விகடன் பத்திரிகை குழும தலைவர் பாலசுப்ரமணியன்--மறைவு

**T.N.Balasubramanian** · **T.N.Balasubramanian** Fri Dec 19, 2014 9:58 pm

விகடன் பத்திரிகை குழும தலைவர் பாலசுப்ரமணியன்--மறைவு

சென்னை: விகடன் பத்திரிகை குழும தலைவர் பாலசுப்ரமணியன் மாரடைப்பு காரணமாக இன்று இரவு 7.45 மணியளவில், சென்னை மலர் மருத்துவமனையில் காலமானார். அவருக்கு வயது 79.
ஜெமினி ஸ்டுடியோ எஸ்.எஸ். வாசனின் மகனான பாலசுப்ரமணியன், கடந்த 1936ம் வருடம் டிசம்பர் 28ம் தேதி சென்னையில் பிறந்தார். இவர் லயோலா கல்லூரியில் பி.காம்., பட்டப்படிப்பு படித்தார். விகடன் குழுமத்தில், கடந்த 1956ம் ஆண்டு இணைந்தார். பின்னர் அவரது தந்தை மரணத்திற்கு பின் ஜெமினி மற்றும் விகடன் குழும தலைவராக பதவியேற்றார். அன்றிலிருந்து இன்று வரை அவர் விகடன் குழும தலைவராக உள்ளார். இவர் நடிகர் எம்.ஜி.ஆர்., சிவாஜி, அமிதாப் பச்சன், ராஜேஸ் கண்ணா உள்ளிட்ட பல பிரபலங்களை வைத்து படங்கள் தயாரித்துள்ளார்.
இந்நிலையில் அவர், இன்று இரவு 7.45 மணியளவில் மாரடைப்பு காரணமாக மலர் மருத்துவமனையில் காலமானார். இவருக்கு ஒரு மகன் மற்றும் மூன்று மகள்கள் உள்ளனர். மகன் சீனிவாசன் தற்போது விகடன் குழும நிர்வாக இயக்குநராக உள்ளார். இவரது மூன்று மகள்களும் அமெரிக்காவில் உள்ளனர். இவர்கள் வந்த பிறகு தான் நாளை அல்லது நாளை மறுநாள் இறுதிச்சடங்கு நடைபெறும். பாலசுப்ரமணியனின் உடல் பொது மக்கள் அஞ்சலிக்காக போயஸ் கார்டனில் உள்ள அவரது வீட்டில் நாளை வைக்கப்பட உள்ளது.

நன்றி : தினமலர்

ரமணியன்

**ayyasamy ram** · **ayyasamy ram** Sat Dec 20, 2014 6:57 am

-

விகடன் பத்திரிகை குழும தலைவர் பாலசுப்ரமணியன்--மறைவு 4ZMsQuljRcq4dZGAdDKJ+balabala_1

-
அனைவரின் கவனத்துக்கு...

மருத்துவம் படிக்கும் மாணவர்களின் ஆராய்ச்சிக்காக தன்னுடைய உடலை தானம் தரவேண்டும் என்பதே சேர்மனின் விருப்பம். அதற்கான பணிகள் நடக்கின்றன.
அதனால், வரும் திங்கள் கிழமை 22.12.2014 அன்று காலை 6 மணி முதல் பொதுமக்கள் அஞ்சலிக்காக அவருடைய உடல் போயஸ் தோட்டத்து இல்லத்தில் வைக்கப்படும் என்பதைத் தெரிவித்துக்கொள்கிறோம்.

முகவரி: ஏ1 டிவோலி அப்பார்ட்மென்ட், எண். 11, கஸ்தூரி எஸ்டேட், போயஸ் கார்டன், தேனாம்பேட்டை, சென்னை-18
=========================
விகடன்.காம்

இந்த பதிவைத் துவங்கியவர் நன்றி கூறியுள்ளார் ayyasamy ram

**T.N.Balasubramanian** · **T.N.Balasubramanian** Sat Dec 20, 2014 9:45 am

செத்தும் கொடுத்தான் சீதக்காதி என்பர் .
இவரும் ஒரு சீதக்காதி என்போம் .

ரமணியன்

**ராஜா** · **ராஜா** Sat Dec 20, 2014 2:02 pm

கண்ணீர் அஞ்சலி ... அன்னாரின் ஆன்மா சாந்தியடைய ஈஸ்வரனை பிரார்த்திக்கிறேன்

**krishnaamma** · **krishnaamma** Sat Dec 20, 2014 2:22 pm

ஆஹா...ரொம்ப நல்லா மனுஷர்.............வருத்தமாய் இருக்கு....அவர் ஆத்மா சாந்தி அடைய பெருமாளை வேண்டுகிறேன் ! :வணக்கம்:

Sponsored content · Sponsored content

விகடன் பத்திரிகை குழும தலைவர் பாலசுப்ரமணியன்--மறைவு

விகடன் பத்திரிகை குழும தலைவர் பாலசுப்ரமணியன்--மறைவு

Re: விகடன் பத்திரிகை குழும தலைவர் பாலசுப்ரமணியன்--மறைவு

Re: விகடன் பத்திரிகை குழும தலைவர் பாலசுப்ரமணியன்--மறைவு

Re: விகடன் பத்திரிகை குழும தலைவர் பாலசுப்ரமணியன்--மறைவு

Re: விகடன் பத்திரிகை குழும தலைவர் பாலசுப்ரமணியன்--மறைவு

Re: விகடன் பத்திரிகை குழும தலைவர் பாலசுப்ரமணியன்--மறைவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக