70 ஆண்டுகளாக காற்றை சுவாசித்து உயிர்வாழும் துறவி

**சிவா** · **சிவா** Sat 17 Jan 2015 - 4:05

உணவு ஏதும் உட்கொள்ளாமல் காற்றை மட்டும் சுவாசித்து, கடந்த 70 ஆண்டுகளாக ஒரு துறவி உயிர்வாழ்வதாகக் கூறியுள்ளார்.

நீண்ட சடாமுடி மற்றும் தாடியுடன் காணப்படும் இந்த 83 வயதுத் துறவி தான் தியானத்தின் மூலம் சக்தியைப் பெறுவதாகத் தெரிவிக்கின்றார். சிவப்பு நிற ஆடையுடனும் மூக்கில் வளையம் அணிந்தவராகவும் காணப்படும் ஜானி, குஜராத்திலுள்ள மேக்சானா மாவட்டத்திலுள்ள சாரோட் கிராமத்தில் பிறந்து வளர்ந்தவர்.

இவர் தனக்கு 8 வயதாக இருக்கும் போது சக்தியின் ஆசி பெற்றதாகவும் அதனாலேயே உணவின்றி உயிர்வாழ முடிவதாகவும் தெரிவித்தார். கடந்த 70 ஆண்டுகளுக்கும் மேலாக தண்ணீரை மட்டுமே உணவாக எடுத்துவருவதாகவும் தெரிவித்துள்ளார்.

ஜானி, தனது வாயினுள் வீழ்ந்த துளி நீர் காரணமாகவும் அதிசயிக்கத்தக்க வகையில் தான் உயிர்வாழ்வதாகக் தெரிவித்துள்ளார். வெதுவெதுப்பான நீரை மட்டும் அருந்தி வந்த அவர், சிலவேளைகளில் ஏதேனும் விடயத்தில் ஈடுபட்டிருக்கும் போது பசி, தாகம், குளிர், சூடு என்பன உணரப்படுவதில்லையெனத் தெரிவித்துள்ளார்.

இதையடுத்து மருத்துவமனை ஒன்றில் இவரை அடைத்து வைத்து வெறும் குடிநீரை மட்டுமே உணவாக அளித்து சோதனை செய்து பார்த்துள்ளனர். இவ்வாறு 15 நாட்கள் மருத்துவமனை கண்காணிப்பில் இருந்த அவர், நீரை தவிர உணவேதும் உண்ணாமல் இருந்ததை கண்டு மருத்துவர்கள் அதிசயித்துள்ளனர்.

மேலும் விவரங்களுக்கு!
http://en.wikipedia.org/wiki/Prahlad_Jani

**T.N.Balasubramanian** · **T.N.Balasubramanian** Sat 17 Jan 2015 - 8:30

அதிசயம் தான்
உலகில் பசியின்மை என்று ஒன்று இருந்து விட்டால் ?????????

ரமணியன்

**ayyasamy ram** · **ayyasamy ram** Sat 17 Jan 2015 - 8:39

70 ஆண்டுகளாக காற்றை சுவாசித்து உயிர்வாழும் துறவி 103459460

**M.M.SENTHIL** · **M.M.SENTHIL** Sat 17 Jan 2015 - 15:50

முழுமையான, தூய்மையான எண்ணத்துடன் தியானத்துடன் ஒன்றி இருந்து, தினமும் தியானம் செய்தால் இது போல நடக்க வாய்ப்பு இருக்கலாம் என்று எண்ணுகிறேன். மேலும் நமது சித்தர் பெருமக்கள் காற்றையே உணவாக கொண்டு வாழ்ந்திருப்பதாகவும் படித்திருக்கிறோம்... அந்த வகையில் ஏதேனும் ஒரு அற்புத, அதிசய சக்தி இவருக்கு கிட்டியிருக்கலாம்.

anirudh · anirudh Sat 17 Jan 2015 - 23:19

பசி , தாகம் அண்டாமலிருக்க, சண்டையிடும் போது களைக்காமலிருக்க பலா மற்றும் அதிபலா மந்திரங்களை விஸ்வாமித்திரர் ஸ்ரீ ராமனுக்கு அருளினார் என்று இராமாயணம் கூறுகிறது. இவை இல்லாமல் முறையான ப்ராணாயாமத்தால் சஹாஸ்ராரத்தில் இருந்து அமிர்த தாரை பிரவாகிக்கும் என்றும் அதை அருந்தினால்/அருந்திகககொண்டிருந்தால் பசி தாகம் என்றுமே இருக்காது என்றும் கேள்விப்பட்டிருக்கிறேன்

**T.N.Balasubramanian** · **T.N.Balasubramanian** Sat 17 Jan 2015 - 23:46

anirudh wrote:இவை இல்லாமல் முறையான ப்ராணாயாமத்தால் சஹாஸ்ராரத்தில் இருந்து அமிர்த தாரை பிரவாகிக்கும் என்றும் அதை அருந்தினால்/அருந்திகககொண்டிருந்தால் பசி தாகம் என்றுமே இருக்காது என்றும் கேள்விப்பட்டிருக்கிறேன்

பிராணாயாமத்தால் , வாழும் உயிர்நாட்களை . அதிகரிக்கலாம் என்று கேள்விபட்டுள்ளேன் .நோய் நொடிகள் அண்டாது உடலை பாதுகாக்கமுடியும் என்றும் அறிவேன் . ஆனால் பசி தாகத்தை கட்டுப்படுத்தும் என்பது நான் அறியாதது .
ரமணியன்