'தூய்மை இந்தியா'வுக்காக கூடுதல் வரி : தொலைபேசி மற்றும் இணையதள கட்டணங்கள் உயரக் கூடும்

பிரதமர் மோடியின் கனவுத் திட்டங்களில் ஒன்றான, தூய்மை இந்தியா திட்டத்திற்காக, நிதி சேகரிக்கும் வகையில், தொலை தொடர்பு கூடுதல் வரி விதிக்கப்பட உள்ளது. இதனால், தொலைபேசி மற்றும் இணையதள கட்டணங்கள் உயரக் கூடும்.

மகாத்மா காந்தியின் பிறந்த நாளான, அக்., 2ல், கடந்த ஆண்டில் துவக்கப்பட்டது தூய்மை இந்தியா திட்டம். நாடு முழுவதும், அரசு அலுவலகங்கள் உட்பட அனைத்து பகுதிகளும் சுத்தமாக பராமரிக்கப்பட வேண்டும் என்பதற்கான இந்த திட்டத்தில் அனைவரும் இணைய வேண்டும் என, பிரதமர் மோடி அழைப்பு விடுத்தார். அதன் படி, அமைச்சர்கள், பிரபலங்கள் இந்த திட்டத்தை செயல்படுத்தி வருகின்றனர். இதற்கு நிதியுதவி வழங்க, உலக வங்கி முன்வந்துள்ளது. முதற்கட்டமாக, 500 கோடி ரூபாயை வழங்க, உலக வங்கி அறிவிப்பு வெளியிட்டுள்ளது. அது போல, 'டெலிகாம் செஸ்' என்ற பெயரில், தொலை தொடர்பு சேவைகளுக்கு கூடுதல் வரி விதிக்க அரசு முடிவு செய்துள்ளது. இதுகுறித்து, தொலை தொடர்புத் துறை அமைச்சகம், மத்திய அரசின் தலைமை வழக்கறிஞர், அட்டர்னி ஜெனரலிடம் கருத்து கேட்டது. பார்லிமென்டில் சட்டம் கொண்டு வருவதன் மூலம், கூடுதல் வரி விதிக்கலாம் என, அட்டர்னி ஜெனரல் தெரிவித்தார். இதையடுத்து, வரும் பட்ஜெட் கூட்டத்தொடரில் பார்லிமென்டில் சட்டம் நிறைவேற்ற மத்திய அரசு முடிவு செய்துள்ளது. தொலை தொடர்பு சேவைகளுக்கு கூடுதல் வரி விதிக்கப்பட்டால், அந்த சேவைகளுக்கான கட்டணம் உயரும். குறிப்பாக, தொலைபேசி மற்றும் இணையதள சேவைகளுக்கான கட்டணம் அதிகரிக்கும்.

மான்யம் கொடுக்க மரத்தில் காய்க்கவில்லையே பணம். கூழுக்கும் ஆசை மீசைக்கும் ஆசை .....எதற்கும் வருவாய் வேண்டும். உண்மையாக உழைத்து ஈட்ட மக்கள் நினைக்கனும்.......அப்போது.......

(மும்முறை பதிவானதால், இரண்டு நீக்கப்படுகிறது .)

ரமணியன்

ஷண்முக நாதன், நீங்கள் போடும் செய்திகளை எங்கிருந்து எடுத்தீர்கள் என்றும் போடுங்கள்...சரியா? ...அன்புடன், கிருஷ்ணாம்மா !

அடப்பாவிகளா...............பணம் சுருட்ட இப்படி ஒரு வழியா?...பாவம் பொது மக்கள் தான்...............