மூங்கில் யாத்திரை…!!! -Mano Red

Mano Red · Mano Red Sun Jan 25, 2015 8:42 am

முச்சந்தியில்
ஒப்பாரியுடன் தொடங்கியது
மூங்கில் யாத்திரை,
சுற்றிலும் தலை கவிழ்ந்தே
சுற்றங்கள் வந்தாலும்
வானம் பார்த்தே அது சென்றது…!!

அழுகைகளும்,
அலறல் கதறல்களும்
அதிகமாய் இருந்தாலும்,
அவர் காடு சென்றதும்
அவ்வீடு கழுவப்பட்டதில்
அவர் ஆனார் அதுவாக…!!!

அதுவான அவர்
தெரு கடக்கையில்
நடைபாதை தடமெல்லாம்
பிரதியெடுத்தன
அவரின் வாழ்நாட்களை…!!
சிதறி ஓடியது அவரின்
புறம் மட்டுமல்ல அகமும் தான்…!!!

நான்கு பேர் அல்ல,
நாற்பது பேர் வந்தாலும்
சுமக்கப் போவது
வெற்றுடலை மட்டுமே..!!
ஆனால் அவ்வுடல் சுமப்பதோ
பாவ புண்ணியங்களின்
மூட்டை முடிச்சுக்களை…!!

அண்ணாந்து பார்த்தலின்
கடைசி ஆசைப்படி,
பொத்தல் விழுந்த
போர்வைத் துணியுடன்
ஒத்தை உடல்
வித்தை ஏதும் காட்டாமல்
அந்தரம் பார்த்தபடி வருகிறது..!!

உயிருக்கு இல்லாத
மாலை மரியாதைகள்
உடலுக்கு கிடைத்தது..!!
புதிய புகழின் போதை
தலைக்கேறும் முன்பே
உப்பு சப்பில்லா உடல்
உலைக்கு ஏற்றப்பட்டது..!!

உயிர் பிரிந்து
ஊசலாடும் உடல்,
உடன்கட்டை இழந்து
உலகம் துறக்கும் நேரத்தில்
உணர்ந்து கொண்டது,
உலர்ந்து தளர்ந்து போனது
உடல் மட்டுமல்ல…!!

மூங்கில் யாத்திரை…!!! -Mano Red TR1LnWZFQ7CMYbWcWaYy+mortuary-415x260

மூங்கில் யாத்திரை…!!! -Mano Red TR1LnWZFQ7CMYbWcWaYy+mortuary-415x260

**M.M.SENTHIL** · **M.M.SENTHIL** Sun Jan 25, 2015 6:26 pm

கவி அருமை மனோ....

இருப்பினும் இந்த
மூங்கில் யாத்திரை
எல்லா மனுசனுக்கும் பொதுவன்றோ?
பணம் படைத்தவன்
கூடவே திமிர் படைத்தவன்
எவனாகிலும்,
அன்றாடம் சோற்றுக்கே
அல்லல் படுபவன் ஆகிலும்,
இந்த யாத்திரையை
விரும்பும் மனிதன் இலர்!!!

மூங்கில் யாத்திரை…!!! -Mano Red

மூங்கில் யாத்திரை…!!! -Mano Red

Re: மூங்கில் யாத்திரை…!!! -Mano Red

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக