பெண்ணிய கவிதைகள் தொடர் - கவியருவி ம.ரமேஷ்

by **முனைவர் ம.ரமேஷ்** Thu Jan 08, 2015 8:49 pm

கற்பையே இழந்திருக்கலாம்!

அவன்
விரலும் பார்வையும்கூட
என்மேல் தவறாகப் பட்டிருக்காது!
காதலில் தோற்ற
கட்டியவன் சந்தேகப் படுகின்றான்
என்னவெல்லாமோ செய்திருப்போமோவென்று.
இதற்கு நான்
அவனிடம்
கற்பையே இழந்திருக்கலாம்!

by **முனைவர் ம.ரமேஷ்** Fri Jan 09, 2015 6:40 pm

டைவசுக்கு அப்ளை பண்ண வேண்டியிருக்கும்…

அழகு படுத்திக்கொள்ளவும்
அது என் உரிமை
சரி அடித்துவிடுகிறேன்
~~அழகு~~ ~~படுத்திக்கொள்ளவும்~~
நண்பர்களோடு
இணையத்திலும் செல்லிலும்
மணிக்கணக்கில்
அரட்டையடிக்கவும் நேரம் இருக்கிறது.
வீட்டுக்கு
வேலைக்காரி தேவைதானா?
கணவன் கேட்டான்.
சும்மா இதுமாதிரி
நச்சரிச்சுக்கிட்டு இருந்தீங்கனா
டைவசுக்கு அப்ளை பண்ண வேண்டியிருக்கும்…

by **விமந்தனி** Fri Jan 09, 2015 10:47 pm

by **முனைவர் ம.ரமேஷ்** Sun Jan 11, 2015 8:05 am

ஓடிப்போயிட்டாப்பா…

அடிமேல் அடி வைத்துதான்
அவள் நடப்பாள்
என்று பேசிக்கொள்வார்கள்.
நேற்றிரவு
ஓடிப்போயிட்டாப்பா… என்று
தெரு முழுவதும்
ஒரேபேச்சு.

by **முனைவர் ம.ரமேஷ்** Wed Jan 14, 2015 9:48 am

உடற்சுகம்

நம்
மனைவி - கணவன்
பந்தத்தைவிட
சென்ற வாரம் முதல்
செல்போன் மூலம் வந்த
அந்தக் கள்ளக் காதல்
புனிதமாகிப்போனது.
உனக்குச் செய்வது
துரோகம் என்று தெரிந்தும்
மனசு சங்கடப்படவேயில்லை
உடற்சுகமும் ஒரு பசிதானே?

by **முனைவர் ம.ரமேஷ்** Sun Jan 25, 2015 7:43 am

வீட்டுத் தோட்டத்தில்
பூக்கள் மலர்ந்திருப்பினும்
பறித்து சூடியதில்லை…
நீ, வாங்கி வரும்
மலர்கள் சூட வேண்டி…

அந்த
கூந்தல்சூட
வாங்கிக் கொடுத்த பூச்சரங்கள் எல்லாம்
மக்கி, குப்பையாகி
உரமாகியிருக்கும் என் தெருக்கோடிக்கு
என்றாலும்
இன்றும் மணக்கிறது
அந்த நினைவுகள்

by **M.M.SENTHIL** Sun Jan 25, 2015 6:52 pm

கவியருவி ம.ரமேஷ் wrote:கற்பையே இழந்திருக்கலாம்!

அவன்
விரலும் பார்வையும்கூட
என்மேல் தவறாகப் பட்டிருக்காது!
காதலில் தோற்ற
கட்டியவன் சந்தேகப் படுகின்றான்
என்னவெல்லாமோ செய்திருப்போமோவென்று.
இதற்கு நான்
அவனிடம்
கற்பையே இழந்திருக்கலாம்!

மேற்கோள் செய்த பதிவு: 1114286

காதலில் தோற்றால்
கன்னியின் நிலை மட்டுமல்ல,
சந்தேகிக்கும் மனைவி வாய்த்தால்
காளைக்கும் இதே கதிதான்

by **முனைவர் ம.ரமேஷ்** Mon Jan 26, 2015 8:33 pm

உண்மைதான்...

by **krishnaamma** Mon Jan 26, 2015 10:15 pm

கவியருவி ம.ரமேஷ் wrote:ஓடிப்போயிட்டாப்பா…

அடிமேல் அடி வைத்துதான்
அவள் நடப்பாள்
என்று பேசிக்கொள்வார்கள்.
நேற்றிரவு
ஓடிப்போயிட்டாப்பா… என்று
தெரு முழுவதும்
ஒரேபேச்சு.

நிஜமான பேச்சு புன்னகை

பெண்ணிய கவிதைகள் தொடர் - கவியருவி ம.ரமேஷ் 3838410834

by **krishnaamma** Mon Jan 26, 2015 10:16 pm

கவியருவி ம.ரமேஷ் wrote:உடற்சுகம்

நம்
மனைவி - கணவன்
பந்தத்தைவிட
சென்ற வாரம் முதல்
செல்போன் மூலம் வந்த
அந்தக் கள்ளக் காதல்
புனிதமாகிப்போனது.
உனக்குச் செய்வது
துரோகம் என்று தெரிந்தும்
மனசு சங்கடப்படவேயில்லை
உடற்சுகமும் ஒரு பசிதானே?

கவிதை ஓகே தான்...ஆனால் வருத்தமாய் இருக்கு சோகம்