மறுபதிப்புக்குத் தயாராகும் கோட்ஸேவின் நூல்

**ayyasamy ram** · **ayyasamy ram** Wed 24 Dec 2014 - 9:45

மகாத்மா காந்தியை சுட்டுக் கொன்ற நாதுராம் கோட்ஸேவின் வாக்குமூலங்கள் உள்ளிட்டவை அடங்கிய புத்தகம் ஆங்கிலத்தில் மீண்டும் மறுபதிப்பு செய்யப்படவுள்ளது.

"நான் ஏன் காந்தியைக் கொன்றேன்?' என்ற தலைப்பிலான இந்த நூல் மராத்தி மொழியில் நாதுராம் கோட்ஸேவின் சகோதரரான கோபால் கோட்ஸேவால் எழுதப்பட்டது.

பின்னர் 1970-ஆம் ஆண்டு ஹிந்தியிலும், 1993-ஆம் ஆண்டு ஆங்கிலத்திலும் இந்த நூல் மொழிபெயர்க்கப்பட்டது. கைது செய்யப்பட்ட பின்னர், போலீஸாரிடம் கோட்ஸே அளித்த வாக்குமூலங்கள், வழக்கு விசாரணைகள், முக்கியப் புகைப்படங்கள் ஆகியவை இந்த நூலில் இடம்பெற்றுள்ளன.

இந்த நூலின் ஆங்கிலப் பதிப்பை மறுபதிப்பு செய்ய தில்லியில் உள்ள ஃபார்ûஸட் வெளியீட்டாளர் நிறுவனம் முடிவு செய்துள்ளது. இதற்கான அனுமதியையும் அதன் முந்தைய பதிப்பாளரிடமிருந்து அந்நிறுவனம் பெற்றுள்ளது.

208 பக்கங்களைக் கொண்டதாக உருவாக்கப்படும் இந்தப் புதிய நூல், அதன் முந்தைய பதிப்பினைக் காட்டிலும் கூடுதல் தகவல்களைக் கொண்டிருப்பதாக ஃபார்ûஸட் நிறுவன உரிமையாளர் விஜய் கோயல் தெரிவித்தார்.
=========
-தினமணி