இன்று (நவ.19) சர்வதேச ஆண்கள் தினம்

soplangi · soplangi Wed Nov 19, 2014 2:11 pm

அனைத்துலக ஆண்கள் நாள் (International Men's Day) என்பது 19 நவம்பர் அன்று கொண்டாடப்படும் வருடாந்த பன்னாட்டு நிகழ்வாகும். 1999 இல் ரினிடட் மற்றும் டோபாகோவில் ஆரம்பித்து வைக்கப்பட்டு, பலதரப்பட்ட தனியார் மற்றும் குழுக்களினால் அவுஸ்திரேலியா, கரீபியன், தென் அமெரிக்கா, ஆசியா, ஐரோப்பா, ஆப்பிரிக்கா ஆகிய இடங்களிலிருந்து இதற்கு ஆதரவளிக்கப்பட்டது.

-- விக்கிபீடியா & ஒன் இந்தியா

soplangi · soplangi Wed Nov 19, 2014 2:13 pm

நம் நாட்டில் உள்ள ஒருசிலர் தங்களின் முயற்சியால், உலக அளவில் மிகவும் பிரபலமானவர்களாகி உள்ளனர். அவர்களை நினைக்கும் போது நாம் பெருமிதத்துடன் இந்தியன் என்று சொல்லிப் பெருமைப்படலாம். இன்று சர்வதேச ஆண்கள் தினம் என்பதால், இப்போது உலக அளவில் மிகவும் பிரபலமான மற்றும் இந்தியாவிற்கு பெரும் புகழைத் தேடித் தந்த சில ஆண்களைப் பற்றி பார்ப்போம்

1. ஏ.பி.ஜே. அப்துல் கலாம்

இந்தியாவின் தலைச்சிறந்த விஞ்ஞானி, தொழில்நுட்ப வல்லுநர், இந்தியாவின் 11 ஆவது குடியரசுத் தலைவர், இந்திய ஏவுகணை நாயகன் தான் டாக்டர். ஏ.பி.ஜே. அப்துல் கலாம் அவர்கள். அதுமட்டுமின்றி இவர் மிகவும் சிறந்த, அனைவராலும் மதிக்கத்தக்க ஆசிரியரும், பேச்சாளரும் கூட. மேலும் பல இளைஞர்களின் முன்மாதிரியாகவும் இவர் உள்ளார். உலகில் இவரைப் பற்றி அறியாதோர் எவரும் இலர் என்று சொல்லலாம். இவரால் தான் முதன்முதலில் இந்தியா ரோகினி-I என்ற துணைக்கோளை வெற்றிகரமாக விண்ணில் செலுத்தியது. இதனால் இவருக்கு உயரிய விருதான 'பத்ம பூஷன்' விருது வழங்கப்பட்டது. மேலும் இவரால் ஐந்து ஏவுகணைகள் வெற்றிகரமாக விண்ணில் செலுத்தப்பட்டது. இவ்வளவும் செய்த அப்துல் கலாம் மிகவும் எளிமையானவர். இவரைப் பற்றி சொல்ல ஆரம்பித்தால் சொல்லிக் கொண்டே போகலாம்.

soplangi · soplangi Wed Nov 19, 2014 2:13 pm

2. சச்சின் டெண்டுல்கர்

கிரிக்கெட் என்றாலேயே அனைவருக்கும் முதலில் நினைவிற்கு வருவது சச்சின் டெண்டுல்கர் தான். ஏனெனில் சிறு வயதிலிருந்தே கிரிக்கெட்டிற்காக தனது வாழ்க்கையே அர்பணித்தவர் இவர். மேலும் இவர் கிரிக்கெட்டில் பல்வேறு சாதனைகளைப் படைத்துள்ளார். இன்று வரை எவராலும் இவரது சாதனைகளை முறியடிக்க முடியவில்லை. அந்த அளவில் ஒவ்வொரு இந்தியனும் பெருமை கொள்ளும் வகையில் சாதனைகளைப் படைத்து, உலக அளவில் மிகவும் பிரபலமானவர் தான் சச்சின்.

soplangi · soplangi Wed Nov 19, 2014 2:14 pm

3. நாராயண மூர்த்தி

இன்போசிஸ் என்னும் உலக அளவில் மிகவும் பிரபலமான தொழில்நுட்ப நிறுவனத்தை நிறுவியவர் தான் நாராயண மூர்த்தி. இந்நிறுவனத்தின் கிளைகள் உலகின் பல இடங்களில் இருந்தாலும், இந்நிறுவனத்தின் தலைமை அலுவலகம் பெங்களூரில் தான் உள்ளது. இந்நிறுவனத்தைப் பற்றி சொல்லித் தான் தெரிய வேண்டியதில்லை. அத்தகைய பெரிய நிறுவனத்தை நிறுவியது இந்தியன் என்று சொல்லி அனைவரும் பெருமைப்படலாம்

soplangi · soplangi Wed Nov 19, 2014 2:14 pm

4. விஸ்வநாதன் ஆனந்த்

'இந்திய சதுரங்க கிராண்ட் மாஸ்டர்' தான் தமிழ்நாட்டில் பிறந்த விஸ்வநாதன் ஆனந்த். இவர் உலக சதுரங்க போட்டியில் ஐந்து முறை வெற்றிப் பெற்றுள்ளார். இவர் தனது 14 வயதிலிருந்தே சதுரங்க விளையாட்டில் வெற்றிகளையும், பட்டங்களையும் பெற ஆரம்பித்தார். இதுவரை பல்வேறு சதுரங்க பதக்கங்களை வென்றுள்ளார். மேலும் பல்வேறு விருதுகளையும் பெற்றுள்ளார்.

**M.Saranya** · **M.Saranya** Wed Nov 19, 2014 2:37 pm

அனைத்துமே அருமையான கேட்க கேட்க திகட்டாத தகவல்கள்...

**ayyasamy ram** · **ayyasamy ram** Wed Nov 19, 2014 3:06 pm

ஆண்கள் தினம் அவசியம்தான்...
-
அய்யோ...ஆண்கள்! தேசிய ஆண்கள் கூட்டமைப்பு என்ற அமைப்பின் கணக்கெடுப்பின் படி,

* கடந்த 12 ஆண்டுகளில் வீட்டில் நடந்த கொடுமைகளால் 1.7 லட்சம் மணமான ஆண்கள் தற்கொலை செய்துள்ளனர்.

* 2001 - 2005க்கு இடையே 13 லட்சம் ஆண்கள், வேலையை இழந்து உள்ளனர்.

* மணமான மூன்று ஆண்டுகளுக்குள் 98 சதவீத ஆண்கள், சித்திரவதைக்கு ஆளாகின்றனர்.

mbalasaravanan · mbalasaravanan Wed Nov 19, 2014 4:10 pm

என்ன நமக்கும் ஒரு தினம் இருக்கா சந்தோசம் சந்தோசம் , எப்பவோ படித்த வார்த்தை பாசத்தை மனதிலே வைத்துக் கொள்வதால் தான் சொற்களில் கூட தாய் தந்தை என தகப்பன் இரண்டாம் இடத்தை பிடிக்கிறான்

**T.N.Balasubramanian** · **T.N.Balasubramanian** Wed Nov 19, 2014 5:42 pm

சர்வ தேச ஆண்கள் தினமாம் இன்று ,
ஆர்வம் இல்லையா பெண்களுக்கு ,
ஆண்களை வாழ்த்தி ஓரிரு
வெண்பாக்கள் பாடக்கூடாதா ?

ரமணியன் சோகம்

**ஜாஹீதாபானு** · **ஜாஹீதாபானு** Wed Nov 19, 2014 5:53 pm

அனைத்து ஆண்களுக்கும் மனமார்ந்த வாழ்த்துகள் புன்னகை

Sponsored content · Sponsored content

இன்று (நவ.19) சர்வதேச ஆண்கள் தினம்

இன்று (நவ.19) சர்வதேச ஆண்கள் தினம்

Re: இன்று (நவ.19) சர்வதேச ஆண்கள் தினம்

Re: இன்று (நவ.19) சர்வதேச ஆண்கள் தினம்

Re: இன்று (நவ.19) சர்வதேச ஆண்கள் தினம்

Re: இன்று (நவ.19) சர்வதேச ஆண்கள் தினம்

Re: இன்று (நவ.19) சர்வதேச ஆண்கள் தினம்

Re: இன்று (நவ.19) சர்வதேச ஆண்கள் தினம்

Re: இன்று (நவ.19) சர்வதேச ஆண்கள் தினம்

Re: இன்று (நவ.19) சர்வதேச ஆண்கள் தினம்

Re: இன்று (நவ.19) சர்வதேச ஆண்கள் தினம்

Re: இன்று (நவ.19) சர்வதேச ஆண்கள் தினம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக