ரஜினிகாந்த் - தமிழ்நாட்டின் சாபக்கேடு !

சுப்ரமணியபாரதி வாழ்ந்தபோதும் யாரும் கண்டுக்கிடலை. அவரைப்பற்றித் தெரிந்த பிறகும் பாரதியின் பிறந்தநாளான டிசம்பர் -11 ஐ பெரும்பாலான ஊடகங்கள் குறிப்பாக தொ(ல்)லைக்காட்சிகள் கண்டுக்கிடலை. டிசம்பர் -12 ரஜினிகாந்த் எனும் திரை பிம்பத்திற்கு பிறந்தநாளாம் ,இதைக் கொண்டாட ஒரு மாதமாக தவமிருக்கிறார்கள். புத்தகங்கள் பற்றியோ,எழுத்தாளர்கள் பற்றியோ, மற்ற கலைஞர்கள் பற்றியோ, கிராமங்கள் பற்றியோ,நகரங்கள் பற்றியோ ,சமூகத்தின் அங்கங்கள் பற்றியோ சிறு நிகழ்ச்சி கூட தயாரிக்க முன்வராதவர்கள் இந்த தொ(ல்)க்காட்சிக்காரர்கள்.

சினிமாவையும் சினிமாக்காரர்களையும் தவிர்த்து தமிழ்நாட்டில் எதுவும் இல்லையா தொ(ல்)லைக்காட்சிகளே ?
உலகவணிகமயமாக்கலின் முக்கிய கருவி இந்தத் தொ(ல்)லைக்காட்சிகள் தான். இந்தத் தொ(ல்)லைக்காட்சிகள் யாரையும் சுயமாக சிந்திக்க அனுமதிப்பதே இல்லை. எதை ஒளிபரப்பறாங்களோ அதைப் பார்க்க வைக்கனும், எதை விளம்பரப்படுத்துறாங்களோ அதை வாங்கத் தூண்டனும் இதைத் தான் எல்லாத் தொ.கா.களும் செய்கின்றன. நமது வீடுகளில் நமக்குப் பயன்படாத நிறைய பொருட்கள் அடைந்து கிடப்பதற்கும், நமது மூளையில் எதற்கும் பயன்தராத தகவல்கள் குவிந்துகிடப்பதற்கும் தொ.கா.கள் தான் முக்கிய காரணம்.

தி இந்து நாளிதழின் நடுப்பக்கத்தில் ரஜினி இடம்பெற்றால் அது, இதுவரை நடுப்பக்கத்தில் இடம்பற்றவர்களுக்கும், தி இந்துவிற்கும் மாபெரும் அவமானம்.

இந்த பிம்பத்தைக் கொண்டாடப்போகும் ஊடகங்களிடமிருந்து டிசம்பர் -12ஐக் காப்பாற்றுங்க.

தமிழன் சுயமரியாதை உள்ளவனா ? இல்லையா ? நாளை தெரிந்துவிடும்.

ரஜினி ஒரு நடிகன். அவ்வளவுதான்.அதைத் தாண்டிக் கொண்டாட தமிழ்நாட்டிற்கும் தமிழ்சினிமாவிற்கும் அவர் எதுவும் செய்யவில்லை. தனது திரைப்படங்கள் வாயிலாக புகைப்பிடிப்பதை ஊக்கப்படுத்தியவர். இன்று வரை தனது ரசிகர்களை ஏமாற்றி தவறாக பயன்படுத்துபவர் தான் இந்த ரஜினி. ரஜினி படம் வந்தா திரையரங்கிற்கு போங்க, படம் பாருங்க.ரஜினியை அங்கேயே விட்டுட்டு வாங்க. ரஜினி ஒரு எண்டர்டெய்னர் (entertainer) அதனால் அவரைக் கொண்டாடுறோம் என்று சொல்லமுடியாது. ஏனென்றால், நமது எல்லோரது வாழ்விலும் நீக்கமற நிறைந்திருக்கும் வசனங்களைப் பேசி நடித்து ,நடிக்காதப் போதும் கூட நம்மைச் சிரிக்க வைத்துக் கொண்டிருக்கும் வடிவேலு தான்யா உண்மையான எண்டர்டெய்னர். உண்மையான கலைஞன். வடிவேலுவை விடவா ரஜினி பெரிய எண்டர்டெய்னர் ? இல்லையே.

ரஜினி ஒரு நடிகன். அவ்வளவுதான்.அதைத் தாண்டிக் கொண்டாட தமிழ்நாட்டிற்கும் தமிழ்சினிமாவிற்கும் அவர் எதுவும் செய்யவில்லை

உண்மை ,முற்றிலும்  உண்மை.
தன்னை வளர்த்துக்கொண்டார் .அவ்வளவே .

ரமணியன்

அப்பட்டமான உண்மை. சினிமாவில் காண்பிப்பதை உண்மை என்று எண்ணி ஏமாறும் தமிழகத்தை எண்ணி வருந்தத்தான் முடியும். அன்றைய திரைப்படத்தில் ஒரே ஒரு அட்டை கத்தயை வைத்துக்கொண்டு ஒரு படையை விரட்டினார் ஒரு நடிகர். இன்றைய திரைப்படத்தில் அது கூட இல்லாமல் வெறும் கையால் பத்து குண்டர்களை அடித்து துவைக்கிறார்கள் இந்த கூத்தாடிகள். திரைப்படத்தை பொழுது போக்குச் சாதனமாகப் பார்க்காததின் கொடுமைதான் திரைப்படத்துறையினர் தமிழக அரசியலில் நடித்துக்கொண்டு காலத்தை ஓட்டுகின்றனர்.
தமிழகத்தில வ.வு.சி, உ.வே.சா, போன்றோர்க்கில்லாத முக்கியத்துவம் ஒப்பனையுடன் தன் பேத்தி வயதுடைய கதாநாயகிகளுடன் காதல் புரியும் கூத்தாடிகளுக்கு அளிக்கப்பட்டது, அளிக்கப்படுகிறது. இனியும் அளிக்கப்படுமா என்பதைக் காலம்தான் கூறவேண்டும்.

அருமையான கேள்வி நண்பரே .
எனக்கும் அந்த ஆதங்கம் உள்ளது இருந்தாலும் நம் சமூகத்தினரிடையே சினிமா அவ்வளவு பிரபலமாகிவிட்டு இருக்கிறது...

நம் மக்களை அதுவும் குறிப்பாக ரசிகர்களை என்ன சொல்வது என்றே தெரியவில்லை.....

சுப்பர் .... நீங்க சரியாய் சொன்னிர்கள் இப்போது அவரின் பெயரை வைத்து கட்சி தொடங்க போறாங்க அப்பாவி தமிழ் மக்கள் ...... பாவம் தமிழ் ரசிகர்கள் .

அருமையான நெத்தியடி பதிவு

அருமை

.
கொஞ்சமாவது சிந்திக்கும் மக்களை பார்க்க முடிவது நிம்மதி ..

பெண்கள் அவர்கள் போக்கில் நாடகம் ...ஆண்கள் அவர்கள் போக்கில் சினிமா படம்

வெளங்கிடும்