ஒரு பக்கக் கதை - பொறுப்பு!

**ayyasamy ram** · **ayyasamy ram** Fri Dec 12, 2014 6:13 pm

சங்கரன் தனது மனைவி, மகன் வினோத்துடன்
சென்னையிலிருந்து மதுரைக்குப் புறப்பட்டான்.

புறப்படும்முன் பக்கத்துவீட்டில் வசிக்கும் தனது
நண்பரிடம், தான் வர ஒரு வாரம் ஆகும்.
அதுவரை தனது வீட்டில் உள்ள செடி கொடிகளுக்குத்
தண்ணீர் ஊற்றும் படியும், நாய்க்கு தினமும் உணடு
கொடுக்கும்படியும் கேட்டுக் கொண்டான்.

மதுரைக்கு வந்தபின்பு செடி கொடிகள், நாய் பற்றியும் ந
ண்பரிடம் விசாரித்தான் சங்கரன்.

"அவர் கிட்ட பொறுப்பை ஒப்படைச்சாச்சே
அப்புறம் அது பற்றி போன் பண்ணி கேட்கணுமா?'
என்று அப்பாவிடம் கேட்டான் வினோத்.

"என்ன இருந்தாலும் நம்மகிட்டே இருக்கிற அக்கறை,
பொறுப்பு அவர்கிட்டே எதிர்பார்க்க முடியுமா...
அதான் நினைவூட்டினேன்' என்றார் சங்கரன்.

"அப்படின்னா முதியோர் இல்லத்துல இருக்குற நம்ம
தாத்தாவையும் நம்மை மாதிரி அவங்க கவனிக்க
மாட்டாங்கதானே?' கேட்டான் வினோத்.

வினோத்தின் பேச்சு நெற்றிப் பொட்டில் அடிப்பதுபோல
இருந்தது. உடனே அப்பாவை முதியோர் இல்லத்தில்
இருந்து அழைத்துவர முடிவு செய்தான் சங்கரன்.
-
------------------------------
- எஸ். முகம்மது யூசுப்.
நன்றி: குமுத்