வணக்கம் டீச்சர்! - தேவயானி மிஸ்!

---
ஹீரோயின் தேவயானி இன்று ஒரு பிரபலமான
பள்ளிக்கூடத்தில் இங்கிலீஷ் டீச்சர் தேவயானி!
-
விஷயம் கேள்விப்பட்டதும் அவர் வீட்டுக்கு முன்பாக
போய் நின்றோம். நமக்கு கிடைச்ச தகவல் உண்மைதானா?
ஊர்ஜிதம் செய்ய முயற்சித்த நம்மிடம் "இப்போது நான் ந
டிக்கவேயில்லையே... என்கிட்ட என்ன கேள்வி கேட்கப்
போறீங்க?' என்றார் தேவயானி.
-
ஒரு வழக்கமான பேட்டிதான் என விளக்கியும் அவர்
சமாதானம் கொள்ளவில்லை. "டீச்சராக வேலை பாக்குறதா
சொன்னாங்க, நிஜமா?' என்றோம்.
-
"நீங்க அதப் பத்தி கேட்கதான் வந்திருக்கீங்க? ஆனா அப்டி.
இப்டி சும்மா மழுப்புறீங்க? நான் பப்ளிசிட்டிக்காக எதையும்
பேசுற மாதிரியில்ல. நான் சேவையாகத்தான் அந்த வேலையை
ஏத்துக்கிட்டிருக்கேன்' என லட்ச யோசனைக்குப் பின்னால்
நமக்காக மிச்ச நேரத்தை மிச்சப்படுத்தினார்.
-
நிறைய படங்கள் வருது. சீரியல் ஆஃபர்ஸ் எக்கச்சக்கமா
வருது. எனக்கு ஒரே மாதிரி நடிக்கணும்னு ஆசையில்ல.
அவசியமும் இல்ல. எனக்கு வித்தியாசமா ஏதாவது பண்ணணும்.
அது உருப்படியா இருக்கணும். மக்களுக்கு பிடிச்சதைப் போல
இருக்கணும்.

பணம் சம்பாதிப்பதற்காகவே வாழ்நாள் முழுக்க
யோசிச்சுக்கிட்டு இருக்க முடியாது. பிரயோஜனமா வாழ
ஆசைப்படுறேன். அப்படி ஆரம்பிச்சதுதான் இந்த டீச்சர் வேலை
என ஆத்மார்த்தமாக பேச ஆரம்பித்தவரிடம் "டீச்சர் தேவயானி'
அவதாரம் குறித்து பேச வைத்தோம்.
-
எனக்கு இப்பவும் நல்லா ஞாபகம் இருக்கு. நான் சின்னவளா
இருந்தப்ப கண்ணாடி முன்னால டீச்சர் வேடம் போட்டுதான்
ஃபர்ஸ்ட் ஃபர்ஸ்ட் நடிச்சுப் பார்த்தேன். நான் மட்டுமில்ல,
எல்லா குழந்தையும் அந்த வேஷம் போட்டுத்தான் நடிச்சிருப்பாங்க.
அங்க ஆரம்பிச்சது டீச்சர் தொழில் மேல என்னோட பேஷன்.
-
என் குழந்தைகளுக்கு டியூஷன் டீச்சர் இல்ல. நானேதான் டீச்சர்.
அங்க புராஜெக்ட்டை தினம் நான்தான் போட்டு கொடுக்கிறேன்.
அப்படியே ஃப்ரியா இருந்த டைம்ல டீச்சர் டிரெயினிங் கோர்ஸ்
ஒன்றை முடிச்சேன். அந்தப் படிப்புக்காக ஆறு மாசம் புராஜெக்ட்
ஒர்க் பண்ணி எக்ஸாம் எழுதணும். எந்தப் பள்ளிக்கூடத்தைப்
போய் கேட்பது? என் குழந்தைங்க படிக்கற சர்ச் பார்க் ஸ்கூலுக்கே
போய் கேட்டேன். அவங்க ரொம்ப சந்தோஷமா வரச்
சொல்லிட்டாங்க.
-
டெய்லி என் ஈடுபாட்டைப் பார்த்து மெய் சிலிர்த்துப்
போயிட்டாங்க. பிரின்ஸ்பாலுக்கு பெரிய ஷாக்! டீச்சர்ஸுக்கு
பெரிய சர்ப்ரைஸ்! என் பிராக்டிக்கல் முடிஞ்சு பிற்பாடு ஒரு நாள்
ஸ்கூல்ல இருந்து போன். "மிஸ் ஒருத்தவங்களுக்கு கல்யாணம்.
நீங்க தற்காலிகமா வந்து க்ளாஸ் எடுக்க முடியுமா?'னு.
"ஹாஹா... சூப்பர். கட்டாயம் வர்றேன்'னு சொல்லி மறுநாளே
உட்கார்ந்துட்டேன். இந்த வாய்ப்பு எந்த நடிகைக்கு கிடைக்கும்,
சொல்லுங்க? என்றவர் கண்கள் மலங்க கலகலவென சிரிக்கிறார்.
-
முதல்ல ஹீரோயின் தேவயானி. அப்புறம் கோலங்கள் அபி,
இப்ப ஸ்கூல் மிஸ். எல்லாம் கடவுள் புண்ணியம். ஆக்சுவலி
நாம பொறக்குறப்பவே நம்ம கூடவே ஒரு டைரியும் இந்த
உலகத்துக்கு வந்துடுது. அதன்படிதான் நாம வாழ முடியும்.
லைஃப் என்பது சினிமாவுக்கு நாம கொடுக்குற கால்ஷூட்
டைரியில்ல என சீரியஸ் ஆகிறார்.
-
என்னை நம்பி 45 குழந்தைகளை ஒப்படைச்சிருக்காங்க.
100 வருஷம் பழமையான ஸ்கூல்ல நான் இன்னிக்கு டீச்சர்.
பெத்தவங்க யாரா இருந்தாலும் ஒரு கோட்டுக்கு மேல உள்ளே
போக முடியாது. நான் அந்தக் கோட்டைத் தாண்டி க்ளாஸ்
ரூம் உள்ளேயே போய் வகுப்பு எடுக்கிறேன். முதல்ல சீனியர்
நர்சரி. டுத்து செகண்ட் ஸ்டேண்டட். அப்புறம் ஃபோர்த்.
என்னால என்னை நம்ப முடியல. ஒவ்வொரு நாளும் ஒரு
குழந்தைக்கு பர்த் டே. நர்சரியில இருந்து ப்ளஸ் டூ வரை
நிறைய பிள்ளைகள் படிக்குறாங்க.
-
டெய்லி ஒவ்வொரு குழந்தையும் எனக்கு பர்த் டேனு சொல்லி
சாக்லெட் கொடுக்குறாங்க. தினமும் கைநிறைய சாக்லெட்ஸ்ஸோட
வீட்டுக்கு வர்றேன். அவங்க நோட்ல குட்னு எழுதும் போதும்
சின்னதா ஸ்டார் போடும்போதும் எனக்கு ஏற்படுற ஹேப்பிக்கு
ஈடே இல்லை. ஆட்டோகிராஃப் போட்ட அதே கையில இப்ப
மார்க் போடுறேன்! தேவதைங்க கூட வாழுற மாதிரி இருக்குது.
இந்த ஃபீலிங்கை உங்களுக்குப் புரிய வைக்க முடியாது என
நெத்தியடி அடிக்கிறார்.
-
--------------------------------------------------

- கடற்கரய்
நன்றி: குமதம்:

இப்ப என்ன அந்த ஸ்கூல்ல சேக்க மாட்டேனு சொல்வாங்களே

சபாஷ் தேவயானி

புதிய அவதாரத்துக்கு வாழ்த்துகள்