லிங்கா படம் நஷ்டம் :(

லிங்கா படம் நஷ்டம்: உண்ணாவிரதத்திற்கு அனுமதி கோரி மனு!

சென்னை: 'லிங்கா' படத்தில் ஏற்பட்ட நஷ்டத்தை ஈடுசெய்ய வலியுறுத்தி, விநியோகஸ்தர்கள் ஒருநாள் அடையாள உண்ணாவிரதம் இருக்க அனுமதி கேட்டு சென்னை உயர் நீதிமன்றத்தில் மனுத்தாக்கல் செய்யப்பட்டுள்ளது.

கே.எஸ்.ரவிக்குமார் இயக்கத்தில் சூப்பர் ஸ்டார் ரஜினி நடித்து கடந்த டிசம்பர் 12 ஆம் தேதி வெளிவந்த படம் லிங்கா. மிகுந்த எதிர்பார்ப்புக்கு இடையே வெளியான இந்தப் படம் ரசிகர்களின் எதிர்பார்ப்பை பூர்த்தி செய்யமுடியாமல் தோல்வி அடைந்ததால், படத்தின் வசூல் பாதித்தது.

45 கோடியில் தயாரிக்கப்பட்ட ‘லிங்கா’ படத்தை 220 கோடிக்கு வியாபாரம் செய்துள்ள நிலையில், இழப்பு ஏற்பட்டுள்ளது. விநியோகஸ்தர்களுக்கு ஏற்பட்ட நஷ்டம் குறித்து வேந்தர் மூவிஸ் நிறுவனம், ஈராஸ் நிறுவனம் இரண்டும் கண்டுகொள்ளவில்லை.

இதனால் படத்தை வாங்கிய விநியோகஸ்தர்கள் தங்களுக்கு நஷ்டமான தொகையை திருப்பிக்கொடுக்க வேண்டும் என்று தொடர்ந்து குரல் கொடுத்து வருகின்றனர். இந்நிலையில், 'லிங்கா' படத்தால் ஏற்பட்ட இழப்பை ஈடு செய்யும் வகையில் நஷ்ட ஈடு கேட்டு விநியோகஸ்தர்களும், திரையரங்க உரிமையாளர்களும் ஜனவரி 10 ஆம் தேதி சென்னை வள்ளுவர் கோட்டத்தில் ஒரு நாள் அடையாள உண்ணாவிரதம் இருக்க முடிவு செய்தனர்.

சென்னை வள்ளுவர் கோட்டம் அல்லது சேப்பாக்கம் விருந்தினர் மாளிகை அருகே நடத்த இருந்த உண்ணாவிரதத்திற்கு காவல்துறை அனுமதி அளிக்கவில்லை. இதனால் ஒருநாள் அடையாள உண்ணாவிரதத்திற்கு அனுமதி வழங்க உத்தரவிடக்கோரி, சென்னை உயர் நீதிமன்றத்தில் தஞ்சாவூர் மற்றும் திருச்சி பகுதிகளில் விநியோகஸ்தரான மெரினா பிக்சர்ஸின் சிங்காரவேலன் வழக்கு தொடர மனு தாக்கல் செய்துள்ளார். சிங்காரவேலன் தாக்கல் செய்துள்ள மனு ஓரிரு நாளில் விசாரணைக்கு வரவுள்ளது.

விகடன்

யானை படுத்தாலும் குதிரை மட்டம்

idigiti wrote:யானை படுத்தாலும் குதிரை மட்டம்

மேற்கோள் செய்த பதிவு: 1113908

அதுசரி, ..............இப்படி ஏதாவது சொல்லி, கிழே விழுந்தாலும் மீசை இல் மண் ஓட்டலே என்று சொல்லிண்டு திரியவேண்டியதுதான்.............பணம் யாருக்கோனா நஷ்டம் ..............

சினிமா துறையை சேர்ந்த ஒரு நண்பர் சொல்லிய தகவல்.

விநியோகஸ்தர்கள் ஒரு படத்தை வாங்கும் முன் அதை ஒருமுறை பார்த்துவிட்டு தான் வாங்குவார்களாம் , ஆனால் இது போல star value உள்ள நடிகர்களின் படங்களை தயாரிப்பாளர் தரப்பு விநியோகஸ்தர்களுக்கு போட்டு காமிக்க மாட்டார்களாம் , இஷ்டபட்டால் வாங்கிக்குங்க என்று தான் சொல்லுவார்களாம். விநியோகஸ்தர்களும் பெரிய நடிகர்கள் படமாச்சே அப்படியே பணத்தை வாரி சுருட்டி எடுத்துடலாம் என்று கொஞ்சம் அகல கால் வைத்து இது போல சில நேரம் மாட்டிகொள்வார்கள் என்று சொன்னார்.


அதே நேரத்தில் சில படங்கள் வாங்கிய விலையை விட பல மடங்கு அதிகம் லாபம் கொடுக்கும் அப்போல்லாம் லாபத்தில் குறிப்பிட்ட தொகையை இவர்கள் தயாரிப்பாளர்களிடம் பகிர்ந்துகொள்கிரார்களா என்ன?!

நண்பர் கேட்பது சரியே என்றாலும் அதிகமான நட்டத்தை சிறிதளவேனும் ஈடு செய்ய வேண்டும்....