டிசம்பர் 30-இல் 6 மணி நேரம் ஏழுமலையான் தரிசனம் ரத்து

**ayyasamy ram** · **ayyasamy ram** Mon Dec 29, 2014 11:02 pm

திருமலையில் இன்று, 30-ஆம் தேதி 6 மணி
நேரம் ஏழுமலையான் தரிசனம் ரத்து செய்யப்பட
உள்ளதாக தேவஸ்தானம் தெரிவித்துள்ளது.

திருமலையில் வைகுண்ட ஏகாதசி, தெலுங்கு
வருடப்பிறப்பு (உகாதி), வருடாந்திர பிரம்மோத்ஸவம்,
ஆனிவார ஆஸ்தானம் என, ஆண்டுக்கு 4 முறை
ஏழுமலையான் கோயிலை சுத்தம் செய்யும், கோயில்
ஆழ்வார் திருமஞ்சனம் நடைபெறும்.

அதன்படி, வருகிற ஜனவரி 1-ஆம் தேதி வைகுண்ட
ஏகாதசியை முன்னிட்டு, அதற்கு முந்தைய செவ்வாய்க்கிழமை
(டிச.30), திருமலையில் ஏழுமலையான் கோயில் மகாத்துவாரம்
முதல் கருவறை வரை, சுத்தம் செய்யப்பட உள்ளது.

இதனால், அன்று காலை 6 மணி முதல் மதியம் 12 மணி வரை
6 மணி நேரம் ஏழுமலையான் தரிசனம் ரத்து செய்யப்பட்டுள்ளது.

மதியம் 12 மணிக்கு மேல் பக்தர்கள் தரிசனத்திற்கு
அனுமதிக்கப்படுவர் என தேவஸ்தானம் தெரிவித்துள்ளது.
-
-------------------------------------------
-தினமணி

**krishnaamma** · **krishnaamma** Tue Dec 30, 2014 5:45 am

வெறுமனே அங்கு கால்வைக்க முடியாமல் கும்பல் இருக்கும் .........................இப்போ புது வருடப்பிறப்பு...........வைகுந்த ஏகாதசி எல்லாம் சேர்ந்து வருகிறது......இருக்கும் இடத்தில் இருந்தே சேவிக்க வேண்டியது தான்...........வெங்கட ரமணா......கோவிந்தா......கோவிந்தா...................... :வணக்கம்: