வளரும் நாடுகளுக்கு சாதகமாகிறது கச்சா எண்ணெய் விலை சரிவு

**krishnaamma** · **krishnaamma** Sat Jan 10, 2015 11:56 am

புதுடில்லி: வளர்ந்து வரும் நாடுகளுக்குசாதகமாக கச்சா எண்ணெய் விலை சரிந்து வருவதாக உலக வங்கி ஆராய்ச்சி அதிகாரிகள் தெரிவித்துள்ளனர். இது குறித்து அவர்கள் கூறியிருப்பதாவது:

தற்போதைய நிலவரப்படி உலகம் முழுவதும் கச்சா எண்ணெய் விலை குறைந்து கொண்டு வருகிறது. வரும் ஆண்டிலும் இதே நிலைநீடிக்க கூடும். கச்சா .எண்ணெய் ஏற்றுமதி செய்யும் நாடுகளுக்கும் இறக்குமதி செய்யும் நாடுகளுக்கும் இடையேயான வருமான பகிர்வு மாறி விட்டது.உற்பத்தி அதிகரித்த போதிலும் தேவை குறைந்து காணப்படுவதால் கச்சா எண்.ணெய் விலை சரிந்து காணப்படுகிறது.

உலகின் பல இடங்களில் பதற்றமான சூழ்நிலை காணப்பட்ட போதிலும் இதன் விலை சரிந்து காணப்படுகிறது. மேலும் பெட்ரோலிய பொருட்களை ஏற்றுமதி செய்யும் நாடுகளான .ஓபக்க நாடுகளின் கூட்டமைப்பு கொள்கைகளில் செய்யப்பட்ட மாற்றங்களும் இந்த விலை குறைவுக்கு ஒரு காரணமாக கூறப்படுகிறது.

தொடர்ந்து அமெரி்க்க டாலரின் மதிப்பு அதிகரித்து வருவது கச்சா எண்ணெய் விலை சரிவில் முக்கிய பங்கு வகிக்கும் எனவும், இந்த விலை சரிவு இறக்குமதி செய்யும் நாடுகளுக்கு சாதகமாக அமையக்கூடும் என தெரிவித்துள்ளது. இந்த விலை குறைவினால் பொருளாதாரம் வளர்ச்சி அதிகரிப்பதோடு பணவீக்கம், நிதி நெருக்கடி போன்றவை குறையும் என உலக வங்கி பிரிவின் ஆராய்ச்சியாளர்கள் தெரிவித்துள்ளனர்.

தினமலர்

**krishnaamma** · **krishnaamma** Sat Jan 10, 2015 11:57 am

.................இங்கு 'கத்தார் ஏர்லைன்ஸ்' தங்களின் விமான கட்டணத்தையே குறைத்து விட்டார்கள்................ஆனால் நம் நாட்டில்??????????????? சோகம்

**krishnaamma** · **krishnaamma** Sat Jan 10, 2015 11:59 am

தினமலரில் படித்து , ரசித்த பின்னுட்டங்கள் :

1. நமது நாட்டில் சதவிகித வரிகள்.. அதனால் உற்பத்தி விலை குறைந்தாலும் விற்பனை விலையை ரெம்பவும் குறைக்க மாட்டார்கள்.. குறைத்தால் வரிகளும் குறையும், அரசாங்க வருமானமும் குறையும்.. இது நமது நாட்டின் நல்லவர்கள் வைத்த சட்டம்..

Sreedhar M - ஈரோடு,இந்தியா

2. ஆனாஇங்க மக்களுக்கு ஒரு மண்ணும் கிடைக்கலியே..பெட்ரோல் டீசல் விலைகணிசமாக இறங்கலே..கொள்ளை அடிக்கிறாங்க.இப்போ 2,00,000 கோடிய தாண்டியிருக்கும் அரசுக்கு லாபம்..ஆனா மக்களுக்கு "நமாமி நாமம்" ச்கீமுதான்.டீசல் வெலைய குறைங்கப்பா..அத்யாவசிய பொருள் விலை தன்னால குறையும்..

K.Sugavanam - salem,இந்தியா