இவங்க கடிச்சா வலிக்காது...!

by **ayyasamy ram** Wed Dec 10, 2014 6:52 am

சிறுவர், சிறுமியர், இளைஞர்கள் என நூற்றுக்கணக்கானவர்கள்
மாதாமாதம் கூடி ஜோக் சொல்லி சும்மா கிழி கிழி கிழின்னு
கிழிக்கிறார்கள் மதுரையில்.
-

-
விக்டோரியா எட்வர்ட் மன்றத்தில் நடக்கும் மகிழ்வோர் மன்றம்
இந்த மாதத்தோடு 115வது மாதக் கூட்டத்தை நடத்தியிருக்கின்றது.
அங்கு குழந்தைகளும் பெரியவர்களும் அ(க)டித்த ஜோக்குகள்
இவை:
-

-

-
-----------------------------------------
-
* தொண்டர்: ஏன் நம்ம தலைவர் தனக்கு டாக்டர் பட்டம்
கொடுத்தாலே ஆச்சுன்னு அடம்பிடிக்கிறாரு?
-
மற்றொரு தொண்டர்: டாக்டர் பட்டம் கொடுத்தால் அவரு
பணவீக்கத்தை குறைச்சிடுவாராம்.
-
------------------------------------------
-
* அப்பா: ஏண்டா தோசை மாவு அரைக்கப் போறப்ப ஒளிஞ்சு
ஒளிஞ்சு போற?
-
மகன்: நைசா அரைச்சுட்டு வரணும்னு அம்மாதான் சொன்னாங்கப்பா.
-
-------------------------------------------------
-
* ஒருவர்: ஏன்யா, உன் பிரண்ட் ரொம்ப கஞ்சத்தனமானவனா
இருப்பான் போலிருக்கே?
-
மற்றொருவர்: ஏண்ணே?
-0
முதலாமவர்: பட்டாசுக் கடையில போய் குண்டூசி
வெடியிருக்கான்னு கேட்கிறான்.
-
---------------------------------------
-
* ஒருவர்: நம்ம தலைவர் தன்னோட பிறந்தநாள் கேக்கை
ஏன் ஆள் வச்சு வெட்டறார்?
-
மற்றவர்: எப்பவுமே அவர் அப்படித்தான். வெட்டற வேலையை
ஆள்வச்சுதான் செய்வார்.
-
---------------------------------------
-
* அமைச்சர்: அரசே.. ஏன் தினமும் கூண்டிலிருந்து ஒவ்வொரு
மயிலாக ஓட விடுகிறீர்கள்?
-
அரசர்: தினமும் ஒரு மைல் ஓடினால் உடலுக்கு நல்லதுன்னு
மருத்துவர் சொன்னார்.
-
--------------------------------------
-
* ஆசிரியர்: உன் பெயர் என்னம்மா?
-
மாணவி: பொன்னி.
-
ஆசிரியர்: நைஸ் நேம்.
-
மாணவி: இல்லை சார் இது “ரைஸ்’ நேம்.
-
-------------------------------------------

* நர்ஸ்: எங்க டாக்டர் பாடிட்டேதான் ஆபரேஷன் செய்வார்.
-
நோயாளி: ஒரே நேரத்தில் இரண்டு அறுவைன்னு சொல்லு.
-
--------------------------------------------
-
* ஒருவர்: கிளி ஏன் கீ….கீ…ன்னு கத்துது?
-
மற்றவர்: அதோட கூண்டு சாவி தொலைந்துபோயிருக்கும்.
-
------------------------------------------
-
* டாக்டர்: இந்த பேஷன்டை ஒரு மணி நேரத்துக்கு முன்னாடி
கொண்டு வந்திருந்தால் காப்பாற்றியிருக்கலாம்.
-
வந்தவர்: ஆக்சிடெண்ட் ஆகியே அரை மணி நேரம்தான் ஆகுது
டாக்டர்?
-
----------------------------------------------
-
* டாக்டர்: என்ன வேணுமின்னாலும் தயங்காமல் கேளுங்க.
-
நோயாளி: டாக்டர் நர்ஸ் நளினியோட வீட்டு அட்ரஸ் வேணும்..!
-
---------------------------------------------.

மகிழ்வோர் மன்றச் செயலாளர் ஆர். சொக்கலிங்கம்,
“ஒவ்வொரு மாதமும் இரண்டாவது சனிக்கிழமை நிகழ்ச்சி
நடக்கும். புதிது புதிதாக வரும் குழந்தைகளின் எணணிக்கையும்
அதிகரித்து வருகிறது’ என்கிறார்.
-
இதன் தலைவர் ஐ. இஸ்மாயில், “மாதம் ஒருமுறை நிகழ்ச்சி
நடந்தாலும் பங்கேற்பவர்கள் மாதம் முழுவதும் எங்களுடன்
தொடர்பில் இருக்கிறார்கள்’ என்றார்.
-
-------------------------------------------

- ப. திருமலை- கல்கி