்சியைச் சேர்ந்தவர்கள்தான் அரசு வழக்குரைஞராக நியமனம் செய்யப்படுகிறார்கள் என்பது எழுதப்படாத சட்டமாக உள்ளது. அரசு தலைமை வழக்குரைஞர்களும் இது போன்றுதான் நியமனம் செய்யப்படுகின்றனர். இதனால் தான் நீதிமன்றத்தில் லஞ்சம் வாங்கப்பட்டு குற்றங்கள் மீண்டும் மீண்டும் தொடர்கதையாக இருக்கிறது..

**T.N.Balasubramanian** · **T.N.Balasubramanian** Sun Jan 25, 2015 2:44 pm

சோ அவர்களின் , " உண்மையே, உன் விலை என்ன ?"
நாடகம் நினைவிற்கு வருகிறது . அதில் நீதி படும் பாடு , விவரிக்க இயலாது .

ரமணியன்

**Dr.S.Soundarapandian** · **Dr.S.Soundarapandian** Sun Jan 25, 2015 4:10 pm

நீதிபதி என் கிருபாகரன் வாழ்க!

கிருபாகரன் சொன்னது வழக்கறிஞர்களுக்கு மட்டும்தான் என்றாலும்
உயர் பதவிக்காரர்கள் அனைவருக்கும் பொருந்துமே ?

**krishnaamma** · **krishnaamma** Sun Jan 25, 2015 6:27 pm

//அரசு வழக்குரைஞர்கள் சட்டம் தெரிந்தவர்களாக இருக்க வேண்டுமே தவிர, அரசியல் தலைவர்களைத் தெரிந்தவர்களாக இருக்கக் கூடாது என சென்னை உயர் நீதிமன்றம் தெரிவித்தது//

அவர் சொல்றது கேட்க நல்லாதான் இருக்கு...............ஆனால் கேட்கணுமே !.
.
.
.
கேட்டால்..........ரொம்ப நல்லா இருக்கும் , நாடு விளங்கும் புன்னகை

Sponsored content · Sponsored content

அரசு வழக்குரைஞர்களுக்கு சட்டம் தெரிந்திருக்க வேண்டும்: அரசியல் தலைவர்களை அல்ல! உயர் நீதிமன்றம்

அரசு வழக்குரைஞர்களுக்கு சட்டம் தெரிந்திருக்க வேண்டும்: அரசியல் தலைவர்களை அல்ல! உயர் நீதிமன்றம்

Re: அரசு வழக்குரைஞர்களுக்கு சட்டம் தெரிந்திருக்க வேண்டும்: அரசியல் தலைவர்களை அல்ல! உயர் நீதிமன்றம்

Re: அரசு வழக்குரைஞர்களுக்கு சட்டம் தெரிந்திருக்க வேண்டும்: அரசியல் தலைவர்களை அல்ல! உயர் நீதிமன்றம்

Re: அரசு வழக்குரைஞர்களுக்கு சட்டம் தெரிந்திருக்க வேண்டும்: அரசியல் தலைவர்களை அல்ல! உயர் நீதிமன்றம்

Re: அரசு வழக்குரைஞர்களுக்கு சட்டம் தெரிந்திருக்க வேண்டும்: அரசியல் தலைவர்களை அல்ல! உயர் நீதிமன்றம்

Re: அரசு வழக்குரைஞர்களுக்கு சட்டம் தெரிந்திருக்க வேண்டும்: அரசியல் தலைவர்களை அல்ல! உயர் நீதிமன்றம்

Re: அரசு வழக்குரைஞர்களுக்கு சட்டம் தெரிந்திருக்க வேண்டும்: அரசியல் தலைவர்களை அல்ல! உயர் நீதிமன்றம்

Re: அரசு வழக்குரைஞர்களுக்கு சட்டம் தெரிந்திருக்க வேண்டும்: அரசியல் தலைவர்களை அல்ல! உயர் நீதிமன்றம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக