அவனுக்கு ஒரு வேலை – ஒரு பக்க கதை

**ayyasamy ram** · **ayyasamy ram** Mon Jan 05, 2015 11:02 am

வசந்தன் கடந்த இரண்டு வருஷமாக அந்த ஓட்டலில்
தான் சாப்பிடுகிறார். வழக்கமாக ஜன்னலோரம் ஒரு
குறிப்பிட்ட மேஜையில்தான் அமர்வார். அந்த டேபிளை
கவனிக்கும் சர்வர் பையனின் சுறுசுறுப்பும் கனிவான
உபசிரிப்பும் அவருக்கு ரொம்ப பிடிக்கும்
-
அவனுக்கு சம்பளம் இங்கே வெறும் 750 ரூபாய்தான்
என்பதை ஒருமுறை அவனிடம் பேச்சுக் கொடுத்து
தெரிந்து வைத்திருந்தார்
-
இன்று அவனுக்கு இன்ப அதிர்ச்சி பொடுக்கலாம என்று,
”என்னப்பா என் ஹவுளிக் கடைக்கு வேலைக்கு வந்துடறியா?
2000 ரூபாய் சம்பளம் தர்றேன்” என்றதும், பையன்
குஷியாகி விட்டான்.
-
அவர் சாப்பிட்டு முடித்ததும், அவன் கொண்டு வந்த
பில்லைப் பார்த்தால் அதிர்ச்சி!
-
85 ரூபாய் பில் போட வேண்டிது பபோக 60
ரூபாய்க்குத்தான் பில் போட்டிருந்தான்.வேண்டுமென்றே
தான் குறைத்துப் போட்டிருக்கிறான் என்பதை அவன்
கண் சிமிட்டல் காட்டியது.
-
தம்பி, ரெண்டு வாரம் நான் ஊர்ல இருக்க மாட்டேன்.
உன் வேலை விஷயம் பற்றி நான் வந்ததும் பார்க்கலாம்.
முதல்ல நீ போய் இந்த பில்லைச் சரியா போட்டுக்
கொண்டு வா.!” என்றார் கறாராக.
-
———————————
>போளூர் சி.ரகுபதி
நன்றி: குமுதம்