Latest topics

உழவன் விரைவு ரயில்: தாற்காலிகமாக 2 கூடுதல் பெட்டிகள் இணைப்பு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

உழவன் விரைவு ரயில்: தாற்காலிகமாக 2 கூடுதல் பெட்டிகள் இணைப்பு

Post by ayyasamy ram Thu Jan 08, 2015 4:49 am

பயணிகள் வசதிக்காக உழவன் விரைவு உள்பட இரண்டு ரயில்களில் கூடுதல் பெட்டிகள் தாற்காலிகமாக இணைக்கப்படும் என தெற்கு ரயில்வே அறிவித்துள்ளது.

இதுகுறித்து புதன்கிழமை தெற்கு ரயில்வே வெளியிட்ட செய்திக்குறிப்பு:

சென்னை சென்ட்ரல்-பழனி-சென்னை சென்ட்ரல் (22651/22652) இடையே செல்லும் விரைவு ரயில்களில் பயணிகள் வசதிக்காக தாற்காலிகமாக கூடுதலாக தலா படுக்கை வசதி கொண்ட ஒரு பெட்டி இணைக்கப்படும்.

ஜனவரி 9 முதல் 17-ஆம் தேதி வரை, சென்னை சென்ட்ரல்- பழனி இடையே செல்லும் ரயிலிலும், ஜனவரி 10 முதல் 18-ஆம் தேதி வரை பழனி-சென்னை இடையே செல்லும் ரயிலிலும் இந்தத் தாற்காலிகப் பெட்டிகள் இணைக்கப்படும்.

அதேபோல், சென்னை எழும்பூர்-தஞ்சை-சென்னை எழும்பூர்(16183/16184) இடையே செல்லும் உழவன் விரைவு ரயிலில் தாற்காலிகமாக இரண்டு படுக்கை வசதி கொண்ட பெட்டிகள் இணைக்கப்படும்.

ஜனவரி 9 முதல் 17-ஆம் தேதி வரை சென்னை எழும்பூரிலிருந்து தஞ்சைக்கும், ஜனவரி 10 முதல் 18-ஆம் தேதி வரை தஞ்சையிலிருந்து சென்னைக்கும் செல்லும் ரயில்களில் இந்தத் தாற்காலிகப் பெட்டிகள் இணைக்கப்படும் என அந்த செய்திக்குறிப்பில் தெரிவிக்கப்பட்டுள்ளது.
=======================
-தினமணி

ayyasamy ram: வழிநடத்துனர்; பதிவுகள் : 84584
இணைந்தது : 30/09/2013