காதல் – ஒரு பக்க கதை

காவ்யாவுக்கு பயம்தான். இருந்தாலும் தைரியமாகச்
சொன்னாள்.
-
“அப்பா, ஆனந்தை நான் மூணு வருஷமா காதலிக்கிறேன்.
நல்ல பையன். நல்ல வேலையில் இருக்கிறார். நாளைக்கு
உங்க ஆபீஸுக்கு வரச்சொல்றேன். அவர உங்களுக்கும்
பிடிக்கும். நீங்க சம்மதிப்பீங்கன்னு நம்பறேன்பா’ என்றாள்.
-
சில நிமிட மௌனத்திற்குப் பிறகு, ஆனந்தைச் சந்திக்க
ஒப்புக் கொண்டார், காதலுக்கு எதிரியான அப்பா ரகுநாதன்.
-
ரகுநாதன் எதிரில் ஆனந்த் அமர்ந்திருந்தான். நல்ல அழகு.
வியர்த்துப் போயிருந்தான். ரகுநாதன், “இதப்பாரு, என்
மகளோட வாழலாம்னு நீ கனவுல கூட நினைக்கக் கூடாது.
ஒருவேளை எனக்குத் தெரியாம நீங்க ஓடிப்போகலாம்னு
நினைச்சா, எங்கிட்ட இருக்கிற பணமும், அரசியல்ல
இருக்கிற என் பவரும் உங்க இரண்டு பேரையும் அடையாளம்
தெரியாமல் அழிச்சிடும்.

பேசாம, உனக்கு எத்தனை லட்சம் வேணும்.. கேள்…
வாங்கிட்டு ஒதுங்கிடு’ என்றார்.
-
வியர்வையைத் துடைத்துக் கொண்டே ஆனந்த் யோ[சித்தான்.
பிறகு உலர்ந்த குரலில் “5 லட்சம்’ என்றான்.
-
அடுத்த நாள் ரகுநாதன் தன் மகளிடம் “உன் காதல் வெறும்
5 லட்சம்மா…?’ என நக்கலடித்தார்.
-
“நோ… இருக்கவே இருக்காது! என் ஆனந்த் அப்படிப்பட்டவர்
இல்லை’ அழுதுகொண்டே நுழைந்தாள். ஆனந்திற்கு போன்
செய்தாள்.
-
“என்னாச்சு…?’ பதறினாள் காவ்யா.
-
“நீங்க சொன்னது மாதிரியே நடந்துக்கிட்டேன். பணம் கிடைச்சது,
உடனே ஆஸ்பத்திரியில பணத்தைக் கட்டினேன். குழந்தைக்கு
நல்லபடியா ஆபரேஷன் முடிஞ்சது. இப்ப அவன் நல்லா
இருக்கான். நான், என் மனைவி, என் குழந்தை காலத்துக்கும்
உங்களை மறக்க மாட்டோம். நீங்க எங்களுக்கு தெய்வம்மா’
என்றான் ஆனந்த் கண்ணீர் மல்க, எதிர்முனையில்.
-
——————————————-

- வி. அங்கப்பன்.
நன்றி: குமுதம்

அற்புதமான கதை.....

கதை அருமை என்றாலும் - உயிரை காப்பாற்ற காதல் என்ற நாடகம் ஆட வேண்டுமா?

இருப்பினும் கதை என்பதால், ஏற்றுக் கொள்ளலாம்.

நல்ல ட்விஸ்ட்

அட நல்ல திருப்பம்

M.M.SENTHIL wrote:கதை அருமை என்றாலும் - உயிரை காப்பாற்ற காதல் என்ற நாடகம் ஆட வேண்டுமா?

இருப்பினும் கதை என்பதால், ஏற்றுக் கொள்ளலாம்.

மேற்கோள் செய்த பதிவு: 1112977

MMS சொன்னால் ஒத்துக்கொள்ளதான் வேண்டும் .
ரமணியன்