இரண்டாவது டுவென்டி-20 யிலும் இந்தியா தோல்வி

வெலிங்டன்: மீண்டும் தகர்ந்தது இந்தியாவின் வெற்றிக் கனவு, 2 வது டுவென்டி-20 போட்டியிலும் இந்திய அணி தோல்வியை தழுவி உள்ளது. 2வது டுவென்டி -20 போட்டியிலும் வெற்றி பெற்றதன் மூலம் நியூசிலாந்து அணி தொடர‌ை 2-0 என டுவென்டி -20 தொடரை கைபற்றியுள்ளது. நியூசிலாந்தில் சுற்றுப்பயணம் மேற்கொண்டுள்ள இந்திய கிரிக்கெட் அணி 2 டுவென்டி-20 போட்டி, 5 ஒருநாள் போட்டிகள் மற்றும் 3 டெஸ்ட் போட்டிகளிலும் விளையாடி வருகிறது.

கிறிஸ்ட்சர்சில் நடைபெற்ற முதல் டுவென்டி-20 போட்டியில் 7 விக்கெட் வித்தியாசத்தில் வெற்றி பெற்று நியூசிலாந்து அணி தனது பலத்தை நிரூபித்தது. வெலிங்டனில் இன்று நடைபெற்ற 2 வது டுவென்டி-20 போட்டியில் டாஸ் வென்ற நியூசிலாந்து அணி பவுலிங்கை தேர்வு செய்தது. முதலில் பேட் செய்த இந்திய அணி துவக்கத்தில் நிதானமாக ரன் சேர்த்தாலும் பின் அடுத்தடுத்து விக்கெட்டுகளை இழந்தது. பின்னர் களமிறங்கிய யுவராஜ் சிங் 34 பந்துகளில் அரைசதம் அடித்து அவுட் ஆனார். தோனி கடைசி வரை ஆட்டமிழக்காமல் 30 பந்துகளில் 28 ரன்கள் எடுத்தார். நிர்ணயிக்கப்பட்ட 20 ஓவர்களில் 6 விக்கெட்டுகளை இழந்து 149 ரன்கள் எடுத்தது. 150 ரன்கள் எடுத்தால் வெற்றி என்ற எளிய இலக்குடன் களமிறங்கிய நியூசிலாந்து அணி துவக்கத்திலேயே அதிரடியாக விளையாடி ரன் மழை பொழிந்தது.

இறுதியில் நியூசிலாந்து அணி நிர்ணயிக்கப்பட்ட 20 ஓவர்களில் 5 விக்கெட்டுகளை இழந்து 150 ரன்கள் எடுத்தது. இதன் மூலம் 5 விக்கெட் வித்தியாசத்தில் வெற்றி பெற்று 2-0 என டுவென்டி-20 தொடரை கைப்பற்றியது. நிதானமாக விளையாடி 55 பந்துகளில் 71 ரன்கள் எடுத்த நியூசிலாந்து அணியின் பிரண்டன் மெக்கலம் ஆட்ட நாயகனாக தேர்வு செய்யப்பட்டார்.

கிறிஸ்ட்சர்சில் நடைபெற்ற முதல் டுனெவ்டி-20 போட்டியிலும் இவரே ஆட்டநாயகன் விருது பெற்றார் என்பது குறிப்பிடத்தக்கது. அணியிஇதன் மூலம் இதுவரை நடைபெற்ற இரண்டு டுவென்டி-20 போட்டிகளிலும் இந்திய அணி போராடி தோல்வி அடைந்தது. இந்த தொடர் தோல்வியின் மூலம் அடுத்து வரும் ஒருநாள் போட்டிகளிலும் மற்றும் டெஸ்ட் போட்டிகளிலும் வெற்றி பெற்று கோப்பையை கைப்பற்ற இந்திய அணி கடுமையாக போராடும் என எதிர்பார்ப்பு ரசிகர்களிடையே எழுந்துள்ளது.