தயாநிதி உதவியாளர் உட்பட 3 பேர் கைது

by kshanmuganathan Thu Jan 22, 2015 4:00 am

புதுடில்லி: தயாநிதி மத்திய அமைச்சராக இருந்தபோது அரசு சார்பில் வழங்கப்பட்ட 300 தொலைபேசி இணைப்புகளை, முறைகேடாக பயன்படுத்தியது தொடர்பான வழக்கில், தயாநிதியின் கூடுதல் தனிச்செயலாளராக இருந்த கவுதமன் உள்ளிட்ட 3 பேரை சி.பி.ஐ., அதிகாரிகள் கைது செய்தனர். கவுதமனை தவிர கண்ணன், ரவி ஆகியோரையும் சி.பி.ஐ., அதிகாரிகள் கைது செய்தனர். இந்த வழக்கு தொடர்பாக அவர்களிடம் நடத்தப்பட்ட விசாரணையின் போது, கிடைத்த ஆதாரங்கள் அடிப்படையில், 3 பேரும் கைது செய்யப்பட்டதாகவும், இவர்கள் இன்று சென்னையில் உள்ள கோர்ட்டில் ஆஜர்படுத்தப்பட உள்ளதாகவும் அதிகாரி ஒருவர் கூறினார்.

by சிவனாசான் Thu Jan 22, 2015 5:51 am

சட்டம் தன்கடமையை செய்கிறது. சட்டத்தின் முன் எல்லோரும் சமம் என்பதை உணராமல் அதிகாரபலத்தால் பலர் ஆசைபட்டு அனுபவித்தால் ..........ஒருநாள்..........மேலே ஒருவன் இருக்கிறான் என்பதை மறந்து..........

by **ராஜா** Thu Jan 22, 2015 10:59 am

300 சாதாரண தொலைபேசி இணைப்புகள் அல்ல.
அதிநவீன கண்ணாடி இழை broadband இணைய இணைப்புகள் அவை.

இதை வைத்து தான் suntv உலகதொலைகாட்சிகளில் முதல் முறையாக என்று பல நேரடி ஒளிபரப்புகளை செய்தார்கள்

எல்லாம் யார் அப்பன் வீட்டு காசு , அதான் இப்ப மாட்டுகிறார்கள்

by **T.N.Balasubramanian** Thu Jan 22, 2015 12:36 pm

ஏமாற்றப்பட்ட நிர்வாகம், அடைந்த நிதி இழப்பு ( நாம் செலுத்திய பல வித வரிகள் )
அனுபவித்தவர்கள் ,லாபம் அடைந்தவர்கள் சொத்திலிருந்து மீட்கப்படுமா ?

ரமணியன்

by யினியவன் Thu Jan 22, 2015 4:14 pm

நம் இழப்பு தானே அவர்கள் சொத்தே புன்னகை

by **T.N.Balasubramanian** Thu Jan 22, 2015 4:31 pm

யினியவன் wrote:நம் இழப்பு தானே அவர்கள் சொத்தே

மேற்கோள் செய்த பதிவு: 1116647

அதான் அரசியல்வாதிகள் எல்லோரும்
நம்மை "ரத்தத்தின் ரத்தமே " என்று அழைக்கிறார்களோ ?

ரமணியன்

by **krishnaamma** Thu Jan 22, 2015 5:10 pm

T.N.Balasubramanian wrote:
யினியவன் wrote:நம் இழப்பு தானே அவர்கள் சொத்தே
மேற்கோள் செய்த பதிவு: 1116647

அதான் அரசியல்வாதிகள் எல்லோரும்
நம்மை "ரத்தத்தின் ரத்தமே " என்று அழைக்கிறார்களோ ?

ரமணியன்

மேற்கோள் செய்த பதிவு: 1116651

நிஜம் ஐயா புன்னகை

by **T.N.Balasubramanian** Thu Jan 22, 2015 7:00 pm

தொலைபேசி இணைப்புகள் முறைகேடாக கொடுத்த வழக்கில் மூன்று பேர் கைதானது தொடர்பாக தயாநிதி அர்த்தமற்ற குற்றச்சாட்டுகளை சுமத்துவதாக பாஜகவின் மூத்த தலைவர் சுப்ரமணியசுவாமி குற்றம்சாட்டியுள்ளார். பிஎஸ்என்எல் நிறுவனத்தின் தொலைபேசி இணைப்புகளை முறைகேடாகப் பயன்படுத்தியதாக தொடரப்பட்ட வழக்கில் தொலை தொடர்புத் துறை முன்னாள் அமைச்சர் தயாநிதி மாறனின் கூடுதல் தனிச் செயலராக இருந்த கவுதமன் உள்பட 3 பேரை சி.பி.ஐ. அதிகாரிகள் நேற்றிரவு கைது செய்தனர். சன்டிவியில் முறைகேடாக தொலைபேசி இணைப்பு பயன்படுத்தியதாக ஒப்புக்கொள்ளக் கூறி கைது செய்யப்பட்ட மூவரையும் சி.பி.ஐ அதிகாரிகள் அடித்து துன்புறுத்துவதாகவும், தயாநிதிமாறன் குற்றம் சாட்டினார். யாரையோ திருப்திப்படுத்த சி.பி.ஐ. இப்படி நடந்துள்ளது. குறிப்பாக தமிழ்நாட்டை சேர்ந்த ஒரு ஆர்.எஸ்.எஸ். அறிவு ஜீவியை திருப்திபடுத்தும் நோக்கில் சி.பி.ஐ. நடந்திருக்கிறது என்றும் செய்தியாளர்களிடம் கூறினார் தயாநிதிமாறன். தயாந்திமாறன் விளக்கம் குறித்து சுப்பிரமணிய சாமி கருத்து தெரிவித்துள்ளார். அவர், சிபிஐ வழக்கு பதிந்து கைது செய்யும்போது சம்பந்தப்பட்டோர் விளக்கம் தருவது இயல்பே. வழக்கில் இருந்து தீர்வு பெற நீதிமன்றத்தையே நாடவேண்டும். அர்த்தமற்ற குற்றச்சாட்டுகளை கூறுவது நியாயமற்றது. மூவரும் துன்புறுத்தப்பட்டிருந்தால் மான நஷ்ட வழக்கு தொடரலாம்''என்று தெரிவித்துள்ளார். குருமூர்த்தி சவால் இதனிடையே தயாநிதி கூறிய குற்றச்சாட்டிற்கு ஆர்.எஸ்.எஸ். அமைப்பைச் சேர்ந்த ஆடிட்டர் குருமூர்த்தி பதிலடி தரும் வகையில் கருத்து கூறியுள்ளார். இந்த வழக்கு தொடரப்பட்டது முன்னர் ஆட்சி செய்த காங்கிரஸ் ஆட்சியில்தான். இதில் எங்களை எப்படி அவர் குற்றம்சாட்ட முடியும். முடிந்தால் என்மீது வழக்கு தொடரட்டும் சந்திக்கத் தயார் என்று கூறியுள்ளார்.

நன்றி http://tamil.oneindia.

ரமணியன்