ரேங்க் கார்டு – ஒரு பக்க கதை

**ayyasamy ram** · **ayyasamy ram** Mon 15 Dec 2014 - 11:11

என்னடா இது – கோபத்தில் கத்தினார் , கதிரேசன்.
தந்தையின் கையில் இருந்த ரேங்க் கார்டைப்
பார்த்து அதிர்ச்சி அடைந்தான் அண்ணாமலை.
இது எப்படி இவர் கையில் கிடைத்தது?
-
என்ன மார்க் வாங்கியிருக்கே? இங்கிலீஷில் இருபது,
கணக்கில் பதினைச்சு, சயின்ஸ் பாடத்தில் பத்து,
அசிங்கமா இல்லை?
-
அப்பா …வந்து – அண்ணாமலைக்கு வியர்த்தது.
-
எந்தேரமும் டி.வீ.பார்க்காதே, பரீட்சை வருது..படி
படின்னு எத்தனை தடவை சொன்னேன். எப்போதாவது
நான் சொல்றதைக் கேட்டிருக்கியா?
-
இல்லப்பா…அது வந்து..”
-
டேய்! பொய் சொல்லக்கூடாதுன்னு சொல்லியிருக்கேன்…
ரேங்க் கார்டை மறைச்சு வச்சுட்டு, என்னை ஏமாத்திட்டியே..!
-
நீங்க அடிப்பீங்கன்னு பயந்து…
-
அடப்பாவி, என் மகன் நேர்மை உள்ளவனா வரணும்னு
ஆசைப்பட்டேனே, இப்படிப் பண்ணிட்டியே..!
-
அனைத்தையும் கவனித்துக் கொண்டிருந்த கதிரேசன்
மனைவி பொறுமை இழந்து சொன்னாள்-
-
ஏங்க..அவனுக்கே வயசு முப்பது ஆகுது! இப்ப போய்
பழைய அலமாரியைக் கிளறி, அவன் நாலாவது
படிச்சப்போ மறைச்சி வச்ச ரேங்க் கார்டை எடுத்து
வச்சுக்கிட்டு, டென்ஷன் பண்றது நியாயமா?
அவன் உங்களைப் பார்த்து இன்னும் பயப்படறான்
பாருங்க…விடுங்க..!
-
————————————-
எஸ்.குராமகிருஷ்ணன்
நன்றி: குங்குமம்