என்.டி.ராமாராவ் மறைந்த தினம்: 18-1-1996

**சிவா** · **சிவா** Sun Jan 18, 2015 1:55 am

Nandamuri Taraka Rama Rao

தெலுங்கு திரைப்பட நடிகரும், ஆந்திரா முன்னாள் முதல்வருமான என்.டி.ராமாராவ் மறைந்த தினம்: 18-1-1996

என்.டி.ஆர்., என அனைவராலும் செல்லமாக அழைக்கப்பட்ட என்.டி.ராமாராவ் தெலுங்கு திரையுலகின் சூப்பர் ஸ்டாராக திகழ்ந்தவர். 1923-ஆம் ஆண்டு மே மாதம் 28-ம் தேதி ஆந்திர மாநிலத்தில் நிம்மகுரு என்ற ஊரில் பிறந்தார். 1947-ல் மனதேசம் எனும் தெலுங்கு படத்தில் காவல் அதிகாரி வேடத்தில் நடித்தார்.

இதையடுத்து இவர் நடிப்பில் தமிழ், தெலுங்கு என இரு மொழிகளில் வெளியான ‘பாதாள பைரவி’ படத்தின் மூலம் இருமொழிகளிலும் பிரபலமடைந்தார். 1952-ம் ஆண்டு வெளிவந்த ‘கல்யாணம் பண்ணிப்பார்’ என்ற படத்திற்கு பிறகு தெலுங்கு திரையுலகில் பெரும் நடிகரானார்.

‘மாயாபஜார்’ படத்தில் கிருஷ்ணனாக நடித்து புகழ்பெற்றார். கிருஷ்ணன் வேடம் என்றால் என்.டி.ராமாராவ்தான் என்ற நிலை ஏற்பட்டது. சம்பூர்ண ராமாயணம் படத்தில் ராமராக நடித்தார். சிவாஜி நடித்த ‘கர்ணன்’ படத்தில் கிருஷ்ணனாக நடித்துள்ளார். தெலுங்கு திரைப்படத்துறையில் இவர் ஆற்றிய பணிகளுக்காக 1968-ல் பத்மஸ்ரீ விருது வழங்கப்பட்டது.

சினிமாத்துறையில் கோலோச்சியிருந்த காலத்திலேயே தெலுங்கு தேசம் கட்சியை தொடங்கினார். தனது 70-வது வயதில் லட்சுமி சிவபார்வதி என்ற கல்லூரி பேராசிரியையை மறுமணம் செய்துகொண்டார். அதன்பின் 1994-ம் ஆண்டு நடந்த ஆந்திர சட்டசபை தேர்தலில் இவரது கட்சி பெரும்பான்மை பெற்று ஆட்சியை பிடித்தார். என்.டி.ஆர். முதலமைச்சர் ஆனார்.

அதைத்தொடர்ந்து சிவபார்வதியின் ஆதிக்கம் அரசியலில் அதிகமாகியது. இதனால் கட்சியில் உட்பூசல்கள் வந்தன. அதன்பிறகு தெலுங்கு தேசம் கட்சி உடைந்தது. 1995-ல் ராமாராவ் முதலமைச்சர் பதவியை ராஜினாமா செய்தார். இதையடுத்து சந்திரபாபு நாயுடு ஓட்டெடுப்பு நடத்தி முதலமைச்சரானார். பின்னர் உடல் நலக்குறைவு ஏற்பட்டு மாரடைப்பால் 1996-ம் ஆண்டு ஜனவரி மாதம் இதே தேதியில் மரணமடைந்தார். அவருக்கு அப்போது வயது 72.

**சிவா** · **சிவா** Sun Jan 18, 2015 1:55 am

இதே தேதியில் நடந்த பிற நிகழ்வுகள்:-

1778 - ஹவாய் தீவுகளைக் கண்டறிந்த முதலாவது ஐரோப்பியன் பேப்டன் ஜேம்ஸ் குக், இதற்கு சான்ட்விச் தீவுகள் எனப் பெயரிட்டான்.

1788 - இங்கிலாந்தில் இருந்து 736 கைதிகளைக் கொண்ட முதலாவது தொகுதி ஆஸ்திரேலியாவின் பொட்டனி விரிகுடாவைச் சென்றடைந்தது.

1824 - இலங்கையின் ஆளுநராக சேர் எட்வர்ட் பார்ன்ஸ் நியமிக்கப்பட்டார்.

1919 - முதலாம் உலகப் போர்: பாரிஸ் அமைதி உச்சி மாநாடு பிரான்சில் வேர்சாயி நகரில் ஆரம்பமானது.

1929 - லியோன் ட்ரொட்ஸ்கி சோவியத் ஒன்றியத்தில் இருந்து வெளியேற்றப்பட்டார்.

1960 - கொங்கோவின் எதிர்காலத்தைத் தீர்மானிக்கும் முக்கிய வட்டமேசை மாநாடு பெல்ஜியத்தில் நடைபெற்றது.

1969 - ஐக்கிய அமெரிக்காவின் விமானம் ஒன்று சாண்டா மொனிக்கா விரிகுடாவில் வீழ்ந்ததில் 38 பேர் கொல்லப்பட்டனர்.

1977 - ஆஸ்திரேலியாவின் சிட்னியின் புறநகர் பகுதியான கிரான்வில் என்ற இடத்தில் பாலம் ஒன்று இடிந்து வீழ்ந்ததில் அதன் மேல் சென்று கொண்டிருந்த ரெயில் கீழே வீழ்ந்ததில் 83 பேர் பலியாயினர்.

1995 - 17,000 ஆண்டுகள் பழமையான குகை ஓவியங்கள் தெற்கு பிரான்சில் கண்டுபிடிக்கப்பட்டன.

2003 - கன்பராவில் இடம்பெற்ற காட்டுத்தீயில் 4 பேர் கொல்லப்பட்டு 500 வீடுகள் முழுவதும் எரிந்து சேதமடைந்தன.

**krishnaamma** · **krishnaamma** Sun Jan 18, 2015 10:29 am

//கிருஷ்ணன் வேடம் என்றால் என்.டி.ராமாராவ்தான் என்ற நிலை ஏற்பட்டது. //

என்.டி.ராமாராவ் மறைந்த தினம்: 18-1-1996 TPpy3YfRSMWLdkMTlkCm+ntr_006

எனக்கு கிருஷ்ண பக்தி ஏற்பட்டது இவரை நான் ஸ்ரீ கிருஷ்ணராக பார்த்த பிறகுதான் என்று நினைக்கிறேன்....அப்போது நான் 8 வது படித்துக்கொண்டிருந்தேன்.....................'மாயா பஜார்' பார்த்துவிட்டு "ஆஹா, கிருஷ்ண வேடம் போட்ட, ஒரு மனிதனே இவ்வளவு அழகாய் இருந்தால்........... அந்த உண்மையான ஜகன்னாதன் கிருஷ்ணர்??????????????? ( இப்படி compare பண்ணக் கூடாது என்று அப்போ தெரியலை புன்னகை