அமெரிக்க கறுப்பினத் தலைவர் மார்ட்டின் லூதர் கிங் பிறந்த தினம்

**சிவா** · **சிவா** Thu Jan 15, 2015 5:48 pm

மார்டின் லூதர் கிங் ஐக்கிய அமெரிக்காவில் சமூக உரிமைக்காக போராடிய மாபெரும் ஆப்பிரிக்க - அமெரிக்கத் தலைவர்.

இவர் 1929ம் ஆண்டு ஜனவரி 15ந்தேதி அமெரிக்காவில் உள்ள அட்லாண்டா நகரில் பிறந்தார். இவருடைய தந்தை மார்ட்டின் லூதர், தாயார் அல்பெர்டா ஆவார்.

கல்வியில் திறன்மிக்க இவர் 9 மற்றும் 12 ஆம் வகுப்பு பயிலாமல் அடுத்த வகுப்புக்கு முன்னேற்றப்பட்டு கல்லூரியில் சேர்த்துக் கொள்ளப்பட்டார். 1948ல் அக்கல்லூரியில் தனது சமூகவியல் இளங்கலைப் பட்டம் பெற்று, 1951 இல் பென்சில்வேனியாவில் சமயக் கல்விக்கான பட்டத்தையும் பெற்றார்.

காந்திய வழியில் சிறந்த வன்முறையற்ற அறப்போராட்டத்தைப் பயன்படுத்தியவர். மார்ட்டின் லூதர் கிங் அமெரிக்க முற்போக்கு வரலாற்றில் ஒரு தேசிய சின்னமாகக் கருதப்படுகிறார். 1962ல் அலபாமாவில் நடந்த வன்முறையற்ற வழியில் இவர் நடத்திய அறப்போராட்டம் பலரது கவனத்தை ஈர்த்ததுடன் தேசிய அளவில் புகழ்பெற்றது. கிங் 1963 இல் 'வேலையும் சுதந்திரமும் வேண்டி வாஷிங்டனுக்கு பேரணி' என்ற மிகப் பெரிய பேரணிக்கு ஏற்பாடு செய்தார். பெருமளவில் மக்கள் திரண்டனர். இங்குதான் அவர் தனது புகழ்பெற்ற 'எனக்கொரு கனவு' என்ற புகழ்பெற்ற சொற்பொழிவினை ஆற்றினார்.

அமெரிக்க வரலாற்றில் இது ஒரு மிகப்பெரிய திருப்புமுனையை ஏற்படுத்தியது. இதன் பிறகு அமெரிக்க உளவுதுறை இவரைக் கண்காணித்து அரசுக்கு தகவல்களை அனுப்பத் தொடங்கியது.

வன்முறையற்ற வகையில் நிறவெறிக்கெதிராக பாடுபட்டதற்காக மார்ட்டின் லூதர் கிங்குக்கு அக்டோபர் 14, 1964 ஆம் ஆண்டில் அமைதிக்கான நோபல் பரிசு வழங்கப்பட்டது. இவர் 1968ம் ஆண்டு ஏப்ரல் 4ம் நாள் டென்னசி மாநிலத்தில் மெம்ஃபிஸ் நகரில் சுட்டுக்கொல்லப்பட்டார்.

**ayyasamy ram** · **ayyasamy ram** Fri Jan 16, 2015 5:26 pm

அமெரிக்க கறுப்பினத் தலைவர் மார்ட்டின் லூதர் கிங் பிறந்த தினம் 103459460

**Dr.S.Soundarapandian** · **Dr.S.Soundarapandian** Fri Jan 16, 2015 6:05 pm

இந்த உலகில் நல்லவனுக்கு - முற்போக்காளனுக்கு இடமில்லையோ ?

Sponsored content · Sponsored content

அமெரிக்க கறுப்பினத் தலைவர் மார்ட்டின் லூதர் கிங் பிறந்த தினம்

அமெரிக்க கறுப்பினத் தலைவர் மார்ட்டின் லூதர் கிங் பிறந்த தினம்

Re: அமெரிக்க கறுப்பினத் தலைவர் மார்ட்டின் லூதர் கிங் பிறந்த தினம்

Re: அமெரிக்க கறுப்பினத் தலைவர் மார்ட்டின் லூதர் கிங் பிறந்த தினம்

Re: அமெரிக்க கறுப்பினத் தலைவர் மார்ட்டின் லூதர் கிங் பிறந்த தினம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக