தடை – ஒரு பக்க கதை

**ayyasamy ram** · **ayyasamy ram** Sun 21 Dec 2014 - 6:43

காலை ஆறுமணிக்கெல்லாம் பெட்டிக்கடையைத் திறந்து
விடுவாள் பொன்னம்மா. அவள் கணவன் திடீரென்று
இறந்த பிறகு, தன் இரு குழந்தைகளையும் காப்பாற்றும்
பொறுப்பு பொன்னம்மா தலையில் விழுந்தது.
கணவன் நடத்திய பொட்டிக்கடையை இப்போது இவளே ந
டத்துகிறாள்.
-
வந்திருந்த பால் பாக்கெட்டுகளை ஃபிரிட்ஜில் அடுக்கிக்
கொண்டு இருந்தாள். இன்னும் போணி ஆகவில்லை.
அப்போது ஒருவர் வந்தார்.
“ஏம்மா! இன்னைக்காவது சிகரெட் பாக்கெட் வாங்கி
வச்சிருக்கியா? பாக்கு புகையிலை, பீடி சிகரெட் இல்லாம
பெட்டிக்கடை வியாபாரம் நடத்த முடியுமா என்ன?
எப்போ வந்து கேட்டாலும் சிகரெட் இல்லேன்னு சொல்றே!’
அக்கறையாக விசாரிப்பது போல கேட்டார்.
பொன்னம்மாவின் முகத்தில் சோகம் படர்ந்தது.
-
“ஐயா! அப்படி ஒரு வியாபாரம் எனக்குத் தேவை இல்லை!
என் கடையிலே அந்த மாதிரி பீடி, சிகரெட், புகையிலை
அயிட்டமெல்லாம் வாங்கி விக்க மாட்டேன்!’
-
“அதான் ஏம்மா.. அந்தக் காரணத்தைச் சொல்லேன்?’
-
“எம் புருஷன் அற்ப ஆயிசிலே செத்துப்போக காரணமே
புகையிலை, சிகரெட்தான். பாழாப்போன அந்த
பொருட்களாலதான், புத்துநோய் வந்து என்னையும் எம்
புள்ளைங்களையும் தவிக்க விட்டுட்டுப் போயிட்டார்!
அதனால அந்த புகையிலைப் பொருட்களை நான் விற்பது
இல்லேன்னு முடிவு பண்ணி இருக்கேன்!’
உறுதியாகச் சொன்னாள் பொன்னம்மா.
மறு பேச்சு பேசாமல் இடத்தை காலி செய்தார் அவர்.
-
———————————————

- கு. அருணாசலம் – குமுதம்

**krishnaamma** · **krishnaamma** Sun 21 Dec 2014 - 11:17

சூப்பர் !......இது போல நிறைய பேர் முன் வந்தால் உலகம் திருந்தும்....................ஆனால்..........இறந்த அந்த மனிதனுக்கும் உரைக்கலை..........இருந்து புகை பிடிப்பவர்களுக்கும் உரைக்கலை.....என்ன செய்ய ? சோகம்