மாவளியோ மாவளி!

**ayyasamy ram** · **ayyasamy ram** Fri Dec 05, 2014 7:34 am

-
கார்த்திகைத் தீப நாளில் ‘மாவளி’ சுற்றுதல்
என்ற விளையாட்டும் நிகழும்.

பனம் பூளையை (பனம் பூக்கள் மலரும் காம்பை) நன்கு
காய வைத்து, காற்றுப்புகாமல் (பள்ளத்துக்குள் வைத்து)
தீயிட்டுக் கரியாக்கி அதை நன்கு அரைத்துச் சலித்துத்
துணியில் சுருட்டி கட்டுவர்.

பின்னர், பனை ஓலை மட்டைகள் மூன்றை எடுத்து
அதன் நடுவில் கரித்தூள் சுருணையை வைத்துக் கட்டுவர்.
பிறகு அதை உரிபோல் நீண்ட கயிற்றில் பிணைப்பார்கள்.
பின்னர், துணிப்பந்தில் நெருப்பை வைத்து கனலை
ஏற்படுத்துவர்.

கயிற்றைப் பிடித்து வட்டமாகவும் பக்கவாட்டிலும்
சுற்றுவர். இருளில் அது தீப்பொறிகளைச் சிதறவிட்டு,
எரிநட்சத்திரம் வேகமாகச் சுழன்று ஓடுவது போல்
காட்சியளிக்கும்.

அப்போது மாவளியோ மாவளி என்று சத்தமிடுவர்.
இது பார்ப்பதற்கு இனிய காட்சியாகும்.

மா ஒளி (பெரிய ஒளி) என்பது மருவி மாவளி ஆனது
என்றும், பாதாளத்தில் வசிக்கும் மாவலி, தீபத்
திருநாளில் மண்ணுலகம் வந்து தீபாலங்காரத்தைக் கண்டு
மகிழ்கிறார் என்கிற ஐதீகத்தால் அவர் பெயரால் இது
‘மாவலி’ ஆனது என்றும் கூறுவர்.
-
------------------------------------

**T.N.Balasubramanian** · **T.N.Balasubramanian** Fri Dec 05, 2014 7:39 am

தற்காலத்தில் மாவளி பார்த்தவர்கள்
குறைவாகவே இருப்பர் என நினைக்கிறேன் .
ஞாபகப் படித்திய ram அவர்களுக்கு நன்றி .

ரமணியன்

**ayyasamy ram** · **ayyasamy ram** Fri Dec 05, 2014 7:59 am

-
"இருந்தாலும் ஆயிரம் பொன்; இறந்தாலும் ஆயிரம் பொன்'
என்ற வாசகம் நடமாடும் கறுத்த யானைக்கு மட்டுமல்ல
என்றும் நிலையாக கறுத்து உயர்ந்து நிற்கும் பனைமரத்துக்கும்
பொருந்தும்.
-
பனை மரங்கள் அதிகமுள்ள பகுதிகளில் மாவளி
சுற்றும் பழக்கம் இன்றும் நடைமறையில் உள்ளன
-