திருமணத்திற்கு தயாரானவர்களுக்கு மட்டும்!

பெண், பட்டப்படிப்பு இறுதியாண்டு படிக்கும்போதே மாப்பிள்ளை தேடுவதும்- இளைஞனுக்கு வேலைகிடைத்து, சம்பளம் கைக்கு வந்துவிட்டால் பெண் தேடுவதும் நமது மரபாக உள்ளது.

வயது மட்டுமே திருமணத்தை தீர்மானித்துவிடுவதில்லை. பணம் மட்டும் வாழ்க்கையை இனிமையாக்கிவிடுவதில்லை. ஆணாக இருந்தாலும், பெண்ணாக இருந்தாலும் மன ரீதியாகவும் மணம் முடிக்க தயாராக வேண்டும்.  திருமணத்திற்கு தயாராகிவிட்ட பெண் நீங்களென்றால், உங்களை நீங்களே பரிசோதித்து அறிந்து கொள்ள இதோ உளவியல் தேர்வு...! (ஆண்களுக்கும் இது பொருந்தும்)

1.    உங்களுக்கான மணப்பெண்/மணமகனை பார்த்ததும் விவரிக்க முடியாத உணர்வுரீதியான ஒரு இன்ப அனுபவம் உங்களுக்குள் ஏற்படுகிறதா?
   அ. கொஞ்சமாக,     ஆ. நிறைய,
   இ. அதிக அளவு

2. அவரிடம்/அவளிடம் பேசிக் கொண்டிருக்கும்போது ரொம்ப மகிழ்ச்சியாகவும், தெளிவாகவும் இருப்பதுபோன்ற திருப்தி ஏற்படுகிறதா?
   அ. கொஞ்சமாக,     ஆ. நிறைய,
   இ.அதிக அளவு

3.    அவர் (அல்லது அவள்) உங்கள் திறமையை உயர்த்தி, எதிர்பார்ப்பை நிறைவேற்றுவார் என்று நம்புகிறீர்களா?
   அ. கொஞ்சமாக,      ஆ.நிறைய,
   இ.அதிக அளவு

4.     நீங்கள் எப்படிப்பட்டவர் என்பதை உங்களுக்கே தெளிவாக விளக்கும் வகையில் நடந்துகொள்கிறாரா?
   அ. கொஞ்சமாக,     ஆ.நிறைய,
   இ.அதிக அளவு

5. உங்கள் தகுதியை மேம்படுத்தும் நற்குணம் அவரிடம் உள்ளதா?
   அ.கொஞ்சமாக,     ஆ.நிறைய,
   இ.அதிக அளவு

6. தகுதியிலும், திறமையிலும் அவர் உங்கள் பார்வையில் எவ்வளவு உயர்ந்தவராக உள்ளார்?
   அ.கொஞ்சமாக,     ஆ.நிறைய,
   இ. அதிக அளவு

7.     உங்களுக்கு பேசப்படும் நபர் பலவீனமானவர் என்பதுபோல் தோன்றுகிறதா?
   அ. கொஞ்சமாக,     ஆ. நிறைய,
   இ. அதிக அளவு

8. உங்களிடம் இருக்கும் குறைகளை பெரிதாக்காமல், திறமைகளை மட்டும் மேம்படுத்துகிறவர் என்று கருதுகிறீர்களா?
   அ. கொஞ்சமாக,     ஆ. நிறைய,
   இ. அதிக அளவு

9.     உங்களை முன்பைவிட சிறந்தவராக மாற்றும் ஆற்றல் அவரிடம் இருப்பதாக உணர்கிறீர்களா?
   அ. கொஞ்சமாக,     ஆ. நிறைய,
   இ. அதிக அளவு

10.    அவரை பார்த்த பின்பு புதிய நம்பிக்கை ஏற்பட்டிருப்பதாக உணர்கிறீர்களா?
   அ. கொஞ்சமாக,     ஆ. நிறைய,
   இ. அதிக அளவு

குறிப்பு: திருமணத்திற்கு முன்பே மணப்பெண்ணும், மணமகனும் தனியாக பேசவேண்டும். அதற்கான வாய்ப்புகளை உருவாக்கி இருவரும் மனம்விட்டு பேசி, கருத்துக்களை பரிமாறிவிட்டு, அதன் பின்பு நிதானமாக இந்த உளவியல் கேள்விகளுக்கு பதில் அளிக்கவேண்டும்.

கேள்வியை படித்துவிட்டு அ, ஆ, இ, இந்த மூன்றில் உங்களுக்கு பொருத்தமானவற்றில் 'டிக்' அடித்துக்கொள்ளுங்கள்.

உங்கள் தேடலுக்கான விடையை இனி காண்போம்:

'அ' பதில்களுக்கு 3 மதிப்பெண்களும், 'ஆ' பதில்களுக்கு 6 மதிப்பெண்களும், 'இ' பதில்களுக்கு 9 மதிப்பெண்களும் கொடுத்துக் கொள்ளுங்கள்.

பத்து கேள்விகளுக்கும் பதில் அளித்த பின்பு உங்கள் மதிப்பெண்களை கூட்டுங்கள்.

மொத்த கூட்டுத் தொகை 30 முதல் 45 மதிப்பெண்களுக்குள் இருந்தால்:

அவர் உங்களுக்கு சரியான ஜோடியாகும் வாய்ப்பு குறைவு. நிர்ப்பந்தம் காரணமாகக்கூட இவருடன் வாழ்க்கைப் பயணத்தை தொடர சம்மதிக்க வேண்டாம். அதுவே உங்கள் எதிர்கால வாழ்க்கையில் மிகப்பெரிய தொல்லையாக மாறிவிடக்கூடும். நிதானமாக இவரைவிட சிறந்த ஜோடியை தேர்ந்தெடுங்கள்.

45 முதல் 75 மதிப்பெண்களுக்குள் இருந்தால்:

பழக இனிமையான மனிதரை நீங்கள் சந்தித்திருக்கிறீர்கள். வாழ்க்கையில் அனைவருடனும் இணக்கமாக பழகும் பண்பை பெற்றவராக அவர் இருக்கலாம். ஆனால் அவரும் உங்களுக்கு மிகப்பொருத்தமான ஜோடியல்ல. நடுநிலை சிந்தனையாளர் போல தோன்றும் அவர் முக்கிய முடிவுகளில் அங்கா? இங்கா? என்று இரட்டை மனநிலையில் குடும்ப விஷயங்களை குழப்பிவிடுவார். சூழ்நிலை காரணமாக இவரையே நீங்கள் ஏற்றுக்கொண்டால், விட்டுக்கொடுத்து நடந்து கொண்டால் வாழ்க்கை பயணம் சுமுகமாக அமையும்.  
75 முதல் 90 மதிப்பெண் வரை பெற்றிருந்தால்:

மிக பொருத்தமான ஜோடியை நீங்கள் சந்தித்திருக்கிறீர்கள். உங்களைப்போன்ற திருப்தி அவருக்கும் ஏற்பட்டிருந்தால் நீங்கள் மணம் முடித்துக் கொள்ளலாம். உங்கள் திருமணம் நடந்தால், 'மிக சிறந்தவரை திருமணம் செய்திருக்கிறோம்' என்று நீங்கள் பெருமைப்பட்டுக் கொள்ளலாம். அதற்காக கர்வம் தேவையில்லை. விட்டுக்கொடுத்து      வாழ்ந்தால்தான் தாம்பத்யம் இனிக்கும் என்ற உண்மையை உணர்ந்து இல்லற வாழ்க்கைக்குள் அடியெடுத்துவையுங்கள்.


-தினத்தந்தி

நல்ல சோதனை தேர்வு அன்பர் ராம் அவர்களே....

நல்ல pathivu

சூப்பர் பதிவு விமந்தனி

P.S.T.Rajan wrote:நல்ல சோதனை தேர்வு அன்பர் ராம்  அவர்களே....  

ராஜன் அண்ணா, பொருத்தமாய் படம் போடுவதில் நம் ராம் அண்ணாவை அடித்துக்கொள்ள ஆள் இல்லை

கண்டிப்பாக பின்பற்றுகிறேன் மா.