'டைம்' பத்திரிகையின் சிறந்த நபர் மோடி!

**krishnaamma** · **krishnaamma** Tue Dec 09, 2014 7:41 am

நியூயார்க்: அமெரிக்காவின், 'டைம்' பத்திரிகையின், இந்த ஆண்டின் சிறந்த நபராக, பிரதமர் மோடி தேர்வு செய்யப்பட்டுள்ளார். உலகம் முழுவதும் இருந்து, 50 பிரபலங்கள் இந்த போட்டியில் பங்கேற்றதில், 50 லட்சம் பேர் ஓட்டளித்த நிலையில், அதிகபட்சமாக, 16 சதவீத ஓட்டுகளைப் பெற்று, இந்த ஆண்டின் சிறந்த நபராக மோடி தேர்வாகியுள்ளார். இந்தப் போட்டியில், அமெரிக்காவின் பெர்குஷன் நகரில், கருப்பின இளைஞனை போலீஸ் அதிகாரி சுட்டுக் கொன்றதற்கு எதிராக போராட்டம் நடத்தும் மக்கள், அலிபாபா நிறுவனத்தின் தலைவர் ஜாக் மா, ஆப்பிள் நிறுவனத்தின் டிம் கூக், பாப் பாடகி டெய்லர் ஸ்விப்ட், ரஷ்ய அதிபர் விளாடிமிர் புடின் உட்பட பலர் இடம்பெற்றிருந்தனர். இறுதியில் மோடி வென்றுள்ளார். இதற்காக, இந்தியர்கள் அதிகமானோர், 'டைம்' பத்திரிகையின் இணையதளத்தில் ஓட்டளித்தனர் என, அந்த பத்திரிகை தெரிவித்துள்ளது.