உன் கவிதையை நீ எழுது

balakarthik · balakarthik Mon Nov 09, 2009 4:06 pm

எழுது
உன் காதல்கள் பற்றி
கோபங்கள் பற்றி
எழுது உன் ரகசிய ஆசைகள் பற்றி

நீ அர்ப்பணித்துக் கொள்ள
விரும்பும் புரட்சி பற்றி
எழுது

உன்னை ஏமாற்றும்
போலிப் புரட்சியாளர்கள் பற்றி
எழுது

சொல்லும் செயலும்
முயங்கி நிற்கும் அழகு பற்றி
எழுது

நீ போடும்
இரட்டை வேடம் பற்றி
எழுது

எல்லோரிடமும் காட்ட
விரும்பும் அன்பைப் பற்றி
எழுது

எவரிடமும் அதைக் காட்ட
முடியாமலிருக்கும்
தத்தளிப்பைப் பற்றி
எழுது

எழுது உன் கவிதையை நீ எழுது

அதற்கு உனக்கு வக்கில்லை என்றால்
ஒன்று செய்
உன் கவிதையை
நான் ஏன் எழுதவில்லை என்று
என்னைக் கேட்காமலேனும் இரு.

balakarthik · balakarthik Mon Nov 09, 2009 4:09 pm

நீ ஒரு பெண்
இதை நீ ஒருபோதும் மறக்காதே
உனது வீட்டின் நிலைப்படியை நீ தாண்டினால்
ஆண்கள்
உடனடியாக உன்னைக் கவனிப்பார்கள்
தெருவில் நீ தொடர்ந்து நடக்கத் துவங்கினால்
ஆண்கள்
உன்னைத்தொடர்ந்து வந்து விசில் அடிப்பார்கள்
தெருமுனை தாண்டி
மெயின்ரோட்டில் நீ அடியெடுத்து வைக்கும்போது
ஆண்கள்
உன்னைக் கேவலமாகப் பார்ப்பார்கள்
நடத்தை சரியில்லாதவள் என்பார்கள்
உனக்கு ஆளுமை இல்லையென்றால்
நீ திரும்பிப் பார்ப்பாய்
அப்படியில்லையெனில் நீ போய்க் கொண்டேயிருப்பாய்
இப்போது போய்க்கொண்டிருப்பதைப் போல!!

balakarthik · balakarthik Mon Nov 09, 2009 4:11 pm

நீ வந்து பேசுகையில்
பூக்களுக்கு வருத்தம்தான்.
காற்றிலேயே தேன் குடித்து
திரும்பி விடுகின்றனவாம்
தேனீக்கள்!

இனி மொட்டைமாடியில் தூங்காதே.
போகவே மாட்டேனென அடம்பிடிக்கிறது,
நிலா!

குறைகளோடு பிறக்கும்
எனது கவிதைகள் யாவும்
உன் முத்தம் வாங்கி
முழுமையடைகின்றன!

உன் வீட்டு ரோஜா மொட்டு
மலரவே இல்லையென குழம்பாதே.
மலர்தான் உன்னை முத்தமிட
எப்பொழுதும் இதழ் குவித்து ஏங்குகிறது!

எழுத எழுத வெறுமையாகவே இருக்கிறது தாள்.
எழுதியதுமே தாளிடமிருந்து தப்பித்து
உன்னைச் சேரும்… காதல் கவிதைகள்!

balakarthik · balakarthik Mon Nov 09, 2009 4:12 pm

முறைக்க சொன்னால் ஏன் முறைக்கிறாய்?
முத்தம் கேட்டால் முறைக்கிறவள்,
முறைக்க சொன்னால் முத்தமிடக்கூடாதா?

உபசரிப்பின்றி உலர்ந்து கிடக்கிறது…
எதிர்பாராத கணத்தில்
சட்டென நீ தந்த ரகசிய முத்தமொன்று!

உன்னைப்போலவே
உனது முத்தங்களுக்கும் காதல் அதிகம்தான்.
முதல் நாளின் கடைசி முத்தம்
அடுத்த நாளின் முதல் முத்தத்தை
சந்திக்கும் வரை உறங்குவதேயில்லை.

பெரிய பூனைகளுக்கு மத்தியில்
ஒரு புலியைப் போல பவனி வருகிறது…
நீ முத்தமிட்ட சிறிய பூனைக்குட்டி!

நீயோர் இதழ்.
நானோர் இதழ்.
காதலுக்கு முத்தம் வேண்டுமாம்!

மீனு · மீனு Mon Nov 09, 2009 4:25 pm

கார்த்திக் ..கவிதை அருமை..
சூப்பர் கவிதை..
ஆனா இந்த கவிதைகளை இளவரசன் முதலே போட்டு இருந்தார்

பெரிய பூனைகளுக்கு மத்தியில்
ஒரு புலியைப் போல பவனி வருகிறது…
நீ முத்தமிட்ட சிறிய பூனைக்குட்டி!

Sponsored content · Sponsored content

உன் கவிதையை நீ எழுது

உன் கவிதையை நீ எழுது

Re: உன் கவிதையை நீ எழுது

Re: உன் கவிதையை நீ எழுது

Re: உன் கவிதையை நீ எழுது

Re: உன் கவிதையை நீ எழுது

Re: உன் கவிதையை நீ எழுது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக