இந்திய நியூட்ரினோ வானாய்வகம் India-based Neutrino Observatory

இந்திய நியூட்ரினோ வானாய்வகம் India-based Neutrino Observatory

கட்டற்ற கலைக்களஞ்சியமான விக்கிப்பீடியாவில் இருந்து.

இந்திய நியூட்ரினோ வானாய்வகம் (India-based Neutrino Observatory, INO) என்பது இந்தியாவின் தெற்கே தமிழ்நாட்டில் அமைக்கப்படவிருக்கும் துகள் இயற்பியல் ஆய்வு மையம் ஆகும். இங்கு முக்கியமாக வளிமண்டல நியூட்ரினோக்கள் பற்றிய ஆய்வுகள் நடைபெறும். தேனி மாவட்டத்தில் போடிநாயக்கனூர் குன்றுகளின் அடிவாரத்தில் 1300 மீட்டர் ஆழக் குகையில் 1359 கோடி உரூபாய் செலவில் இது அமைக்கப்படவிருக்கிறது. இந்தியாவில் நிறுவப்படும் துகள் இயற்பியல் திட்டங்களில் மிகப் பெரியதாக இது இருக்கும்.[1] இத்திட்டம் 2015 ஆம் ஆண்டில் நிறைவடையும் என எதிர்பார்க்கப்படுகிறது.

அமெரிக்காவிலும் உருசியாவிலும் மட்டுமே இப்போது இப்படிப்பட்ட ஆய்வுகூடங்கள் உள்ளன. 1.9 கி.மீ. நீளமுள்ள குகை அமைக்கப்படவுள்ளது. மற்றும் சிறு குகைகளும் அமைக்கப்படும். இவை யாவும் நியூட்றினோ ஆய்வுகளுக்காகப் பயன்படும். 50,000 டன் நிறையுடைய காந்தமாக்கப்பட்ட இரும்பு கலோரிமீட்டர் நியூட்றினோக்களை கண்டு கொள்ளப் பயன்படும். இத்திட்டம் நிறைவடையும் பட்சத்தில், சுவிட்சர்லாந்தில் உள்ள ஐரோப்பிய அணு ஆய்வு நிலையத்தில் அமைக்கப்பட்டுள்ள 12,500 டன் எடையுள்ள காந்தத்தை விட நான்கு மடங்கு பெரியதாக இருக்கும்.[2][3] [4]
வரலாறு

இந்தியாவில் நியூட்ரினோ கூர்நோக்கு ஆய்வகம் ஒன்றை நிறுவும் திட்டம் 1989இலேயே தீட்டப்பட்டது. அன்றுமுதல் இது பலமுறை விவாதிக்கப்பட்டுள்ளது. சனவரி 2000இல் சென்னையில் கூடிய துகள் இயற்பியல் நனவு அனுபவ இயல் பயிலரங்கின் (WHEPP-6) நியூட்ரினோ இயற்பியல் மற்றும் அண்டவியல் ஆய்வுக்குழுவின் முதல் சந்திப்பில் இது விவாதிக்கப்பட்டது; அப்போது நியூட்ரினோ கருத்துக்களை ஒருங்கிணைத்து மிகவும் விரிவான திட்டத்தை வரையறுக்க தீர்மானிக்கப்பட்டது.

இதனைத் தொடர்ந்து கொல்கத்தாவிலுள்ள அணுக்கரு இயற்பியலுக்கான சாஃகா நிறுவனத்தில் ஆகத்து 2000இல் நியூட்ரினோ இயற்பியல் அறிவியலாளர்கள் குழுவில் நிகழ்வாய்ப்புகள் குறித்து உரையாடப்பட்டது. நியூட்ரினோ 2001 சந்திப்பு சென்னையிலுள்ள கணித அறிவியல் கழகத்தில் பெப்ரவரி 2001இல் நடந்தது; இங்கு இந்தியாவில் நியூட்ரினோ ஆய்வகத்தை அமைக்க ஒருங்கிணைப்பு செயல்முறைகள் நிறுவப்பட்டன. இத்தகைய ஒருங்கிணைப்பு முயற்சி முறையாக செப்டம்பர் 6,7 தேதிகளில் மும்பையிலுள்ள டாடா அடிப்படை ஆய்விற்கான கழகத்தில் நடைபெற்றது. இந்தக் கூட்டத்தில் நியூட்ரினோ உணர்கருவிகள் மற்றும் இலத்திரனியலில் உள்ளத் தேர்வுகள், இயற்பியல் நோக்கங்கள், உருவகப்படுத்துதல் மற்றும் அமைவிட ஆய்வு ஒவ்வொன்றிற்கும் தனித்தனி துணைக்குழுக்கள் அமைக்கப்பட்டன.


2002இல் இந்தியாவில் நியூட்ரினோ ஆய்வகத்தை நிறுவும் இலக்கை விரிவாக விவரிக்கும் ஆவணம் ஒன்று தயாரிக்கப்பட்டு அணு சக்தித்துறைக்கு (DAE) வழங்கப்பட்டது. இதில் இயற்பியல் இலக்குகள், உணர்கருவிகளுக்கான விருப்பத்தேர்வுகள் விவரிக்கப்பட்டிருந்தன. இதனைத் தொடர்ந்து இந்த திட்டம் விரைவு பெற்றது.

நன்றி wiki

புதிய தலைமுறை தொலைகாட்சியில் ஒளிபரப்பபட்ட ஒரு விவாதம்

மீத்தேன் பதிவில் , ரமணீயன் ஐயா சொன்ன போதே இது பற்றி படிக்கக் வேண்டும் என்று நினைத்தேன்.

இந்த காணொளியையும் முழுவதுமாக பார்க்க முடியவில்லை , சிறிது நேரம் கழித்து பார்க்க வேண்டும்