ஆந்திராவில் 1.2 கோடி வீடுகளுக்கு இணையதள சேவை: சந்திரபாபு நாயுடு திட்டம்

kshanmuganathan · kshanmuganathan Tue Jan 13, 2015 6:42 am

புது டில்லி:ஆந்திராவில் உள்ள 1.2 கோடி வீடுகளுக்கு மாதந்தோறும் ரூ.150 கட்டணத்தில் வினாடிக்கு 15 எம்.பி. வேகத்துடன் கூடிய இணையதள சேவை அளிக்க அந்த மாநில முதல்வர் சந்திரபாபு நாயுடு திட்டமிட்டுள்ளார்.
இதுதொடர்பாக ஆந்திர அரசு வட்டாரங்கள் தகவல்கள் தெரிவிப்பதாவது:இணையதள வசதிக்காக, 2016-ஆம் ஆண்டு டிசம்பர் மாத இறுதிக்குள் 2.5 லட்சம் கிராமப் பஞ்சாயத்துகளில், தேசிய கண்ணாடி இழைத் திட்டத்தை செயல்படுத்த மத்திய அரசு திட்டமிட்டுள்ளது. ஆந்திரத்தில் இந்த திட்டத்தை மாநில அரசே செயல்படுத்த அனுமதிக்க வேண்டும் என்று மத்திய அரசிடம் கோரிக்கை விடுக்கப்பட்டுள்ளது. மத்திய அரசால் மேற்கண்ட திட்டத்துக்காக ஒதுக்கப்பட்ட நிதியில், ஆந்திரத்தின் நிதியை மாநில அரசிடம் வழங்க வேண்டும் என்றும் மத்திய அரசிடம் கோரப்பட்டுள்ளது.
அவ்வாறு மத்திய அரசிடம் இருந்து கிடைக்கும் ரூ.1,940 கோடி நிதியுடன் மாநில அரசின் ரூ.4,913 கோடி நிதியைச் சேர்த்து, ரூ.5,000 கோடி மதிப்பீட்டில் முதல்கட்டமாக மாநிலத்தில் உள்ள 1.2 கோடி வீடுகளுக்கு ரூ.150க்கும் குறைவான மாத கட்டணத்தில் இணையதள சேவை வழங்குவதற்கு முதல்வர் சந்திரபாபு நாயுடு திட்டமிட்டுள்ளார்.
வினாடிக்கு 15 எம்.பி. வேகத்துடன் கூடிய இந்த வசதியில், திரைப்படத்தை 6 நிமிடங்களில் பதிவிறக்கம் செய்து விட முடியும். இதுபோன்ற சேவையை தனியார் நிறுவனங்கள், மாதத்துக்கு ரூ.1,100க்கு வழங்கி வருகின்றன.இந்தத் திட்டத்துக்காக ஆந்திர அரசு, ஆந்திரப் பிரதேச ஃபைபர் கார்ப்பரேஷன் என்ற நிறுவனத்தை ஏற்படுத்தும். இந்த நிறுவனத்தின் 100 சதவீத பங்கும், ஆந்திர அரசிடம் இருக்கும்.ஆந்திர அரசின் கோரிக்கை குறித்து, மத்திய அமைச்சரவை விரைவில் முடிவு செய்ய வேண்டும் என்று அதிகாரிகள் குறிப்பிட்டனர்.

**ayyasamy ram** · **ayyasamy ram** Tue Jan 13, 2015 4:13 pm

நடைமுறை சாத்தியம் இல்லாதது..!
-
விநாடிக்கு 15 எம்.பி என்றால், 60 விநாடிகளில் அதாவது
ஒரு நிமிடத்திற்குள்ளாக 700 எம்.பி அளவு கொண்ட
திரைப்படம் டவுன்லோடு ஆகும்...!
-

ஆந்திராவில் 1.2 கோடி வீடுகளுக்கு இணையதள சேவை: சந்திரபாபு நாயுடு திட்டம்

ஆந்திராவில் 1.2 கோடி வீடுகளுக்கு இணையதள சேவை: சந்திரபாபு நாயுடு திட்டம்

Re: ஆந்திராவில் 1.2 கோடி வீடுகளுக்கு இணையதள சேவை: சந்திரபாபு நாயுடு திட்டம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக