பசி மொழி...!! - Mano Red

Mano Red · Mano Red Thu Jan 01, 2015 10:59 pm

பசிதான் மானுடத்தின்
சரளமான பொது மொழி,
இது வெற்று வயிறு சுமக்கும்
பாறை சூழ் வெட்டவெளி...!

பசி... சோழ நாட்டு விவசாயியை
சோறில்லாமல்
தவிக்க விடுகிறது,
காடு மேட்டில் வாழ்ந்தவனை
கண்ணீர் விட வைத்தே
தற்கொலைக்கு தூண்டுகிறது..!

பசி..
காலத்தையும்,கோலத்தையும்
அரித்துக் கொண்டு ,
அழுகைக்கும் சிரிப்புக்கும் நடுவே
ஊர்ந்து கொண்டே இருக்கும்
நிதர்சனக் கரைப்பான்...!!

மானுடத்தின் பொது மொழி
பசி என்றால்,
பசியின் பொதுமொழி
கண்ணீர் தான்..!!
ஒவ்வொரு உயிரும் பசியை
உலகுக்கு அறிவித்தே பிறக்கிறது..!!

குழந்தையின் பசியை உணர்ந்து
தூக்கம் விழிக்கும்
தாய்மையின் கருணையில்
தொடங்குகிறது
ஒவ்வொருக்கான உலகமும்,
ஆனாலும் பிறர் பசியை
பலர் உணர மறுக்கிறோம்...?

உலகச் சிறப்பு பெற்ற
புகைப்படமாம் அது..!
பசியில் சாகக் கிடக்கும்
குழந்தையைத் தின்ன
காத்துக் கிடக்கும் கழுகு..!
இதில் பசி என்பது
இருவருக்குமான சாபமாகும்..!!

உலகின் ஆதி இனம்....
விதைத்து,அறுத்து,
உழைத்துத் தின்னும்
கலாச்சாரம் உருவாக்கிய இனத்தை,
முள்வேலி முகாம்களிலும்,
வதை கூடங்களிலும்,
நிலமற்ற துயர பரப்புகளிலும்
அலையவைத்த பசி கொடுமையை
எந்த சாபம் தண்டிக்கப்போகிறது..?

**krishnaamma** · **krishnaamma** Thu Jan 01, 2015 11:29 pm

உங்கள் கவிதை 2 முறை வந்து விட்டது மனோ....ஒன்றை எடுத்துவிடுகிறேன் புன்னகை

**krishnaamma** · **krishnaamma** Thu Jan 01, 2015 11:32 pm

//உலகச் சிறப்பு பெற்ற
புகைப்படமாம் அது..!
பசியில் சாகக் கிடக்கும்
குழந்தையைத் தின்ன
காத்துக் கிடக்கும் கழுகு..!
இதில் பசி என்பது
இருவருக்குமான சாபமாகும்..!!//

ரொம்ப உண்மையான வார்த்தைகள் புன்னகை

**விமந்தனி** · **விமந்தனி** Fri Jan 02, 2015 12:58 am

Mano Red · Mano Red Fri Jan 02, 2015 8:25 am

நன்றி அக்கா ...

Mano Red · Mano Red Fri Jan 02, 2015 8:26 am

ஹ்ம்ம்ம் நன்றி ..இரு முறை எனில் எடுத்து விடுங்கள் ....

Sponsored content · Sponsored content

பசி மொழி...!! - Mano Red

பசி மொழி...!! - Mano Red

Re: பசி மொழி...!! - Mano Red

Re: பசி மொழி...!! - Mano Red

Re: பசி மொழி...!! - Mano Red

Re: பசி மொழி...!! - Mano Red

Re: பசி மொழி...!! - Mano Red

Re: பசி மொழி...!! - Mano Red

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக