ஒரு நாள் முதல்வன் போல.....

ஒருநாள் முதல்வர் போல ஒருநாள் முஸ்லிமாக வாழ்ந்தால் மட்டுமே அவர்களின் வலியை உணர முடியும்.! -

ஒரு மாற்று மத அன்பரின் அருமையான பதிவு!

கடந்த ஞாயிறன்று சென்னையிலிருந்து சேலம் நோக்கி காரில் என் குடும்பத்துடன் சென்றுகொண்டிருக்கும்போது உளுந்தூர்பேட்டை அருகே உள்ள டோல்கேட்டில் காத்திருந்தோம்..அப்போது ஒரு அரசு பஸ்ஸிலிருந்து ஒரு இளைஞர் கைப்பையுடன் கீழிறிங்கினார்..உடனே எங்கள் காரை ஒட்டிகொண்டிருந்த டிரைவர் என்னைப் பார்த்து,

"சார் அங்க பாருங்க, தீவிரவாதி மாதிரி இருக்கான், இங்க எதற்கு இறங்குகிறான்..எதாவது பாம் கீம் வைக்கவோ?" என்று பதறினார்..

சொன்னவுடன் கோவம் தலைக்கேறியது..அவர் என் அப்படி சொன்னாரென்றால், அந்த இளைஞரை பார்த்த நொடி சொல்லிவிடலாம் அவர் ஒரு இஸ்லாமிய இளைஞரென்று.. நன்றாக வளர்ந்த குறுந்தாடியுடன் மீசையை நல்ல வெட்ட ட்ரிம் செய்திருந்தார்.. "தீவிரவாதி" என்று சொன்னனார் டிரைவர்.

கோவத்தில், "அவரிடம், என்னங்க இப்படி சொல்றீங்க..ஆளை பார்த்த உடனே தீவிரவாதின்னு சொல்றீங்க..இது ரொம்ப தப்பு" என்றேன்..

உடனே அவர், "அப்படி இல்லை சார், நாமதான் டிவியில் பார்க்கிறோமே , தீவிரவாதின்னா இப்படிதான் இருப்பாங்கன்னு நாம புரிஞ்சிக்க முடியுது" என்றார்..

நான் அவரிடம் கொஞ்சம் பொறுமையாக, "இந்த விளையாட்டு நம் அரசியல் வாதிகளும், மீடியாக்களும் செய்த வேலை..ஒரு உதாரணம் கொடுக்கிறேன்..யாராவது சீனிவாசன் என்பரின் வீட்டில் ஒரு கேஸ் சிலிண்டர் வெடித்துவிட்டால் சீனிவாசன் என்பவரது வீட்டில் சிலிண்டர் வெடித்தது என்று அந்த தனிமனிதனை பற்றி மட்டும் எழுதுவார்கள்.. அதே வேலை ஒரு அப்துல்லா வீட்டில் சிலிண்டர் வெடித்தது என்றால் முஸ்லிம் வீட்டில் திடீரென்று வெடித்தது..தீவிரவாத செயலா?? என்று ஒரு மதத்தை சார்ந்து எழுதுவார்கள்..இதுதான் இவர்களின் விளையாட்டு.." என்று சொன்னேன்..

அவரும் புர்ந்துகொண்ட மாதிரி தலையாட்டினார்.. உண்மையில் நான் அவருக்கு சொன்னது எவ்வளவு கன்வீன்ஸ் ஆனது என்று தெரியவில்லை..

உண்மையில் இஸ்லாமிய நண்பர்களுக்கு இப்படியான நெருக்கடி மிகக்கடுமையாக இருக்கிறது என்று நம்மால் புரிந்துகொள்ள முடிகிறது..எந்த இஸ்லாமியரையும் நம்ப முடியாமல் செய்துவிட்டதற்கு மிக முக்கியமான காரணம் மீடியாக்கள் மற்றும் அரசுகளே..

மற்ற மதத்தினர் அவர்கள் மீதான குற்றச்சாட்டை காவல் துறை நிரூபித்தால் தான் குற்றவாளி, முஸ்லீம்கள் கைது செய்யப்பட்டாலே குற்றவாளி.

ஒருநாள் முதல்வர் போல ஒருநாள் முஸ்லிமாக வாழ்ந்தால் மட்டுமே அவர்களின் வலியை உணர முடியும்.!

நன்றி : சூர்யா முகநூல்.

அருமையான மறு பதிவு Hutha Ahamed !

ரமணியன்

நல்ல பதிவு - அரசியல் ஆதாயத்துக்காக நம்மவர்கள் இதற்கு மேலேயும் செய்வார்கள் - மக்கள் தான் சிந்தித்து செயல்படவேண்டும் - மந்தை ஆடுகள் போல் இருந்தால் மேய்க்கத்தான் செய்வார்கள் இனியும்.

நன்றி ரமணி அண்ணா

உங்களுக்கு சரினா ஓகே