ஜெயலலிதாவுடன் அரசு அதிகாரிகள் சந்திப்பால் சர்ச்சை!

by **ayyasamy ram** Sat Jan 03, 2015 5:44 am

02-01-2015
-
சென்னை:
சொத்துக்குவிப்பு வழக்கில் தண்டனை பெற்று
ஜாமீனில் இருக்கும் முன்னாள் முதல்வர்
ஜெயலலிதாவை, அரசு அதிகாரிகள்
சந்தித்திருப்பது பெரும் சர்ச்சையை ஏற்படுத்தி
உள்ளது.
-
உள்துறை செயலாளர் அபூர்வ வர்மா, தலைமைச்
செயலாளர் ஞானதேசிகன், அரசின் ஆலோசகர்கள்
ஷீலா பாலகிருஷ்ணன், ராமானுஜம் உள்ளிட்ட
அதிகாரிகள் இன்று ஜெயலலிதாவை அவரது போயஸ்
தோட்ட இல்லத்துக்கு சென்று சென்றதாக தகவல்கள்
தெரிவிக்கி்ன்றன.

இந்த சந்திப்பு எதற்காக என்பது குறித்து அதிகாரப்
பூர்வமாக எதுவும் தெரிவிக்கப்படவில்லை.

அதிகாரிகளின் இந்த சந்திப்பு அரசு அதிகாரிகள்
மட்டத்திலும், சட்ட வல்லுனர்கள் மத்தியிலும்
சர்ச்சையையும், விவாதத்தையும் கிளப்பியுள்ளது.

ஊழல் வழக்கில் தண்டனை பெற்று ஜாமீனில் உள்ள
ஒருவரை, குறிப்பாக அரசுத்துறைகளுடன் எந்த
பொறுப்பும் வகிக்காத ஒருவரை அரசின் முக்கிய
கோப்புகளை கையாளும் அதிகாரிகள், குறிப்பாக
உள்துறை செயலாளர் சந்தித்திருப்பது அரசியல்
அரங்கில் பல விவாதங்களை கிளப்பும் என்று
தெரிகிறது.
-
-----------------------------------------------------------------------------

by சிவனாசான் Sat Jan 03, 2015 5:59 am

என்னங்க அவரின் கட்சி ஆட்சிதானே நடக்குது. அவர்தானே ஆணிவேர். சந்திப்பதில் ............வெளியில் இருப்பவர்கள் நல்லவரும் அல்லர் உள்ளே இருப்பவர்கள் கெட்டவரும் அல்லர்...அவரவர்களுக்கு அவர்கள் நல்லவரே.....

by **ராஜா** Sat Jan 03, 2015 11:02 am

சோனியா காந்தி என்ன பதவி வகித்தார் , அவரை எதற்கு அப்போதைய பிரதமர் முதற்கொண்டு அனைவரும் சந்தித்து ஆலோசனை பெற்று ஆட்சி நடத்தினர். அதே தான் இங்கும் .....

இன்னமும் இவர் அப்பாவி, ரொம்ப நல்லவர் என்றும் பலரும் வேறு சிலர் வேறு காரணங்களுக்காகவும் சப்போர்ட் பண்ணிக்கொண்டு இருக்கும் வரைக்கும் ஒன்னையும் புடுங்க முடியாது

by அசுரன் Sat Jan 03, 2015 12:17 pm

இது கூட தெரியாம இருப்பாங்களா? அவங்க ஆட்சி தானே நடக்குது புன்னகை

by **krishnaamma** Sat Jan 03, 2015 12:37 pm

//உள்துறை செயலாளர் அபூர்வ வர்மா, தலைமைச்
செயலாளர் ஞானதேசிகன், அரசின் ஆலோசகர்கள்
ஷீலா பாலகிருஷ்ணன், ராமானுஜம் உள்ளிட்ட
அதிகாரிகள் இன்று ஜெயலலிதாவை அவரது போயஸ்
தோட்ட இல்லத்துக்கு சென்று சென்றதாக தகவல்கள்
தெரிவிக்கி்ன்றன. //

புத்தாண்டு வாழ்த்துகள் சொல்ல போய் இருப்பாங்க .................... நக்கல் நாயகம்