மூணாவது மனுசன்...!! - Mano Red

by Mano Red Sun Dec 14, 2014 8:35 am

நீங்கள் யாரென்று
எனக்கு தெரியாது...
நீங்கள் அணிந்து திரியும்
மனித முகமூடியுடன் தான்
எனக்கு பழக்கம்..!!

உங்களை கூட்டத்தில் தொலைத்து
நேற்று தான் கண்டெடுத்தேன்,
முகத்தில் உங்களின்
ரேகைகள் காணவில்லை,
வேறு யாருடையதாக இருக்குமோ..??
இதற்கு என்ன அர்த்தம்
யார் போல வாழ ஆசை கொண்டு
இப்போது நீங்கள் நடிக்கிறீர்கள்...??

உங்களின் சட்டையை
இறுக்கிப் பிடித்துக் கேட்கிறேன்,
நிழலுக்கு தெரியாமல்
குடை பிடித்தாலும்
கடந்துவிடப் போகும்
காலத்தை எங்கே தொலைப்பது ..??
கனவுகளை எங்கே மறைப்பது ..??

உங்களுக்கு நீங்கள்
கறுப்பு வெள்ளை
வண்ணமடித்தாலும்,
இருள் மேகத்தின்
இறுதி மழையை தடுக்க முடியாது..!!
இறப்பது போல
கனவு கண்டாலும்
பிறப்பது போல கனவு வராது..!!

நீங்கள் அறிவாளிகள் தான்
ஒரு இறைவன் பொய்த்தால்,
வேறு இறைவனை
தேடிப்போவீர்களே தவிர,
முட்டாள்தனத்தை என்றுமே
கைவிட மாட்டீர்கள்..!!
யாருக்கு என்ன லாபமோ..??

என் இதயத்தின்
பகுதிகள் சிலவற்றை
நீங்கள் நல்வாசம் கொண்டு
நிரப்பியிருந்தாலும்,
ஆழ்மனம் உங்களை
மூணாவது மனுசனாகவே
மூடி மறைக்கிறது...!!

மூணாவது மனுசன்...!! - Mano Red B7qYyvl7SBehIi0jh04Q+ensor