படகு கவிழ்ந்து 70 எத்தியோப்பிய அகதிகள் சாவு

ஆப்பிரிக்க நாடான எத்தியோப்பியாவிலிருந்து யேமன்
நாட்டுக்குச் சென்று கொண்டிருந்த அகதிகள் படகு
நடுக்கடலில் கவிழ்ந்ததில், அதிலிருந்த 70 பேரும்
உயிரிழந்தனர்.

இதுகுறித்து யேமன் உள்துறை அமைச்சகம்
ஞாயிற்றுக்கிழமை தெரிவித்ததாவது:

எத்தியோப்பியாவிலிருந்து சட்ட விரோதமாக 70 அதிகளை
ஏற்றி வந்த படகு ஒன்று, மோசமான வானிலை காரணமாக
அல்-மக்கா துறைமுகத்துக்கு அருகிலுள்ள கடல் பகுதியில் க
விழ்ந்தது.

இந்த விபத்தில், படகிலிருந்த அனைவரும் உயிரிழந்தனர்
என்று உள்துறை அமைச்சகம் தெரிவித்தது.

"ஆப்பிரிக்காவின் கொம்பு' என்று அழைக்கப்படும் வடகிழக்கு
ஆப்பிரிக்கப் பகுதியிலுள்ள பதற்றம் நிறைந்த நாடுகளிலிருந்து,
ஆயிரக்கணக்கானோர் யேமன் நாட்டில் தஞ்சம் புகுந்து
வருகின்றனர்.

யேமனிலிருந்து சவூதி அரேபிய, வளைகுடா நாடுகளுக்குச்
சென்றுவிடலாம் என்ற நம்பிக்கையில், உயிரைப் பணயம்
வைத்து அவர்கள் படகுகளில் பயணம் செய்து வருகின்றனர்.

கடந்த ஐந்து ஆண்டுகளில் 5 லட்சம் பேர் யேமனில் தஞ்சம்
புகுந்துள்ளதாக ஐ.நா. அகதிகள் ஆணையம் தெரிவிக்கிறது.

ஆபத்தான சூழலில், அளவுக்கு அதிகமான அகதிகளை ஏற்றி
வரும் படகுகள் விபத்துக்குள்ளாவது அண்மைக் காலங்களில்
அதிகரித்துள்ளது.
-
அரேபிய தீபகற்பத்தில், அகதிகள் உரிமையைப் பாதுகாக்கும்
சர்வதேச ஒப்பந்தத்தில் கையெழுத்திட்டுள்ள ஒரே நாடு
யேமன்.
-
தற்போது அந்த நாட்டில் 2.46 லட்சம் அகதிகள் வசிக்கின்றனர்.
-
அவர்களில் 2.3 லட்சம் பேர் சோமாலியர்கள்.
-
மீதி பேர் எத்தியோப்பியா, எரித்ரீயா, இராக், சிரியா நாடுகளிலிருந்து
வந்தவர்கள்.
-
எத்தியோப்பியா, சோமாலியா நாட்டு அகதிகளை ஏற்றி வந்த படகு,
கடந்த மே மாதம் 31-ஆம் தேதி நடுக்கடலில் கவிழ்ந்ததில் 60 பேர்
பலியாகியது நினைவுகூரத் தக்கது.
-
-----------------------------------------
--தினமணி