ஆராரோ பாடிடுவோம்

by rupan.T Wed Jan 21, 2015 5:59 am

ஆராரோ பாடிடுவோம்

அலையோசை கேட்ட போது.
உன் குரலோசை கேட்டது.
உன் மடி மீது தவழத்தான்
தனியாத தாகமாய் எண்ணங்கள்
புயலாக எழுகிறது.
கண்ணாடி முன்னாடி நிற்கையில்
உன் திரு மேனி முன்னாடி நிற்குதடி.
தள்ளாடித் திரிகிறேன். உன் நினைவில்.

தோப்போரம் மானாட மயிலாட
தோகை யெல்லாம் விரித்தாட
உன் கரு மேக தோப்போரம்.
மல்லிகைப்பூ வாசனையில்
மதுவுண்டு கழிக்குது. வண்டுகள்.
மதுவுண்டு கழிக்கும் வண்டு போல.
நானும் உன் தலை முடியை
கொய்யும் காலம் எப்போது.

சிலகாலம் காதலித்து.
சிந்தை குளிர பேசினோம்
பல காலம் பிரிந்து வாழ்கிறேன்.
தனியாக சிறையறையில்.
மீண்டும் கரம் பிடித்து நடை பழக
சில காலம் காத்திருங்கள்.
நம் காதல் சாட்சியாம் ஆலமரத்தின் கீழ்
ஆறுதலாய் அமர்ந்து ஆராரோ பாடிடுவோம்…

-நன்றி-
-அன்புடன்-
-ரூபன்-

by **krishnaamma** Wed Jan 21, 2015 4:56 pm

கவிதை அருமை ரூபன் புன்னகை

.
.
.
ஆனால் நீங்கள் கிழே கொடுத்திருந்தது அந்த தளத்துக்கு விளம்பரம் போலவும், அது வேறு தளத்துக்கு இட்டுசெல்வதாலும் அதை எடுத்துவிட்டேன்...கிருஷ்ணாம்மா புன்னகை

by rupan.T Wed Feb 18, 2015 9:24 am

வணக்கம்
கிருஷ்ணம்மா. நான் தான் என்னுடைய வலைப்பூவின் முகவரியை கொடுத்தேன்.. கருத்துக்கு மிக்க நன்றி

by **krishnaamma** Wed Feb 18, 2015 9:49 am

rupan.T wrote:வணக்கம்
கிருஷ்ணம்மா. நான் தான் என்னுடைய வலைப்பூவின் முகவரியை கொடுத்தேன்.. கருத்துக்கு மிக்க நன்றி

மேற்கோள் செய்த பதிவு: 1121166

அப்படியா?....அதை உங்கள் கையெழுத்து பகுதி இல் போட்டுவிடுங்கள்................உங்கள் பதிவுகள் வரும்போது இதுவும் கிழே வரும்..............சரியா? புன்னகை

by **ராஜா** Wed Feb 18, 2015 12:12 pm

ஈகரை தமிழ் களஞ்சிய விதிமுறைகள்

http://www.eegarai.net/t3170-topic

by **T.N.Balasubramanian** Wed Feb 18, 2015 12:15 pm

நன்றாக இருக்கிறது , ரூபன்

நானும் உன் தலை முடியை
கொய்யும் காலம் எப்போது.

கொய்யும் என்றால் பிடுங்குதல் என்றல்லவா அர்த்தம் .
ஒரு வேளை "கோதுதல் " என்கிற "கோதும் காலம் எப்போது"
என்று இருக்கவேண்டுமா ?
ஆம் என்றால் திருத்தி விடலாம் .
தவறாக நினைக்கவேண்டாம் .

ரமணியன்