திருநங்கைகளும், திருதிரு நங்கைகளும்.

by mbalasaravanan Mon Dec 15, 2014 11:20 am

கோரக்பூர் எக்ஸ்பிரஸ் ரயில்…. தெலுங்கானா மாநிலம் கரீம் நகருக்கு அருகே சென்று கொண்டிருந்தது.
லக்னோவைச் சேர்ந்த ராஜுவும் அவரது நிறைமாத கர்ப்பிணி மனைவியான நிர்மலாவும் அந்த ரயிலில் லக்னோவுக்குச் சென்று கொண் டிருந்தனர். அப்போது நிர்மலாவுக்குத் திடீரென பிரசவ வலி ஏற்பட்டது.
வலியால் துடித்த மனைவியைக் கண்டு பதறிய அவரது கணவர், சக பெண் பயணிகளிடம் சென்று தனது மனைவியின் பிரசவத்துக்கு உதவும்படி கெஞ்சுகிறார்… ஆனால் பயணிகள் யாரும் முன் வரவில்லை.
அந்த சமயத்தில் ரயிலில் பிச்சை எடுத்துக்கொண்டிருந்த சில திருநங்கைகள் ஓடிவந்து பிரசவம் பார்க்க முன் வந்தனர். அவர்களும் சில பெண்களை உதவிக்கு அழைத்தனர். ஆனாலும் யாரும் முன் வரவில்லை. இதைத் தொடர்ந்து, திருநங்கைகளே தாங்களாக அந்தப் பெட்டியில் புடவைகளால் திரை அமைத்துப் பிரசவம் பார்த்தனர்.
சுகப்பிரசவத்தில் நிர்மலா ஆண் குழந்தையைப் பெற்றெடுத்தார். அடுத்து ராமகுண்டம் ரயில் நிலையத்தில் ரயில் நின்றதும், உடனடியாக திருநங்கைகள், 108 ஆம்புலன்சுக்குத் தகவல் தெரிவித்து மருத்துவ உதவிக்கும் ஏற்பாடு செய்தனர்.
அதோடு மட்டும் நிற்காமல்….. தாங்கள் ரயில் பிச்சை எடுத்துச் சேமித்து வைத்திருந்த ஐநூறு ரூபாயையும் குழந்தையின் கையில் அன்பளிப்பாகக் கொடுத்து வாழ்த்திவிட்டுச் சென்றனர் திருநங்கைகள்.
“திருதிரு"வென நார்மல் நங்கைகள் அவசரதிற்குக் கூட உதவ முன்வராமல் முழித்துக்கொண்டு தயங்கியபோது, துணிந்து இரக்கத்துடன் உதவ முன்வந்த திருநங்கைகள் மிகவும் பாராட்டுக்குரியவர்கள். வாழ்த்துக்குரியவர்கள்.
தாயாகமலேயே தாயான அவர்கள் எங்கே? தாயாகியும் தயங்கிய இவர்கள் எங்கே?
முகநூல்

by **krishnaamma** Mon Dec 15, 2014 11:39 am

சூப்பர் சரவணன் புன்னகை

.......................ரொம்ப நல்ல பகிர்வு..............வடக்கே எல்லாம் குழந்தை பிறந்ததும் இவர்கள் வந்து ஆடிப்பாடுவார்கள்..................தங்களைப்போல ஆகக்கூடாது என்று பிரார்த்தனை செய்வார்கள்......................குழந்தையை வாழ்த்துவார்கள்............அது 'ஆண் குழந்தை' என்று தெரிந்தால் நிறைய பணம் கேட்பார்கள்.....பாவம் இவர்கள் தந்து விட்டு போய் இருக்கிறார்கள் புன்னகை

.........great people ! அன்பு மலர்