பிணைக்கைதியை கொல்வோம்: அமெரிக்காவுக்கு அல்கொய்தா மிரட்டல்!

-
சானா:
பிணைக்கைதியை கொல்வோம் என்று அமெரிக்காவுக்கு அல்கொய்தா தீவிரவாதிகள் மிரட்டல் விடுத்துள்ளனர்.

இங்கிலாந்தில் பிறந்த 33 வயதான லூக் சோமர்ஸ், தன் வாழ்நாளின் பெரும்பகுதியை அமெரிக்காவில் கழித்து, அந்த நாட்டின் குடியுரிமையை பெற்றவர். அதன் பின்னர் அவர், ஏமன் நாட்டுக்கு சென்று 2 ஆண்டுகள் பல்வேறு ஆங்கில நாளிதழ்களுக்கு தனிப்பட்ட பத்திரிகை புகைப்படக்காரர், மொழிபெயர்ப்பாளர், நகல் பதிப்பாளர் பணிகளை செய்து வந்தார்.

இந்நிலையில், அவரை கடந்த ஆண்டு செப்டம்பர் மாதம் 17 ஆம் தேதி ஏமன் நாட்டின் தலைநகரான சானாவில் வைத்து அல்கொய்தா தீவிரவாதிகள் கடத்திச் சென்று வைத்துள்ளனர். ஒன்றே கால் ஆண்டாக பிணைக்கைதியாக உள்ள லூக் சோமர்சை கொல்லப்போவதாக அல்கொய்தா தீவிரவாதிகள் மிரட்டி வீடியோ வெளியிட்டுள்ளனர்.

3 நிமிடங்கள் ஓடக்கூடிய அந்த வீடியோவில், உள்ளூர் அல்கொய்தா தலைவர் நாசர் பின் அலி அல் அன்சி, ''எங்கள் கோரிக்கைகள் என்னென்ன என்பது அமெரிக்காவுக்கு தெரியும், அமெரிக்க அரசுக்கு 3 நாள் கெடு விதிக்கிறோம். அதற்குள் எங்கள் கோரிக்கைளை அவர்கள் ஏற்காவிட்டால், நாங்கள் பிடித்து வைத்துள்ள அமெரிக்க பிணைக் கைதியை கொன்று விடுவோம்" என்று கூறியுள்ளார்.

மேலும், அந்த வீடியோவில் பிணைக் கைதியாக உள்ள சோமர்ஸ் பேசும்போது, ''நான் லூக் சோமர்ஸ். எனக்கு 33 வயது. நான் இங்கிலாந்தில் பிறந்தேன். ஆனால் அமெரிக்க குடியுரிமை பெற்று, என் வாழ்நாளில் பெரும்பகுதியை அங்கு கழித்து வந்தேன். சானாவில் வைத்து நான் கடத்தப்பட்டு ஓராண்டு கழிந்து விட்டது. இந்நிலையில் இருந்து என்னை மீட்டெடுக்க உதவியை எதிர்பார்க்கிறேன். எனது உயிருக்கு ஆபத்து உள்ளது என்பதை நான் நிச்சயமாக சொல்வேன். எனவே, ஏதாவது செய்ய முடியுமென்றால் அதைச் செய்யுங்கள். நன்றி" என்று கூறியுள்ளார்.
-----------------
- நியூஸ் விகடன்

என்ன தவறு செய்தார் அவர் அவரை ஏன் கொல்ல வேண்டும்.என்று தான் தீர போகிறதோ இந்த உயிர் பலி

தீவிரவாதம் என்று ஒழியுமோ அன்று தான் இந்த உயிர்பலிகள் ஒரு முடிவுக்கு வரும்...

M.Saranya wrote:தீவிரவாதம் என்று ஒழியுமோ அன்று தான் இந்த உயிர்பலிகள் ஒரு முடிவுக்கு வரும்...

மேற்கோள் செய்த பதிவு: 1108009
நானும் அதை தான் விரும்புகிறேன் ஆனால் என்று முடியும் என்று தெரிய வில்லை

.

லூக் மற்றும் அவருடன் பிணையக் கைதியாக இருந்த வேறு நாட்டை சேர்ந்த ஒருவரும் இன்று தீவிரவாதிகளால் படுகொலை செய்யப் பட்டனர்

அமெரிக்க சிறப்புப் படை எமன் அரசு உதவியோடு தனது நாட்டுப் பிரஜையை காப்பாற்ற அதிரடியில் இறங்கியது . வீரர்களைக் கண்டதும் தீவிரவாதிகள் பிணையக் கைதிகளைக் கொன்று விட்டனர்.

அமெரிக்க வீரர்கள் சுமார் 10 அல்லது அதற்கு மேற்பட்ட தீவிரவாதிகளை கொன்றனர்.