இறந்தவருக்கு சிகிச்சை அளித்த மருத்துவமனை: ரமணா பாணியில் நடந்த கொடூரம்!

திருப்பூர்:
 50 ஆயிரம் ரூபாயை வாங்கிக் கொண்டு விபத்தில் இறந்த வாலிபருக்கு தனியார் மருத்துவமனை ஒன்று சிகிச்சை அளித்தது கண்டுபிடிக்கப்பட்டுள்ளது. ரமணா பட பாணியில் நடந்துள்ள இந்த சம்பவம் திருப்பூரில் பெரும் பரப்பரப்பை ஏற்படுத்தியுள்ளது.

திருப்பூரை சேர்ந்த வாலிபர் அஜீத்குமார் என்பவர் சாலை விபத்தில் பலத்த காயம் அடைந்தார். அங்குள்ள தனியார் மருத்துவமனையில் அனுமதிக்கப்பட்ட அஜீத்குமாருக்கு மருத்துவர்கள் தீவிர சிகிச்சை அளித்துள்ளனர். ஆனால், சிகிச்சை பலனின்றி அஜீத்குமார் இறந்துவிட்டதாக கூறப்படுகிறது.

ஆனால் மருத்துவமனை நிர்வாகமோ, அஜீத்குமாருக்கு தொடர்ந்து சிகிச்சை அளிக்க வேண்டும் என்றும், சிகிச்சைக்கு 50 ஆயிரம் ரூபாய் பணம் செலுத்த வேண்டும் என்றும் கூறியுள்ளது. பெற்றோரும் பணத்தை கட்டியுள்ளனர். திடீரென அஜீத்குமார் இறந்துவிட்டதாக மருத்துவமனை நிர்வாகம் சார்பில் தெரிவிக்கப்பட்டதோடு, உடனடியாக அஜீத்குமார் உடலை அரசு மருத்துவமனைக்கு அனுப்பி வைத்துவிட்டதாம்.

இதனால் சந்தேகம் அடைந்த அஜீத்குமாரின் பெற்றோர், காவல்துறையில் புகார் செய்தனர். இந்த புகாரின் பேரில் காவல்துறையினர் நடத்திய விசாரணையில், வாலிபர் அஜீத்குமார் உயிர் இழந்ததை மறைத்து மருத்துவமனையில் சிகிச்சை அளித்தது தெரியவந்தது. இதையடுத்து, மருத்துவமனையின் நிறுவனர் மலர்மன்னனை காவல்துறையினர் கைது செய்தனர்.

ரமணா பட பாணியில், தனியார் மருத்துவமனை ஒன்று பணத்தை வாங்கிக் கொண்டு இறந்தவருக்கு சிகிச்சை அளித்தது கண்டுபிடிக்கப்பட்டுள்ள சம்பவம் திருப்பூரில் பெரும் பரபரப்பை ஏற்படுத்தியுள்ளது
=========
நன்றி: நியூஸ் விகடன்

மருத்துவ தொழில் புனிதமானது அன்றொரு காலத்தில்
ஆனால் இன்றோ - இறந்த பிணத்திற்கு பணத்தை வசூல் செய்யும் அளவு கேடு கெட்டு விட்டது.

மருத்துவம்,
கல்வி,
ஆன்மிகம்,
இந்த மூன்றும் சேவை நோக்கோடு செயல்பட வேண்டியவை.
வருமான நோக்கோடு செயல்பட கூடாதவை.
அப்படி வருமான நோக்கோடு செய்பவர்களுக்கு மிகக் கடுமையான நரக தண்டனை கிடைக்கும் என்கிறது இந்து தர்ம நூல்கள்

மனிதன் பேரம் பேசாத தொழில்களில் ஓன்று மருத்துவம் என்பதை மருத்துவர்கள் நன்கு அறிந்து வைத்துள்ளனர்...

நல்ல மருத்துவர்களும் அநேகர் உண்டு.

அடப்பாவிகளா............மனித நேயம் எங்கே போனது?.............................