குடிக்காத என்னை குடிகாரனாக்கி விட்டீர்கள்: விஜயகாந்த் வேதனை

kshanmuganathan · kshanmuganathan Tue 13 Jan 2015 - 8:39

''தமிழர்களின் வீரத்திற்கு அடையாளமான ஜல்லிக்கட்டு விளையாட்டை தடை செய்யக் கூடாது,'' என, விஜயகாந்த் தெரிவித்தார்.

விழுப்புரம் மாவட்டம், ரிஷிவந்தியம் தொகுதிக்கு உட்பட்ட பகண்டை கூட்டு ரோட்டில், நேற்று நடந்த பொங்கல் விழாவில், சட்டசபை எதிர்க்கட்சி தலைவர் விஜயகாந்த் பேசியதாவது: தமிழகத்தில், கரும்பு விவசாயிகள் கடுமையாக பாதிக்கப்பட்டுள்ளனர். கரும்புக்கு, 300 ரூபாய் கூடுதலாக கொடுக்கும்படி கூறிய பின்னும், தனியார் ஆலைகள் தர மறுக்கின்றன. விவசாயிகள் நலன் கருதி, தமிழக அரசே இப்பணத்தை தர வேண்டும்.தமிழர்களின் வீரத்திற்கு அடையாளமான ஜல்லிக்கட்டு விளையாட்டை தடை செய்யக் கூடாது. ஆடு, கோழி இறைச்சி விற்பனையை தடை செய்யாமல், வீர விளையாட்டுக்கு தடை போடுவதை ஏற்றுக்கொள்ள முடியாது.

இரவு, பகலாக சினிமாவில் நடிப்பதால், என் கண்கள் சிவப்பாக இருக்கின்றன. இதைப் பார்த்து, குடிக்காத என்னை குடிகாரனாக்கி விட்டீர்கள். என் உடல் நலமுடன் உள்ளது. எந்த மருத்துவமனைக்கு வேண்டுமானாலும் வருகிறேன். என் கல்லீரலை சோதித்து பார்த்துக் கொள்ளலாம். தமிழகத்தில் மூன்றரை ஆண்டு கால ஆட்சியில், சாதனைகளை விட, வேதனைகளே அதிகம். இவ்வாறு, விஜயகாந்த் பேசினார்.

விஜயகாந்த் கல்லீரலை சோதிக்கட்டும்:

விழுப்புரம் மாவட்டம், ரிஷிவந்தியத்தில் நடந்த பொங்கல் விழாவில், பிரேமலதா விஜயகாந்த் பேசியதாவது: ஆட்சியில் இல்லாமல், தன் சொந்த செலவில், பொங்கல் விழா கொண்டாடும் ஒரே தலைவர், விஜயகாந்த் மட்டுமே. இன்னும் ஒன்றரை ஆண்டிற்குள், கொடுத்த வாக்குறுதிபடி, இத்தொகுதிக்கான அனைத்து திட்டங்களையும் நிறைவேற்றி விடுவோம்.ஒரு விஷயத்தை தெளிவுபடுத்த விரும்புகிறேன்; குடிப்பவர்களுக்கு கல்லீரல் சேதமடையும்; யார் விஜயகாந்தை குடிகாரர் என, கூறுகின்றனரோ, அவர்கள் சொல்லும் மருத்துவமனைக்கு, அவரை அழைத்து வருகிறேன்; மருத்துவரைக் கொண்டு பரிசோதனை செய்யுங்கள்; அவர் கல்லீரல் பாதிக்கப்பட்டிருந்தால், அவர்கள் சொல்வதை நான் செய்கிறேன்; இதை சவாலாகவே கூறுகிறேன். விஜயகாந்த், ஆரோக்கியமாக இருக்கிறார்.இவ்வாறு, அவர் பேசினார்.

**krishnaamma** · **krishnaamma** Tue 13 Jan 2015 - 11:32

ச்சே பாவம் விஜயகாந்த் ........ புன்னகை

பாலாஜி · பாலாஜி Tue 13 Jan 2015 - 13:00

குடிக்காத என்னை குடிகாரனாக்கி விட்டீர்கள்: விஜயகாந்த் வேதனை 1PL1QT3QYmxmcaQFqEeA+paruththi

**ayyasamy ram** · **ayyasamy ram** Tue 13 Jan 2015 - 13:08

யினியவன் · யினியவன் Tue 13 Jan 2015 - 13:09

நாங்கல்லாம் பக்கத்து வீட்டுக்காரன் செலவிலையா பொங்கல் கொண்டாடுறோம்?

பொம்பள சிரிச்சா போச்சு
புகையிலை விரிஞ்சா போச்சு
கேப்டன் கண் செவந்தா போச்சு

**ஜாஹீதாபானு** · **ஜாஹீதாபானு** Tue 13 Jan 2015 - 14:43

**krishnaamma** · **krishnaamma** Wed 14 Jan 2015 - 1:30

யினியவன் wrote:நாங்கல்லாம் பக்கத்து வீட்டுக்காரன் செலவிலையா பொங்கல் கொண்டாடுறோம்?

பொம்பள சிரிச்சா போச்சு
புகையிலை விரிஞ்சா போச்சு
கேப்டன் கண் செவந்தா போச்சு

மேற்கோள் செய்த பதிவு: 1115029

சிரி சிரி