தயவுசெய்து பேசுங்கள்...!! - Mano Red

by Mano Red Fri Dec 26, 2014 8:03 am

பேச்சு....
இதுதான் உயிர் மூச்சென
பலருக்கு புரிவதில்லை,
பேசிப் பயனில்லாத நிலையில்
பேசி என்ன செய்வது...??
ஆயிரங்காலம் கடந்தாலும்
அன்புப் பேச்சு அவசியம் ..!!

பின்னாளில் வாழ்க்கை
இறுகிப் போகாமலிருக்க
மொழிப் புணர்தல் அவசியம் ,
துரித வாழ்வின்
வெளிப்பக்கத்து இரைச்சல்
நாலு சுவற்றுக்குள்
அமானுஷ்ய மௌனத்தை
விதைத்துவிடக் கூடாது..!!

வீட்டுக்குள் அகப்பட்டு
முகத்தை சுருக்கி,
உம்மென இருந்து,
அகோரமாக மூழ்கும் போது,
சிலாகித்து குலாவிய
நேசமிகு பொழுதுகள் எல்லாம்
தொலைந்து கடக்கின்றன....!!

நவீன வாழ்க்கை வீச்சுகள்
பேச்சை வேகமாக தொலைத்து
பலவீனமாக்கி விட்டது,
காதலில்,பாசத்தில்,கோபத்தில்
காட்ட வேண்டிய
பேச்சுக்கள் எல்லாம்
அயற்சியில் காணாமல் போய்விட்டது...!!

அப்புறம் என்ன...??
என்ற அளவில்தான்
பல பேச்சுக்கள் முடிகின்றன,
முகம் கொடுத்துக்கூட
பேசமுடியாத அளவுக்கு
எந்த விதத்தில் என்ன
குறையோ தெரியவில்லை..!

கடுங்கோடை வெயிலில்
கதறிய நாட்கள் கூட
துன்ப இன்பம் பொறுக்கும்,
பேசாமல் தவறிப்போனால்
குளிர் காலங்கள் கூட
விரக்தியில் எரிந்து போகும்..!!
எப்போதாவது வரும்
ஓரிரு வார்த்தைகள்
தீக்குளிக்க துணிந்துவிடும்...!!

மானமில்லாத
அமைதி தீர்மானங்களை
ஒதுக்கி வையுங்கள்,
உள்ளத்தின் ஆழ்ந்த
சமிக்ஞைகளை
பேசித்தான் தீர்க்க முடியும்
தயவுசெய்து மனம்விட்டு பேசுங்கள்,
அது முடியாதபோது
உங்களுடனாவது பேசுங்கள்..,!!

by **T.N.Balasubramanian** Fri Dec 26, 2014 10:38 am

பேச்சு நன்றாகத்தான் இருக்கிறது .
உங்கள் பங்களிப்பு , உங்கள் பதிவை மட்டுமே சுற்றி வருகிறதே, Mano !
மற்றவர்கள் பதிவுகளை பார்த்து படித்து பின்னூட்டம் இடுவது ,நட்பை வளர்க்கும் அல்லவா ?
கைபேசி செய்யும் ,கட்டுப்பாடு , என்கின்ற தடையிலிருந்து வெளிவரவேண்டிய தருணம் இது .
புதிய ஆண்டில் இருந்தாவது , மற்றவர்கள் பதிவை பார்த்து , உங்கள் மேலான கருத்தை
தெரிவிப்பதை , பங்கேற்பதை , பலரும் விரும்புவர் .
ரமணியன்

by **ayyasamy ram** Fri Dec 26, 2014 11:42 am

T.N.Balasubramanian wrote:பேச்சு நன்றாகத்தான் இருக்கிறது .
உங்கள் பங்களிப்பு , உங்கள் பதிவை மட்டுமே சுற்றி வருகிறதே, Mano !
மற்றவர்கள் பதிவுகளை பார்த்து படித்து பின்னூட்டம் இடுவது ,நட்பை வளர்க்கும் அல்லவா ?
கைபேசி செய்யும் ,கட்டுப்பாடு , என்கின்ற தடையிலிருந்து வெளிவரவேண்டிய தருணம் இது .
புதிய ஆண்டில் இருந்தாவது , மற்றவர்கள் பதிவை பார்த்து , உங்கள் மேலான கருத்தை
தெரிவிப்பதை , பங்கேற்பதை , பலரும் விரும்புவர் .
ரமணியன்

[url=http://www.eegarai.net/t117260-mano-red#1111447]மேற்கோள் செய்த பதிவு: 1111447[/உரல்
-
மனம் விட்டுப் பேசினால்....உறவு தழைக்கும்...
-
தயவுசெய்து பேசுங்கள்...!! - Mano Red FXuO15T0KQWMcYGoxdgq+parent_child_2254034f

தயவுசெய்து பேசுங்கள்...!! - Mano Red FXuO15T0KQWMcYGoxdgq+parent_child_2254034f

by **M.Saranya** Fri Dec 26, 2014 11:55 am

நல்ல பதிவு....

நன்றி...

by Mano Red Fri Dec 26, 2014 12:45 pm

ரமணியன் அய்யா எனக்கு புரிகிறது ஆனால் என்னால் இயலவில்லை ...போதிய நேரமும் கணினி வசதியும் இல்லை ....என்னால் பதிவிடாமல் இருக்கவும் முடியவில்லை ...உங்கள் கருத்துக்களுக்கு நன்றி சொல்லாமலும் இருக்க முடிவதில்லை ...கூடிய வரை முயற்சிக்கிறேன்....எல்லோரும் மன்னியுங்கள்

by **ஜாஹீதாபானு** Fri Dec 26, 2014 12:49 pm

மிகவும் அருமை மனோ

by **ஜாஹீதாபானு** Fri Dec 26, 2014 12:50 pm

Mano Red wrote:ரமணியன் அய்யா எனக்கு புரிகிறது ஆனால் என்னால் இயலவில்லை ...போதிய நேரமும் கணினி வசதியும் இல்லை ....என்னால் பதிவிடாமல் இருக்கவும் முடியவில்லை ...உங்கள் கருத்துக்களுக்கு நன்றி சொல்லாமலும் இருக்க முடிவதில்லை ...கூடிய வரை முயற்சிக்கிறேன்....எல்லோரும் மன்னியுங்கள்

மேற்கோள் செய்த பதிவு: 1111473

இதுக்கு நான் பதில் சொல்லலாம்னு இருந்தேன். நீங்களே சொல்லிட்டிங்க. புன்னகை

by யினியவன் Fri Dec 26, 2014 1:04 pm

ஜாஹீதாபானு wrote:இதுக்கு நான் பதில் சொல்லலாம்னு இருந்தேன். நீங்களே சொல்லிட்டிங்க.

எங்க இப்ப சொல்லுங்க பாப்போம் புன்னகை

by **ஜாஹீதாபானு** Fri Dec 26, 2014 1:07 pm

யினியவன் wrote:
ஜாஹீதாபானு wrote:இதுக்கு நான் பதில் சொல்லலாம்னு இருந்தேன். நீங்களே சொல்லிட்டிங்க.
எங்க இப்ப சொல்லுங்க பாப்போம்

மேற்கோள் செய்த பதிவு: 1111477

அதான் அவர் சொல்லிட்டாரே....

நான் ஏற்கனவே அவரிடன் ரமணீயன் ஐயா சொன்னது போல சொல்லி இருக்கிறேன். அவரும் என்னால் மொபைலில் அதிக நேரம் இருக்க முடியல. கவிதைக்கு பின்னூட்டம் போட்டவர்களுக்கு பதில் கூட சொல்லாமலிருப்பது நல்லா இருக்கதுனு தான் சிரமப்பட்டு சொல்கிறேன் என சொன்னார் அண்ணா.

by யினியவன் Fri Dec 26, 2014 1:15 pm

ஜாஹீதாபானு wrote:
அதான் அவர் சொல்லிட்டாரே....

நான் ஏற்கனவே அவரிடன் ரமணீயன் ஐயா சொன்னது போல சொல்லி இருக்கிறேன். அவரும் என்னால் மொபைலில் அதிக நேரம் இருக்க முடியல. கவிதைக்கு பின்னூட்டம் போட்டவர்களுக்கு பதில் கூட சொல்லாமலிருப்பது நல்லா இருக்கதுனு தான் சிரமப்பட்டு சொல்கிறேன் என சொன்னார் அண்ணா.

பஸ் ஸ்டாப்ல நிக்கிற எல்லாரையும் பாக்க சொல்லுதுல்ல வயசு அவருக்கு - என்ன அவசரமா போனாலும் அத விடறாரா? கேளுங்க நல்லா புன்னகை