சிம்புவிடம் நயன் கேட்ட லவ்?

-


இனி ஓட்டவே மாட்டார்கள் என்று நினைத்துக்
கொண்டிருந்த சிம்பு. நயன்தாராவை மீண்டும்
இணைத்து பாண்டியராஜ் இயக்கிவரும் படம்
“இது நம்ம ஆளு’,

சிம்புவுடன் இயக்குனருக்கு டிஷ்யூம்.
வேதாளம் முருங்கை மரம் ஏறிய கதையாய்
ஷூட்டிங்கிற்கு ஆப்செண்ட் போட்டு அப்செட்
ஆக்குகிறார் சிம்பு. இதனால் படம் பாதியில் நிற்கிறது
என ஏராளமாய் கசியும் செய்திகளுக்கு பதில்
கேட்டோம் பாண்டியராஜிடம்.
–
இதோ பாருங்க பத்து நிமிஷத்துக்கு முன்னாடிகூட
சிம்பு போன் பண்ணினார்,(செல்போனை காட்டுகிறார்)
எங்களுக்குள்ள எந்த பிரச்னையும் இல்லை. இந்தப்
படத்தில் சிம்புதான் ஹீரோன்னு சொன்னபோது
சொல்லி வச்ச மாதிரி அய்யய்யோ அவரா, இது
சரிப்படாதேன்னு அட்வைஸ் பண்ணாதவங்களே இல்லை.
–
இந்தக் கதைக்கு சிம்புவை விட்டால் பொருத்தமான
ஆள் இல்லை. அதனால் எதையும் காதில் போட்டுக்
கொள்ளாமல் அவரை கமிட் பண்ணினேன்.
–
மற்ற படங்களில் எப்படியோ, என் படத்தில் கரெக்டா
நடிச்சுக் கொடுத்தார். இன்னும் இரண்டு நாள் ஷூட்டிங்கும்
இரண்டு பாடல்கள் மட்டும்தான் பாக்கி. இடையில் கேப்
விழுந்ததும் உண்மைதான். அதுக்கு சூழ்நிலைதான் வில்லன்.
–
அப்புறம் ஏன் டிவிட்டரில் என்னம்மா இப்படிப் பண்றீங்களேன்னு
கொதிச்சிருந்தீங்க?
–
கோபமெல்லாம் இல்லை. அது கலாய்ப்புதான்.
ஷூட்டிங்கில் கூட இப்படி கலாய்க்கிறது உண்டு.
சிம்பு எல்லாத்தையும் ஜாலியாதான் எடுத்துக்குவார்.
படத்தில்கூட அவரை கலாய்த்து நிறைய வசனங்கள் வருது.
“பொண்ணுங்க கிட்ட பிடிச்சது என்ன?’ன்னு நயன்தாரா
கேட்கும்போது, இவனுக்கு பொண்ணுங்கன்னு எழுதினாலே
பிடிக்கும்னு சூரி கலாய்ப்பார்.
–
இனனொரு காட்சியில், நீங்க லவ் பண்ணியிருக்கீங்களா?ன்னு
கேட்கும் நயன்தாராவிடம் அதுசரி நீங்க ரெண்டு பேருமே லவ்
பண்றதைத்தானே பொழப்பா வச்சிருக்கீங்கன்னு சூரி
கலாய்ப்பார். இந்தக் காட்சியில் நடிக்கும்போது சிம்புவும்
நயன்தாராவும் சிரிப்பை அடக்க முடியாத அளவுக்கு நடிச்சாங்க.
–
படப்பிடிப்பில் சிம்புவும் நயன்தாராவும் எப்படி நடந்துக்கிட்டாங்க?
–
வெளில பேசிக்கிற மாதிரியெல்லாம் சிம்புவுக்கும் நயனுக்கும்
சண்டையெல்லாம் இல்லை. இருவரும் காதலராக இருந்து
பிரிந்த பிறகும் பேசிக்கிட்டுதான் இருந்திருக்காங்க.
ரொம்ப சகஜமா பேசிக்கிறாங்க. காதல் காட்சிகள் பற்றி
அவர்களிடம் விளக்கும்போது அப்படி நடிக்கணும்னு ரெண்டு
பேருமே கேட்பாங்க. உங்களுக்கு நான் சொல்லிக் கொடுத்து தான்
தெரியணுமா?ன்னு கேட்டதும் லேசா புன்னகைத்து கேமரா முன்னாடி
வந்து நின்னு அசத்திடுவாங்க.

ஷூட்டிங் ஸ்பாட்டில் நயன்தாரா எப்படி?
–
தங்கம். முதல்நாள் ஷூட்டிங் முடிச்சிட்டு கிளம்பும்போதே
அடுத்த நாள் எத்தனை மணிக்கு வரணும், என்ன காஸ்ட்யூம்னு
கேட்டுட்டு அடுத்த நாளுக்கான காஸ்ட்யூமையும் கையோட
எடுத்துட்டு போயிடுவாங்க. 9 மணிக்கு ஷூட்டிங் என்றால்
8.50க்கே காஸ்ட்யூம் ப்ளஸ் மேக்கப்போட ரெடியா இருப்பாங்க.
அவங்களுக்காக கேரவன் வச்சதே வேஸ்ட்தான். காஸ்ட்யூம்
சேஞ்ச் பண்ணணும்னா ஸ்பாட்டில் இருக்கும் ரூமிலேயே
டிரெஸ் மாத்திக்குவாங்க. எங்களோடயே ஒண்ணா உட்கார்ந்து
சாப்பிடுவாங்க.
–
அடுத்த 2000 குழந்தைகளை வைத்த படமெடுக்குறீங்களாமே?
–
குழந்தைகள் படம் எடுப்பது உண்மைதான்.
ஆனால் படம் முழுக்க இரண்டாயிரம் குழந்தைகள்
நடிக்கவில்லை. சில காட்சிகளில் மட்டும் அவ்வளவு
குழந்தைகள் நடிக்கிறாங்க.

சூர்யாதான் அந்த படத்தைத் தயாரிக்கிறார்.
இரண்டு வருடங்களுக்கு ஒரு குழந்தைகள் படம்
எடுக்கணும்னு ஆசை இருக்கு. எடுப்பேன்.
–
– அமலன் – குமுதம்