விமான நிலையம் – எழும்பூர் இடையே அடுத்த ஆண்டு டிசம்பரில் மெட்ரோ ரயில் ஓடும்

-

-
சென்னை விமான நிலையம் – எழும்பூர் இடையே
அடுத்தாண்டு டிசம்பர் மாதத்தில் மெட்ரோ ரயில்
போக்குவரத்து தொடங்கப்படும் என்று சென்னை
மெட்ரோ ரயில் திட்ட இயக்குநர் ராமநாதன் கூறினார்.
-
சென்னையில் ஷெனாய் நகர் – திருமங்கலம்
இடையிலான சுரங்கப் பாதை பணி சனிக்கிழமை
முடிவடைந்தது. இதனையடுத்து நடைபெற்ற செய்தியாளர்
சந்திப்பில் அவர் மேலும் கூறியது: ஷெனாய் நகர் -
திருமங்கலம் இடையே 5 கிலோ மீட்டர் தூரத்துக்கான
சுரங்கப் பாதை தோண்டும் பணி முடிவடைந்துள்ளது.

இதனையடுத்து திருமங்கலத்தில் இருந்து கோயம்பேடு
உயர்நிலைப் பாலத்துக்கு தண்டவாளம் அமைக்கும் பணிகள்
தொடங்கப்படும்.

ஷெனாய் நகரில் இருந்து 2012 ஆம் ஆண்டு டிசம்பர்
மாதம் சுரங்கப் பணிகள் தொடங்கப்பட்டன. முதலில்
ஷெனாய் நகரில் இருந்து அண்ணா நகர் கிழக்கு,
அண்ணாநகர் டவர், திருமங்கலம் இடையே முடிக்கப்
பட்டுள்ளது.
-
இந்த வழித்தடத்தில் நாள் ஒன்றுக்கு 15 முதல் 18 மீட்டர்
தூரம் வரை டனல் போரிங் இயந்திரம் மூலம் சுரங்கம்
தோண்டப்பட்டது. சுரங்கம் தோண்டுவதில் இருந்து வெளி
வரும் மண் தினமும் நள்ளிரவு 12 மணி முதல்
அதிகாலை 4 மணி வரை சேகரிக்கப்பட்டு. திருநீர்மலை
அருகே உள்ளே ஓர் இடத்தில் கொட்டப்பட்டு வருகிறது.
-
சுரங்கப் பணிகள் முழுவதும் முடிந்த இடங்களில் ரயில்
நிலையங்கள் அமைக்கும் பணிகளும் தொடர்ந்து நடைபெற்று
வருகின்றன. 60 சதவீதம் ரயில் நிலையப் பணிகள் சுரங்கத்தில்
முடிவடைந்துள்ளன.
-
2007 ஆம் ஆண்டு மெட்ரோ ரயில் தொடங்கப்படும்போது
திட்ட மதிப்பீடு ரூ.14,600 கோடியாக இருந்தது. இப்போது
இதன் திட்ட மதிப்பீடு ரூ.20 ஆயிரம் கோடியாகும்.
சென்னையில் சுரங்கப் பாதை பணியை மேற்கொள்வது
சவாலான விஷயம். இங்கு மண், பாறை என வெவ்வேறு
இடங்களில் நிலங்களின் தன்மை மாறுபடும்.
இதன் காரணமாக சுரங்கம் தோண்டும் டனல் போரிங்
இயந்திரத்தின் பிளேடுகள் அதிகமாக சேதமடையும்.
-
ஜூன் மாதம் சோதனை ஓட்டம்:
கோயம்பேடு – எழும்பூர் இடையிலான வழித்தடத்தில்
சுரங்கப் பாதையில் மெட்ரோ ரயில் சோதனை ஓட்டம்
அடுத்தாண்டு ஜூன் மாதம் தொடங்கப்படும். மேலும்
விமான நிலையம் – எழும்பூர் இடையிலான 9 கிலோ
மீட்டர் தூரத்திலான உயர் நிலை மற்றும் சுரங்கப்
பாதையில் மெட்ரோ ரயிலின் முழுமையான போக்குவரத்து
அடுத்தாண்டு டிசம்பரில் தொடங்கப்படும்.
-
மெட்ரோ ரயில் பணிகள் திட்டமிட்டப்படி நடைபெற்று
வருகிறது. இந்தியாவில் மெட்ரோ ரயில்
சேவை 75 நகரங்களில் தேவைப்படுகிறது. அங்கெல்லாம்
மெட்ரோ ரயில் சேவை தொடங்கலாம் என்றார் ராமநாதன்.
-
—————————————–
–நினமணி

எல்லாம் வாய்ச்சொல் தான் . "திட்டமிட்டபடி நடக்கின்றது என்ற வார்த்தைகள்", மாறாத மொழி.
கோயம்பேடு -செயின்ட் தாமஸ் மவுண்ட் .ஆகஸ்ட் 31 , 2014 என்றனர் . வெள்ளோட்டம்
விட்டனர் . தயார் என்றனர் . கடைசியில் ரயில் நிலையங்கள் முழுமை பெறவில்லை என்கின்றனர் .
முழுமை பெற்ற ரயில் நிலையங்களில் ஓட்டத்தை ஆரம்பித்து , ஒவ்வொரு நிலையமாக சேர்க்கலாமே .
revenue கிடைக்குமே . என்று ஓட்டம் ஆரம்பிக்கிறதோ ,அன்று தான் நிஜம் .
ரமணியன்

இப்படியும் இருக்கலாமோ..?
-
கோயம்பேடு -செயின்ட் தாமஸ் மவுண்ட் ..ஓட்டம் ஆரம்பிக்க

அம்மா வருகைக்காக காத்திருக்கிறதா ..?!

மெட்ரோ ஓடாமலே புதிய விமான நிலையத்தில் கண்ணாடிகள் தூள் தூளாகிறது
மெட்ரோ ஓடிவிட்டால் தடதடத்து கண்ணாடிகள் முழுவதுமாக தூளாகிவிடுமோ?

டிசைன் மிஸ்டேக் .
ஏர்போர்ட் இருக்கும் இடம் அதிக காற்றழுத்தம் உள்ள இடம்
அதன் எதிரில் இருக்கும் மலையில் தான் structural டிசைன் டெஸ்டிங் ஸ்டேஷன் இருக்கிறது .
அந்த பக்கம் போகிறவர்கள் இதை பார்க்கலாம் .  இந்த சூழ்நிலை காரணமாகவே டெஸ்டிங் ஸ்டேஷன்
அங்கே நிறுவப்பட்டுள்ளது .
அந்த இடத்தில் இந்த காற்றழுத்த சமாச்சாரங்கள் கண்டுகொள்ளபட்டனவா அல்லது
கண்டுகொண்டதால் கண்டுகொள்ளபடவில்லையா எனத் தெரியாது .
உயிர் சேதம் ஏற்படாதவரையில், ஓகே . ஏதாவது ஆச்சு என்றால் தான் முழித்துக்கொள்வார்கள் .
யார் தலையில் விழப்போறதோ ?

ரமணியன்

அன்பர்   ராம் அவர்களே  ' நினமணி  '   என ஒன்று  என்று  உதயமானது ...............!!!!!!!!!! இருப்பினும் தகவலுக்கு பதிவுக்கு நன்றி.