நான் உங்களைப் போன்று வழமையானவனில்லை

**ayyasamy ram** · **ayyasamy ram** Sun Dec 14, 2014 9:11 am

-
இதுதான்
இப்பட்டித்தான் என்ற வரைமுறைகளில்
கட்டுண்டு விடுகிறது வாழ்க்கை
இன்னுமின்னும்
என இருத்தலைச் சொல்ல
-
எதையாவது முயல வேண்டும்
கொஞ்சம் புதுமையாய்
கொஞ்சம் வித்தியாசமாய்
ஒரு பிரியத்தின் நிழலை
சில அன்பின் வேட்கைகளை
சில உறவின் பந்தங்களை
பட்டும்படாமல் அதன் நிழலகளைத் தாண்டி
பயணப்பட வேண்டும்
-
தின்று
பருகி
காமுற்று
என்ற சீர்கோட்டின் வட்டப்பாதைகளிலிருந்து
அப்படித்தான் மிடுக்காய்
தூரமாய் பயணப்படல் வேண்டும்
அல்லது குறைந்த பட்ச நாகரீகத்தின்
-
அரிதாரங்களோடு
அடிக்கடி சொல்லிக்கொள்ள வேண்டும்
''நான் உங்களைப் போன்ற
வழமையானவனில்லை''
-
-------------------------------
>எஸ்.எம்.ஜூனைத் ஹஸவீ
நன்றி: கல்கி